𝐏𝐌 𝐗𝐀𝐍𝐀𝐍𝐀 𝐄𝐍𝐓𝐑𝐄𝐆𝐀 𝐔𝐌𝐀 𝐅𝐎𝐔𝐍 𝐁𝐀́ 𝐔𝐌𝐀-𝐊𝐀’𝐈𝐍 𝐇𝐈𝐓𝐔 𝐈𝐇𝐀 𝐁𝐄𝐂𝐔𝐒𝐄-𝐊𝐑𝐀𝐈𝐊

DILI, 22 Juñu 2025
Primeiru Ministru (PM), Kay Rala Xanana Gusmão ofisialmente entrega uma foun bá uma-ka’in hitu (7) iha aldeia Becuse-Kraik, Suku Becora, postu administrativu Kristu Rei, munisípiu Dili, domingu (22/06/2025).
Serimónia entrega ne’e hahú ho tara tais hosi família hitu ne’e bá Primeiru-Ministru, kontinua ho tesi fita no bensaun bá uma foun sira hosi Padre Roberto Cosat, SVD.
Primeiru-Ministru hateten, ema hotu-hotu ne’ebé halibur-malu iha ne’e nu’udár família ida de’it, ida-ne’e mak hanaran fraternidade umana.
“𝐈𝐭𝐚 𝐥𝐚 𝐡𝐢𝐥𝐢 𝐦𝐚𝐢-𝐡𝐨𝐬𝐢 𝐧𝐞’𝐞𝐛𝐞́, 𝐧𝐢𝐧𝐢𝐚 𝐚𝐦𝐚𝐧 𝐦𝐚𝐤 𝐬𝐞́ 𝐧𝐨 𝐡𝐞𝐥𝐚 𝐢𝐡𝐚 𝐧𝐞’𝐞𝐛𝐞́. 𝐈𝐭𝐚 𝐡𝐚𝐦𝐮𝐭𝐮𝐤 𝐡𝐚𝐥𝐢𝐛𝐮𝐫-𝐦𝐚𝐥𝐮 𝐡𝐨 𝐤𝐨𝐧𝐭𝐞𝐧𝐭𝐞 𝐢𝐡𝐚 𝐟𝐚𝐦𝐢́𝐥𝐢𝐚 𝐢𝐝𝐚 𝐝𝐞’𝐢𝐭,” Xefe Governu hateten.
Xefe Governu konisdera katak loos, dala ruma ema sente katak justisa atu defende fali ema sira ne’ebé mak iha osan, ema ne’ebé mak iha koneksaun bá malu.
Tanba ne’e mak iha momentu ne’ebá dader-san ida, grupu feto ida kompostu hosi inan ida ho nia oan sira hamriik iha uma oin Lecidere dehan katak ema sobu daudaun ona sira-nia uma.
“𝐈𝐡𝐚 𝐝𝐚𝐝𝐞𝐫𝐬𝐚𝐧 𝐧𝐞’𝐞𝐛𝐚́ 𝐤𝐞𝐝𝐚𝐧 𝐡𝐚’𝐮 𝐦𝐚𝐢 𝐝𝐮𝐧𝐢 𝐢𝐡𝐚 𝐟𝐚𝐭𝐢𝐧 𝐢𝐝𝐚-𝐧𝐞’𝐞 𝐡𝐚’𝐮 𝐡𝐚𝐫𝐞𝐞 𝐬𝐢𝐫𝐚-𝐧𝐢𝐚 𝐬𝐚𝐬𝐚𝐧 𝐢𝐡𝐚 𝐡𝐨𝐭𝐮 𝐨𝐧𝐚 𝐥𝐢𝐮𝐫. 𝐒𝐢𝐫𝐚 𝐚𝐭𝐮 𝐬𝐨𝐛𝐮 𝐭𝐚́𝐧 𝐨𝐧𝐚 𝐩𝐚𝐫𝐭𝐞 𝐬𝐨𝐫𝐢𝐧 𝐧𝐞’𝐞𝐛𝐚́ 𝐧𝐨 𝐡𝐚’𝐮 𝐭𝐮𝐮𝐫 𝐤𝐞𝐝𝐚𝐧 𝐢𝐡𝐚-𝐧𝐞’𝐞 𝐡𝐨𝐝𝐢 𝐝𝐞𝐡𝐚𝐧, 𝐬𝐞 𝐢𝐦𝐢 𝐬𝐨𝐛𝐮 𝐭𝐚́𝐧 𝐢𝐝𝐚 𝐧𝐞’𝐞𝐛𝐚́ 𝐢𝐦𝐢 𝐨𝐡𝐨 𝐭𝐢𝐡𝐚 𝐡𝐚’𝐮 𝐦𝐚𝐤 𝐢𝐦𝐢 𝐬𝐨𝐛𝐮,” PM Xanana konta tuir.
