𝐏𝐑𝐎𝐒𝐄𝐒𝐀𝐔𝐍, 𝐏𝐌 𝐗𝐀𝐍𝐀𝐍𝐀 𝐇𝐔𝐋𝐀𝐍 𝐄𝐒𝐓𝐀́𝐓𝐔𝐀 𝐒𝐀𝐍𝐓𝐔 𝐀𝐍𝐓𝐎́𝐍𝐈𝐎 𝐈𝐇𝐀 𝐌𝐀𝐍𝐀𝐓𝐔𝐓𝐎

MANATUTO, 21 Juñu 2025
Primeiru-Ministru (PM), Kay Rala Xanana Gusmão ho sarani sira hulan estátua durante prosesaun hodi komemora Loron Amudeus Coronél Santu António Manatuto bá dala-210 (CCX), ne’ebé kada tinan sempre selebra iha 13 fulan juñu.
Estátua Santu António ne’ebé Primeiru-Ministru ho sarani sira hulan, nu’udár estátua replika ne’ebé oferese hosi povu Portugés bá sarani Manatuto atu troka estátua tuan nu’udár mahein bá Parókia ne’e.
Prosesaun ne’e sarani sira hala’o ho devosaun tomak, akompaña ho parade kultutrál tuir tradisaun munisípiu ne’e nian no taka ho Eukaristia Santa ne’ebé marka mós prezensa hosi Liurai Duarte Pio hosi Bragança Portugál ho oan mane.
Santu Antônio moris iha Lisboa, Portugal, iha 13 setembru 1191 no mate ho idade 36, iha 13 juñu 1231, iha Pádua, Itália.
Tanba ida-ne’e maka baibain bolu Santu Antônio Lisboa no Santu Antônio Pádua, nu’udár Santu ida ne’ebé populér liu iha Igreja.

LINK FACEBOOK (Média-GPM)