𝐒𝐄𝐒𝐀𝐔𝐍 𝐃𝐀-𝐇𝐔𝐋𝐔𝐊 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐁𝐀́ 𝐃𝐀𝐋𝐀-𝐇𝐀𝐀𝐓

DILI, 27 Juñu 2025
Sesaun da-huluk Konferénsia Komunidade Luzo-Aziátika (APCC) bá dala-haat iha Díli hahú ho Palestrante Professór Doutór João Paulo Oliveira e Costa (Professór Katedrátiku Departamentu Istória hosi FCSH – Universidade Nova de Lisboa) ne’ebé ko’alia kona-bá “Mestisajen no Interkulturalidade iha Espansaun Portugeza”.
Kontinuasaun bá sesaun da-huluk ne’e ho Meza Redonda ho oradór sira kompostu hosi Carolina Fernandes e Pé, eis-Prezidente Munisípiu Pangim, Goa, Índia, Earl Barthelot, Prezidente Grupu “Burgher Folks”, hosi Batticaloa, Sri Lanka, Professór Doutór Fernando Nobre, Prezidente Assistênsia Médika Internasionál (AMI) ho moderadór Professór Doutór João Paulo Oliveira e Costa hosi FCSH – Universidade Nova de Lisboa.
Sesaun da-huluk ne’e partisipante sira atrativu tebes no ho atensaun tomak tanba palestrante sira aprezenta matéria sira liga direta ho interkulturalidade bá espansaun Portugeza.
Iha Momentu Kulturál, aprezentasaun “Burgher Folks” hosi Trincomalee, nasaun Sri Lanka nian.
(Média-GPM)