Ne’e tanba la’os primeira vez Kay Rala Xanana Gusmão mai tuur iha ne’e hodi ko’alia ho apa no ama sira iha-ne’e dehan katak, ema ne’ebé lori problema ne’e iha Justisa la’ós rai na’in.
“𝐓𝐚𝐧𝐛𝐚 𝐧𝐞’𝐞 𝐢𝐭𝐚 𝐩𝐫𝐞𝐬𝐢𝐳𝐚 𝐚𝐭𝐮 𝐚𝐠𝐫𝐚𝐝𝐞𝐬𝐞 𝐛𝐚́ 𝐫𝐚𝐢-𝐧𝐚’𝐢𝐧 𝐕𝐢𝐜𝐞𝐧𝐭𝐞 𝐝𝐞 𝐉𝐞𝐬𝐮𝐬 𝐕𝐢𝐝𝐢𝐠𝐚𝐥 𝐡𝐨 𝐧𝐢𝐚 𝐛𝐞𝐢𝐨𝐚𝐧 𝐢𝐡𝐚 𝐡𝐞𝐥𝐚 𝐈𝐧𝐠𝐥𝐚𝐭𝐞𝐫𝐚,” PM Xanana agradese.
Primeiru-Ministru agradese tanba Timoroan Vicente de Jesus Vidigal mak erdeiru bá rai ida-ne’e. Iha momentu ne’ebá kedan bainhira Xanana Gusmão ho família sira kontaktu ho nia bei-oan, dehan katak ema ne’ebé mak lori problema ne’e bá iha justisa la’ós rai na’in.
“𝐇𝐚‘𝐮 𝐦𝐚𝐤 𝐫𝐚𝐢 𝐧𝐢𝐚 𝐧𝐚’𝐢𝐧. 𝐑𝐚𝐢 𝐧𝐞’𝐞 𝐡𝐚’𝐮 𝐞𝐧𝐭𝐫𝐞𝐠𝐚 𝐛𝐚́ 𝐢𝐧𝐚𝐧-𝐚𝐦𝐚𝐧 𝐬𝐢𝐫𝐚 𝐢𝐡𝐚 𝐟𝐚𝐭𝐢𝐧 𝐧𝐞’𝐞 𝐚𝐭𝐮 𝐡𝐞𝐥𝐚 𝐭𝐚𝐧𝐛𝐚 𝐫𝐚𝐢 𝐧𝐞’𝐞 𝐞𝐧𝐭𝐫𝐞𝐠𝐚 𝐨𝐧𝐚 𝐝𝐞𝐬𝐝𝐞 𝐡𝐚’𝐮-𝐧𝐢𝐚 𝐀𝐯𝐨́ 𝐧𝐢𝐚 𝐭𝐞𝐦𝐩𝐮 𝐚𝐭𝐮 𝐟𝐚𝐦𝐢́𝐥𝐢𝐚 𝐬𝐢𝐫𝐚 𝐧𝐞‘𝐞 𝐡𝐞𝐥𝐚,” PM Xanana konta tuir lia-fuan hosi beioan Vicente de Jesus Vidigal.
