𝐋𝐀𝐍𝐒𝐀𝐌𝐄𝐍𝐓𝐔 𝐆𝐀𝐋𝐄́𝐑𝐈𝐀 𝐀𝐑𝐓𝐄 𝐍𝐀𝐊𝐋𝐎𝐊𝐄, 𝐏𝐑 𝐑𝐀𝐌𝐎𝐒-𝐇𝐎𝐑𝐓𝐀 𝐀𝐏𝐄𝐋𝐀 𝐋𝐀𝐁𝐄𝐋𝐄 𝐒𝐎‘𝐄 𝐋𝐈𝐗𝐔 𝐀𝐑𝐁𝐈𝐑𝐔

DILI, 03 Juñu 2025
Prezidente Repúblika (PR), José Ramos-Horta apela bá estudante, joven sira, funsionáriu Estadu no populasaun tomak atu labele so’e lixu arbiru tanba bele estraga Tasi Timor ho nia biodiversidade tomak.
Prezidente Repúblika hato’o apelu ne’e iha serimónia lansamentu Galéria Arte iha Ar Livre no Murál Oseanu iha Palásiu Governu nia oin, tersa (03/06/2025).
Lansamentu Galéria Arte Nakloke ne’e hanesan mós programa ida bá komemorasaun Loron Mundiál Oseanu 2025 ho Tema: ‘𝐅𝐮𝐫𝐚𝐤 𝐓𝐞𝐛𝐞𝐬! 𝐓𝐚𝐧𝐞 𝐀𝐚𝐬 𝐁𝐮𝐚𝐭 𝐧𝐞’𝐞𝐛𝐞́ 𝐓𝐚𝐧𝐞 𝐈𝐭𝐚’ nu’udár tema globál ne’ebé fó-hanoin katak, nasaun hotu-hotu halo parte iha buat ida ne’ebé boot-liu no apelu ida bá Governu hotu-hotu atu labele haluha Maravilla tasi nian.
“𝐒𝐢𝐫𝐚 𝐧𝐞’𝐞𝐛𝐞́ 𝐡𝐞𝐥𝐚 𝐢𝐡𝐚 𝐦𝐨𝐭𝐚 𝐬𝐨𝐫𝐢𝐧, 𝐦𝐨𝐭𝐚 𝐧𝐢𝐧𝐢𝐧 𝐡𝐚‘𝐮 𝐡𝐮𝐬𝐮 𝐝𝐞‘𝐢𝐭 𝐦𝐚𝐤𝐚 𝐧𝐞’𝐞, 𝐥𝐚𝐛𝐞𝐥𝐞 𝐬𝐨‘𝐞 𝐥𝐢𝐱𝐮 𝐚𝐫𝐛𝐢𝐫𝐮, 𝐥𝐢𝐮-𝐥𝐢𝐮 𝐥𝐚𝐛𝐞𝐥𝐞 𝐟𝐚𝐤𝐚𝐫 𝐥𝐢𝐱𝐮 𝐢𝐡𝐚 𝐦𝐨𝐭𝐚 𝐥𝐚𝐫𝐚𝐧 𝐭𝐚𝐧𝐛𝐚 𝐛𝐚𝐢𝐧𝐡𝐢𝐫𝐚 𝐦𝐨𝐭𝐚 𝐭𝐮𝐮𝐧 𝐥𝐚𝐥𝐢𝐧 𝐥𝐢𝐱𝐮 𝐭𝐨𝐧𝐞𝐥𝐚𝐝𝐚 𝐫𝐢𝐡𝐮𝐧 𝐫𝐞𝐬𝐢𝐧 𝐛𝐚́ 𝐭𝐚𝐬𝐢 𝐥𝐚𝐫𝐚𝐧. 𝐋𝐢𝐱𝐮 𝐧𝐞’𝐞 𝐛𝐞𝐥𝐞 𝐞𝐬𝐭𝐫𝐚𝐠𝐚 𝐡𝐨𝐭𝐮 𝐛𝐢𝐨𝐝𝐢𝐯𝐞𝐫𝐬𝐢𝐝𝐚𝐝𝐞 𝐢𝐡𝐚 𝐭𝐚𝐬𝐢 𝐨𝐤𝐨𝐬,” José Ramos-Horta hateten.
Xefe Estadu fó-hanoin katak, tinan hira ona mak ko’alia kona-bá problema ida-ne’e. Desde uluk sei assume kargu hanesan Ministru Negósiu Estranjeiru no Kooperasaun (MNEK) J.Ramos-Horta halo programa ida kona-bá kada semana lalin labarik sira hosi Metiaut bá foti lixu iha Área Branca nian.
Alende ne’e iha mós inisiativa hosi Governu hodi trasa programa kada semana membru Governu no funsionáriu Estadu bá hamoos lixu iha tasi-ibun.
