𝐆𝐎𝐕𝐄𝐑𝐍𝐔 𝐇𝐎 𝐏𝐍 𝐀𝐒𝐄𝐋𝐄𝐑𝐀 𝐀𝐒𝐔𝐍𝐓𝐔 𝐋𝐄𝐆𝐀́𝐋 𝐒𝐈𝐑𝐀 𝐇𝐎𝐃𝐈 𝐊𝐎𝐌𝐏𝐋𝐄𝐓𝐀 𝐊𝐑𝐈𝐓𝐄́𝐑𝐈𝐀 𝐀𝐃𝐄𝐙𝐀𝐔𝐍 𝐓𝐋 𝐁𝐀́ 𝐀𝐒𝐄𝐀𝐍

DILI, 17 Juñu 2025
IX Governu Konstitusionál lidera hosi Primeiru-Ministru (PM), Kay Rala Xanana Gusmão kontinua koordena ho Parlamentu Nasionál (PN), atu aselera asuntu legál (Lei) sira ne’ebé nesessáriu, hodi kompleta kritéria sira nune’e Timor-Leste (TL) adere totál hanesan membru plenu Association of Southeast Asian Nations (ASEAN) iha outubru 2025.
Koordenasaun ne’e liu-hosi enkontru entre Xefe Governu ho Prezidente Parlamentu Nasionál, Maria Fernanda Lay, iha Parlamentu Nasionál, tersa (17/06/2025).
“𝐌𝐚𝐢 𝐤𝐨’𝐚𝐥𝐢𝐚 𝐡𝐨 𝐏𝐫𝐞𝐳𝐢𝐝𝐞𝐧𝐭𝐞 𝐏𝐚𝐫𝐥𝐚𝐦𝐞𝐧𝐭𝐮, 𝐢𝐧𝐟𝐨𝐫𝐦𝐚 𝐭𝐚𝐧𝐛𝐚 𝐡𝐨𝐫𝐢𝐬𝐞𝐡𝐢𝐤 𝐫𝐞𝐚𝐥𝐢𝐳𝐚 𝐫𝐞𝐮𝐧𝐢𝐚𝐮𝐧 𝐩𝐫𝐞𝐩𝐚𝐫𝐚𝐬𝐚𝐮𝐧 𝐤𝐨𝐧𝐚-𝐛𝐚́ 𝐀𝐒𝐄𝐀𝐍. 𝐇𝐚’𝐮 𝐥𝐨𝐫𝐢 𝐨𝐧𝐚 𝐝𝐨𝐤𝐮𝐦𝐞𝐧𝐭𝐮 𝐬𝐢𝐫𝐚 𝐦𝐚𝐢, 𝐡𝐮𝐬𝐮 𝐏𝐫𝐞𝐳𝐢𝐝𝐞𝐧𝐭𝐞 𝐚𝐭𝐮 𝐝𝐞𝐡𝐚𝐧 𝐛𝐚́ 𝐛𝐚𝐧𝐤𝐚𝐝𝐚 𝐬𝐢𝐫𝐚 𝐤𝐚𝐭𝐚𝐤, 𝐩𝐫𝐞𝐩𝐚𝐫𝐚𝐬𝐚𝐮𝐧 𝐛𝐚́ 𝐀𝐒𝐄𝐀𝐍 𝐛𝐮𝐚𝐭 𝐢𝐦𝐩𝐨𝐫𝐭𝐚𝐧𝐭𝐞 𝐢𝐝𝐚 𝐦𝐚𝐤𝐚 𝐋𝐞𝐢 𝐡𝐨𝐝𝐢 𝐚𝐩𝐫𝐨𝐯𝐚 𝐧𝐮𝐧𝐞’𝐞 𝐢𝐭𝐚 𝐛𝐞𝐥𝐞 𝐭𝐚𝐦𝐚. 𝐓𝐚𝐧𝐛𝐚 𝐧𝐞’𝐞 𝐦𝐚𝐤𝐚 𝐡𝐚’𝐮 𝐡𝐨 𝐏𝐫𝐞𝐳𝐢𝐝𝐞𝐧𝐭𝐞 𝐏𝐍 𝐡𝐚𝐫𝐞𝐞 𝐛𝐚́ 𝐢𝐝𝐚-𝐧𝐞’𝐞. 𝐈𝐡𝐚 𝐋𝐞𝐢 𝐛𝐚𝐥𝐮𝐧 𝐡𝐚𝐫𝐮𝐤𝐚 𝐭𝐢𝐡𝐚 𝐨𝐧𝐚 𝐦𝐚𝐢, 𝐛𝐚𝐥𝐮𝐧 𝐬𝐞𝐢𝐝𝐚𝐮𝐤 𝐧𝐨 𝐢𝐝𝐚-𝐧𝐞’𝐞 𝐮𝐫𝐣𝐞𝐧𝐭𝐞,” PM Xanana hateten.
Antes ne’e mós Primieru-Ministru ko’alia iha reuniaun koordenasaun interministeriál katak, iha Simeira ASEAN bá dala-46 iha Kuala Lumpur, ezije bá Timor-Leste atu kumpri passu sira prosessuál nesessáriu bá adezaun no atu aselera negosiasaun sira kona-bá akordu ekonómiku essensiál sira. Ne’e sei ezije esforsu sériu. Sei ezije uniaun, foku ho forte sentidu urjénsia.
Enkontru ohin mos líder na’in-rua haree hamutuk kona-bá data submisaun Proposta Lei Orsamentu Jerál Estadu (OJE) 2026 nian bá PN.
Primeiru-Ministru mós esplika oitoan bá PN kona-bá ezekusaun Orsamentu Jerál Estadu (OJE) tinan 2025 nian iha trimestre dahuluk to’o fulan marsu.
𝐒𝐄𝐈 𝐓𝐀𝐊𝐀 𝐄𝐌𝐏𝐑𝐄𝐙𝐀 𝐏𝐔́𝐁𝐋𝐈𝐊𝐀 𝐇𝐎 𝐈𝐍𝐒𝐓𝐈𝐓𝐔𝐓𝐔 𝐏𝐔́𝐁𝐋𝐈𝐊𝐔
Durante enkontru ne’e mós Primeiru-Ministru ho Prezidente Parlamentu Nasionál ko’alia kona-bá atu halo alterasaun bá Lei ka Dekretu ne’ebé fó dalan hodi loke Empreza Públika no Institutu Públiku sira.
Desizaun atu halo alterasaun hodi taka ne’e tanba tuir Primeiru-Ministru katak, ezisténsia Institutu Públiku no Empreza Públika sira ne‘e gasta de‘it osan Estadu maibé laiha rezultadu ka la lori retornu ruma bá Estadu.

Link facebook (Média-GPM)