Xanana Gusmão dehan, tanba lia-fuan ida-ne‘e mak nia mai defende justisa iha fatin ida-ne‘e. Problema hanesan akontese mós iha fatin barak, maibé Xanana Gusmão labele defende hotu hanesan hanesan agora daudaun.
Iha mós kazu seluk, inan faluk ida hela iha Bedois, ema lori kazu ne‘e bá to’o Tribunál no Xanana Gusmão bá defende, agora daudaun Xefe Governu sei halo tán inan faluk ne‘e ninia uma hanesan maluk sira iha Becusse-Kraik.
“𝐇𝐚𝐮 𝐦𝐨́𝐬 𝐚𝐩𝐫𝐞𝐬𝐢𝐚 𝐭𝐞𝐛𝐭𝐞𝐛𝐞𝐬 𝐡𝐨 𝐌𝐨𝐯𝐢𝐦𝐞𝐧𝐭𝐮 𝐁𝐫𝐢𝐠𝐚𝐝𝐚 𝐗𝐚𝐧𝐚𝐧𝐚 𝐧𝐞’𝐞𝐛𝐞́ 𝐬𝐞𝐫𝐯𝐢𝐬𝐮 𝐡𝐨 𝐥𝐚𝐫𝐚𝐧 𝐧𝐨 𝐬𝐞𝐫𝐯𝐢𝐬𝐮 𝐥𝐚 𝐡𝐮𝐬𝐮 𝐨𝐬𝐚𝐧. 𝐈𝐝𝐚-𝐧𝐞’𝐞 𝐦𝐚𝐤 𝐝𝐞𝐡𝐚𝐧 𝐟𝐫𝐚𝐭𝐞𝐫𝐧𝐢𝐝𝐚𝐝𝐞 𝐮𝐦𝐚𝐧𝐚. 𝐓𝐚𝐧𝐛𝐚 𝐢𝐝𝐚-𝐧𝐞’𝐞 𝐦𝐚𝐤 𝐨𝐡𝐢𝐧 𝐢𝐭𝐚 𝐡𝐚𝐥𝐢𝐛𝐮𝐫-𝐦𝐚𝐥𝐮 𝐢𝐡𝐚-𝐧𝐞’𝐞, 𝐧𝐮’𝐮𝐝𝐚́𝐫 𝐟𝐚𝐦𝐢𝐥𝐢𝐚, 𝐟𝐫𝐚𝐭𝐞𝐫𝐧𝐢𝐝𝐚𝐝𝐞, 𝐧𝐮’𝐮𝐝𝐚́𝐫 𝐦𝐚𝐮𝐧 𝐡𝐨 𝐚𝐥𝐢𝐧,” nia hateten.
Primeiru-Ministru apela bá família hitu ne’e atu kontinua kria ambiente ida armonia, liu-hosi hanorin oan sira atu lebele halo problema iha-ne’e. Hanorin oan sira atu moris iha dame, respeita-malu no tulun-malu nu’udár maun-alin tanba futuru ne’e iha oan sira-nia liman.
Nune’e mós José Lobato dos Santos lori família hitu ne’e agradese bá líder nasionál Kay Rala Xanana Gusmão ne’ebé sai salvadór bá sira iha tempu susar nia laran, iha momentu difísil sira laiha ona esperansa, laiha ona laran metin tanba ema mai sobu sira-nia uma, labarik sira tanis, inan sira halerik ho matan been, laiha ema ida mak rona sira-nia halerik.
Teki-teki, Kay Rala Xanana Gusmão mosu mai hanesan salvadór ne’ebé lori laran metin, hamaran kiik-oan sira ho ferik sira-nia matan-been, salva hosi prosesu justisa falsu to’o hasai ninia osan rasik hodi konstrui tán uma dignu atu família hirak ne’e bele helik-an hosi udan, anin no loron manas.