“𝐀𝐭𝐮 𝐟𝐨́-𝐡𝐚𝐧𝐨𝐢𝐧 𝐤𝐚𝐭𝐚𝐤, 𝐢𝐭𝐚 𝐡𝐚𝐥𝐨 𝐡𝐚𝐧𝐞𝐬𝐚𝐧 𝐧𝐞‘𝐞 𝐡𝐨 𝐨𝐛𝐣𝐞𝐭𝐢𝐯𝐮 𝐥𝐚‘𝐨́𝐬 𝐚𝐭𝐮 𝐡𝐚𝐦𝐨𝐨𝐬 𝐝𝐞‘𝐢𝐭 𝐥𝐢𝐱𝐮 𝐦𝐚𝐢𝐛𝐞́ 𝐡𝐚𝐧𝐞𝐬𝐚𝐧 𝐞𝐳𝐞𝐦𝐩𝐥𝐮 𝐤𝐨𝐧𝐤𝐨𝐫𝐞𝐭𝐚 𝐢𝐝𝐚 𝐚𝐭𝐮 𝐛𝐨𝐥𝐮 𝐚𝐭𝐞𝐧𝐬𝐚𝐮𝐧 𝐛𝐚́ 𝐩𝐨𝐩𝐮𝐥𝐚𝐬𝐚𝐮𝐧 𝐤𝐨𝐧𝐚-𝐛𝐚́ 𝐨𝐢𝐧𝐬𝐚́ 𝐢𝐡𝐚 𝐤𝐨𝐧𝐬𝐢𝐞́𝐧𝐬𝐢𝐚 𝐚𝐭𝐮 𝐡𝐚𝐥𝐢𝐛𝐮𝐫 𝐥𝐢𝐱𝐮 𝐢𝐡𝐚 𝐟𝐚𝐭𝐢𝐧 𝐩𝐫𝐨́𝐩𝐫𝐢𝐮 𝐧𝐨 𝐥𝐨𝐫𝐢 𝐛𝐚́ 𝐢𝐡𝐚 𝐟𝐚𝐭𝐢𝐧 𝐧𝐞’𝐞𝐛𝐞́ 𝐆𝐨𝐯𝐞𝐫𝐧𝐮 𝐩𝐫𝐞𝐩𝐚𝐫𝐚,” Prezidente Repúblika hateten.
Meius hotu-hotu ne’ebé Estadu ho Governu inisia, hola parte iha edukasaun sívika atu bolu atensaun no konsiensializa joven sira, estudante no futuru nasaun ne‘e nian atu hadomi rai ne‘e, liu-hosi la so‘e lixu arbiru.
Espozisaun Galéria nakloke hanesan arte ida ne’ebé livre bá ema hotu-hotu atu vizita no bele halo reflesaun ba Oseanu no atividade ne‘e realiza tanba kolabora ho Ministériu Turizmu Ambiente no Gabinete Fronteira Terrestre no Marítima.
Galéria Arte nakloke ne’e iha instalasaun Cubo Acrílico naronan hamutuk 8 no mós imazen hamutuk 32 kona-bá paijazen tasi Timor nian.
Imazen sira ne’e foka liu bá biodiversidade únika hosi Tasi Timor nian ne‘ebé liga entre Tasi ho Natureza povu Timor nian.
Espozisaun fotografia nakloke ne’e kompleta ho fotografia 21 iha parede Casa Europa nian hosi Ministériu Turizmu no Ambiente no iha imazen nia okos iha Murál Oseanu, ne‘ebé pinta hosi pintór Timoroan sira hosi Arte no Kultura, sira kapta-liu bá iha biodiversidade mariña ho nia konservasaun.
Espozisaun ne‘e atu sensibiliza no hasa‘e koñesimentu bá loron Oseanu ne‘ebé importante no toka liu bá vida tasi nian, iha mós inisiativa hodi involve, atrai vizitante nasionál ho internasionál hodi aumenta koñesimentu kona-bá importánsia Oseanu bá umanu, oinsá kuidadu ambiente tasi bá futuru jerasaun.
Durante semana tomak, Projetu Arte Oseanu iha eskola ne’ebé lidera hosi Ministériu Edukasaun (ME) sei hala’o iha nasaun tomak.
Aprezentasaun kulturál, karavana ho ró no dansa tradisionál ne’ebé selebra patrimóniu tasi nian sei hala’o iha munisípiu Ainaro, Baucau, Manufahi, Lautém, Rejiaun Administrativa Espesiál Oecusse Ambeno (RAEOA) no Illa Ataúro.
Partisipa iha serimónia ne‘e Prezidente Parlamentu Nasionál (PN), Maria Fernanda Lay, Primeiru-Ministru (PM), Kay Rala Xanana Gusmão, Prezidente Tribunál Rekursu, Afonso Carmona, deputadu sira, membru Governu sira, korpu diplomátiku, Diretora Ezekutiva Gabinete Fronteira Maritima no Terrestre atuál Xefe Gabinete Primeiru-Ministru, Elizabeth Exposto no funsionáriu sira.

link facebook (Média-GPM)