Agradese mós bá na’in bá rai maun Vicente de Jesus Vidigal ne’ebé maski dook hosi Timor maibé iha nafatin domin bo’ot bá família hirak ne’e hodi deklara katak, rai ne’e ninian duni no entrega bá atan-oan hirak ne’ebé agora daudaun iha-ne’e.
Agradese la nahas mós hato’o bá Movimentu Brigada Xanana (MBX) no parte hotu-hotu ne’ebé servisu nonok la hatene kolen, la husu buat ida to’o ohin loron uma hirak ne’e finaliza konstrusaun.
“𝐁𝐮𝐚𝐭 𝐡𝐢𝐫𝐚𝐤 𝐧𝐞’𝐞 𝐡𝐨𝐭𝐮 𝐚𝐦𝐢 𝐟𝐚𝐦𝐢́𝐥𝐢𝐚 𝐡𝐢𝐭𝐮 𝐧𝐞’𝐞 𝐤𝐨𝐧𝐭𝐚 𝐢𝐡𝐚 𝐚𝐦𝐢-𝐧𝐢𝐚 𝐨𝐫𝐚𝐬𝐚𝐮𝐧 𝐥𝐨𝐫𝐥𝐨𝐫𝐨𝐧 𝐧𝐢𝐚𝐧 𝐚𝐭𝐮 𝐩𝐚𝐫𝐭𝐞 𝐬𝐢𝐫𝐚 𝐧𝐞’𝐞 𝐛𝐞𝐥𝐞 𝐡𝐞𝐭𝐚𝐧 𝐠𝐫𝐚𝐬𝐚 𝐦𝐨𝐫𝐢𝐬 𝐧𝐚𝐫𝐞𝐬𝐢𝐧 𝐡𝐨𝐝𝐢 𝐤𝐨𝐧𝐭𝐢𝐧𝐮𝐚 𝐬𝐚𝐢 𝐌𝐚𝐫𝐨𝐦𝐚𝐤 𝐍𝐢𝐧𝐢𝐚 𝐥𝐢𝐦𝐚𝐧 𝐚𝐢𝐧 𝐚𝐭𝐮 𝐭𝐮𝐥𝐮𝐧 𝐞𝐦𝐚 𝐤𝐛𝐢𝐢𝐭 𝐥𝐚𝐞𝐤 𝐬𝐢𝐫𝐚 𝐧𝐞’𝐞𝐛𝐞́ 𝐩𝐫𝐞𝐬𝐢𝐳𝐚,” nia hateten.
Xefe Aldeia Becuse-Kraik agradese bá líder nasionál Kay Rala Xanana Gusmão nu’udár manu aman Timor ninian ne’ebé esforsu másimu hamutuk ho maluk sira hotu, rai na’in hodi salva família hirak ne’e no kontinua kria kondisaun ho kbiit rasik bá família sira ne’e mak ohin loron kontente hamutuk iha fatin ida-ne’e.
“𝐇𝐚𝐧𝐞𝐬𝐚𝐧 𝐚𝐮𝐭𝐨𝐫𝐢𝐝𝐚𝐝𝐞 𝐥𝐨𝐤𝐚́𝐥 𝐤𝐨𝐧𝐭𝐞𝐧𝐭𝐞 𝐭𝐞𝐛𝐭𝐞𝐛𝐞𝐬 𝐛𝐚𝐢𝐧𝐡𝐢𝐫𝐚 𝐡𝐚𝐫𝐞𝐞 𝐟𝐚𝐦𝐢́𝐥𝐢𝐚 𝐬𝐢𝐫𝐚 𝐧𝐞’𝐞 𝐧𝐢𝐚 𝐦𝐚𝐭𝐚𝐧-𝐛𝐞𝐞𝐧 𝐥𝐚 𝐦𝐨𝐧𝐮 𝐭𝐚́𝐧 𝐛𝐚́ 𝐫𝐚𝐢. 𝐀𝐦𝐢 𝐤𝐨𝐧𝐭𝐞𝐧𝐭𝐞 𝐥𝐢𝐮-𝐭𝐚́𝐧 𝐛𝐚𝐢𝐧𝐡𝐢𝐫𝐚 𝐡𝐚𝐫𝐞𝐞 𝐬𝐢𝐫𝐚 𝐡𝐞𝐥𝐚 𝐢𝐡𝐚 𝐟𝐚𝐭𝐢𝐧 𝐝𝐢’𝐚𝐤 𝐧𝐨 𝐝𝐢𝐠𝐧𝐮 𝐧𝐞’𝐞𝐛𝐞́ 𝐨𝐟𝐞𝐫𝐞𝐬𝐞 𝐡𝐨𝐬𝐢 𝐦𝐚𝐮𝐧 𝐛𝐨𝐨𝐭 𝐗𝐚𝐧𝐚𝐧𝐚. 𝐀𝐠𝐫𝐚𝐝𝐞𝐬𝐞 𝐦𝐨́𝐬 𝐛𝐚́ 𝐟𝐚𝐦𝐢́𝐥𝐢𝐚 𝐕𝐢𝐝𝐢𝐠𝐚𝐥,” nia agradese.
Koordenadór interinu MBX, Americo Maia esplika, orsamentu bá uma hitu ne’e mai-hosi osan privada Primeiru-Ministru nian no MBX responsabiliza kontrusaun ho voluntáriu.
“𝐈𝐭𝐚 𝐬𝐞𝐫𝐯𝐢𝐬𝐮 𝐝𝐮𝐫𝐚𝐧𝐭𝐞 𝐟𝐮𝐥𝐚𝐧 𝐭𝐨𝐥𝐮 𝐬𝐞𝐦𝐚𝐧𝐚 𝐫𝐮𝐚. 𝐊𝐨𝐧𝐬𝐭𝐫𝐮𝐬𝐚𝐮𝐧 𝐧𝐞’𝐞 𝐡𝐚𝐡𝐮́ 𝐢𝐡𝐚 𝐢𝐧𝐢́𝐬𝐢𝐮 𝐟𝐮𝐥𝐚𝐧 𝐌𝐚𝐫𝐬𝐮 𝐧𝐨 𝐤𝐨𝐧𝐤𝐥𝐮𝐢 𝐢𝐡𝐚 𝐌𝐚𝐢𝐮 𝐧𝐢𝐚 𝐤𝐥𝐚𝐫𝐚𝐧. 𝐈𝐭𝐚-𝐧𝐢𝐚 𝐛𝐚𝐝𝐚’𝐞𝐧 𝐢𝐡𝐚 𝐧𝐚’𝐢𝐧-𝐥𝐢𝐦𝐚 𝐡𝐨 𝐚𝐣𝐮𝐝𝐚𝐧𝐭𝐞 𝐧𝐚’𝐢𝐧-𝟏𝟎. 𝐒𝐢𝐫𝐚 𝐧𝐞’𝐞 𝐢𝐭𝐚-𝐧𝐢𝐚 𝐦𝐞𝐦𝐛𝐫𝐮 𝐌𝐁𝐗 𝐧𝐞’𝐞𝐛𝐞́ 𝐬𝐞𝐫𝐯𝐢𝐬𝐮 𝐡𝐨 𝐯𝐨𝐥𝐮𝐧𝐭𝐚́𝐫𝐢𝐮 𝐡𝐨𝐝𝐢 𝐚𝐣𝐮𝐝𝐚 𝐤𝐨𝐧𝐬𝐭𝐫𝐮𝐢 𝐛𝐚́ 𝐢𝐭𝐚-𝐧𝐢𝐚 𝐦𝐚𝐥𝐮𝐤 𝐬𝐢𝐫𝐚. 𝐇𝐞𝐢𝐧 𝐤𝐚𝐭𝐚𝐤, 𝐮𝐦𝐚 𝐬𝐢𝐫𝐚 𝐧𝐞’𝐞 𝐛𝐞𝐥𝐞 𝐬𝐚𝐢 𝐝𝐮𝐧𝐢 𝐦𝐚𝐡𝐨𝐧 𝐛𝐚́ 𝐢𝐭𝐚-𝐧𝐢𝐚 𝐦𝐚𝐥𝐮𝐤 𝐬𝐢𝐫𝐚,” nia hateten.
Koordenadór Ekipa Servisu Sosiál MBX, Carlos de Deus agradese bá servisu hamutuk durante prosesu tomak kontrusaun bá uma hitu ne’e to‘o ohin maun bo‘ot Kay Rala Xanana Gusmão entrega bá família sira hodi hela.
MBX kaer metin bá prinsípiu ida katak “𝐋𝐨𝐥𝐨 𝐥𝐢𝐦𝐚𝐧 𝐛𝐚́ 𝐞𝐦𝐚 𝐡𝐨𝐝𝐢 𝐭𝐮𝐥𝐮𝐧-𝐦𝐚𝐥𝐮 𝐢𝐡𝐚 𝐭𝐞𝐦𝐩𝐮 𝐬𝐮𝐬𝐚𝐫 𝐧𝐢𝐚 𝐥𝐚𝐫𝐚𝐧” bazeia bá prinsípiu fundamentál “𝐅𝐫𝐚𝐭𝐞𝐫𝐧𝐢𝐝𝐚𝐝𝐞 𝐔𝐦𝐚𝐧𝐚”.
Prinsípiu Fraternidade Umana mak sai hanesan matan, tilun no ibun iha atividade hotu-hotu Movimentu Brigada Xanana nian.
Ida-ne’e mak doutrina ne’ebé Kay Rala Xanana Gusmão hatuur ona iha membru hotu-hotu MBX nian kabaas leten.
Tanba ne’e, MBX agora daudaun, ohin no aban pronto nafatin atu ezekuta servisu saida de’it mak iha oin hodi tulun maluk ne’ebé presiza.
Uma foun hitu ne’e ho medida kada uma 6×9 kompostu hosi kuartu haat, sala refeitóriu no varanda.
Iha oportunidade ne’e família hitu ne’e mós oferese Cake aniversáriu nian bá lider nasionál Kay Rala Xanana Gusmão ne’ebé halo tinan moris iha 20 juñu 2025.
Partisipa iha serimónia entrega ne’e autoridade lokál, ekipa Movimentu Brigada Xanana (MBX) no membru hosi família hitu ne’e.
Molok ne’e Tribunál Distritál Díli (TDD) hasai mandadu bá autoridade polisiál hamutuk ho ekipa jestaun merkadu no ofisiál justisa iha segunda (30/01/2023) hale’u tuku 10:00 otl, husu atu uma ka’in hitu ne’e hamamuk fatin ho obrigatoriamente tanba konsidera rai ne’ebé sira okupa durante tinan 46 na’in mak Sebastião Lopes tuir aprovasaun hosi TDD bá ninia reklamasaun katak nia mak titular bá rai-ne’e.
Prosesu ezekusaun sentesa ne’ebé hasai tuir dalan legál iha Tribunál Primeira Instánsia Díli ho Nú NUC 1465/14.CVTDID, no hamutuk ho nia apensu sira no NUC,0250/15.CVTIDD, ne’ebé ema hotu-hotu hatene ona ho naran “Prosesu Becusse”.
Iha momentu ne’ebá kedan Primeiru-Ministru, Kay Rala Xanana Gusmão hamriik defende família hitu ne’e no la konsege hamamuk to’o halo tán uma foun ne’ebé entrega ona bá sira.

LINK FACEBOOK (Média-GPM)