𝐂𝐍𝐀-𝐌𝐎𝐏 𝐇𝐀𝐋𝐎 𝐀𝐁𝐄𝐑𝐓𝐔𝐑𝐀 𝐁𝐀́ 𝐏𝐑𝐄𝐒𝐔 𝐋𝐈𝐒𝐈𝐓𝐀𝐒𝐀𝐔𝐍 𝐏𝐑𝐎𝐉𝐄𝐓𝐔 𝐑𝐄𝐀𝐁𝐈𝐋𝐈𝐓𝐀𝐒𝐀𝐔𝐍 𝐍𝐎 𝐌𝐀𝐍𝐔𝐓𝐄𝐍𝐒𝐀𝐔𝐍 𝐄𝐒𝐓𝐑𝐀𝐃𝐀 𝐆𝐋𝐄𝐍𝐎-𝐋𝐄𝐓𝐄𝐅𝐎𝐇𝐎

DILI, 26 Juñu 2025
Ekipa juri kompostu hosi reprezentante Komisaun Nasionál Aprovizionamentu (CNA-MPIE)-Hermingardo A. Soares, Project Manger Unit (PMU-MOP)- Amilcar da Costa Victor ho Unidade Verifikasaun bá Pagamentu-Ministériu Obras Públikas (UIVP-MOP)-Tito Edgar, hala’o abertura bá presu Lisitasaun Seksaun Estrada Gleno-Letefoho ho númeru Tender/191/MOP-2024.
IX Governu Konstitusionál fó énfaze makas bá kualifikasaun téknika no presu realístiku bá obra konstrusaun sira hodi asegura katak, prestasaun projetu aliña ho padraun kualidade, espetativa orsamentu, no prazu implementasaun.
Kompañia sira ne’ebé partisipa iha etapa ida-ne’e maka sira ne’ebé pasa ona ho susesu iha avaliasaun dokumentu tékniku ho pontuasaun sira ne’ebé maka louvável, hatudu sira-nia kapasidade téknika no iha prontidaun atu hala’o projetu.
Ekipa juri bá konkursu hetan onra hosi prezensa Ministru Planeamentu no Investimentu Estratéjikua (MPIE), Gastão de Sousa.
Partisipasaun ida ne’e, subliña kompromissu Governu nian bá prosesu aprovizionamentu ne’ebé transparente no responsabilidade.
Iha loron hirak tuir-mai, ekipa juri sei hala’o verifikasaun kle’an ida bá proposta finanseira sira ne’ebé hatama hosi lisitante sira ne’ebé kualifikadu, bainhira remata relatóriu avaliasaun finál sei submete bá Governu hodi halo revizaun no aprovasaun.
Prosesu ida-ne’e refleta esforsu kontinua Governu nian atu tane aas transparénsia, integridade no efisiénsia iha dezenvolvimentu infraestrutura públika.
𝐆𝐎𝐕𝐄𝐑𝐍𝐔 𝐍𝐎𝐑𝐌𝐀𝐋𝐈𝐙𝐀 𝐄𝐒𝐓𝐑𝐀𝐃𝐀 𝐆𝐋𝐄𝐍𝐎-𝐋𝐄𝐓𝐄𝐅𝐎𝐇𝐎 𝐇𝐎𝐃𝐈 𝐇𝐄’𝐈𝐍 𝐏𝐑𝐎𝐒𝐄𝐒𝐔 𝐊𝐎𝐍𝐊𝐔𝐑𝐒𝐔 𝐏𝐔́𝐁𝐋𝐈𝐊𝐔 𝐁𝐀́ 𝐊𝐎𝐍𝐒𝐓𝐑𝐔𝐒𝐀𝐔𝐍
Entretantu, antes nee, Primeiru-Ministru (PM), Kay Rala Xanana Gusmão akompaña hosi Ministru Obras Públikas (MOP), Samuel Marçal observa direta progressu normalizasaun estrada diresaun kapitál Gleno bá to’o Postu Administrativu Letefoho, munisípiu Ermera, segunda (23/06/2025).
Bainhira to’o iha suku Goulolo, populasaun balun ho estudante sira konsentra iha sede suku hodi simu Primeiru-Ministru no hato’o sentidu agradesimentu tanba normalizasaun estrada ne’e fasilita tebes movimentu komunidade.
Primeiru-Ministru enkoraza populasaun atu he’in prosesu hotu-hotu ne’ebé oras-ne’e daudaun la’o hela no projetu konstrusaun estrada bá postu administrativu ne’e sei to’o duni iha fulan balun tán.
“𝐍𝐞’𝐞 𝐝𝐮𝐧𝐢 𝐚𝐠𝐨𝐫𝐚 𝐝𝐚𝐮𝐝𝐚𝐮𝐧 𝐩𝐫𝐨𝐬𝐞𝐬𝐮 𝐛𝐚́ 𝐤𝐨𝐧𝐬𝐭𝐫𝐮𝐬𝐚𝐮𝐧 𝐞𝐬𝐭𝐫𝐚𝐝𝐚 𝐆𝐥𝐞𝐧𝐨 𝐦𝐚𝐢 𝐋𝐞𝐭𝐞𝐟𝐨𝐡𝐨 𝐥𝐚’𝐨 𝐡𝐞𝐥𝐚, 𝐭𝐚𝐧𝐛𝐚 𝐭𝐞𝐧𝐤𝐞 𝐡𝐚𝐫𝐞𝐞 𝐝𝐢𝐝𝐢’𝐚𝐤 𝐡𝐨𝐝𝐢 𝐡𝐚𝐥𝐨 𝐮𝐥𝐮𝐤 𝐞𝐬𝐭𝐮𝐝𝐮 𝐛𝐚́ 𝐛𝐮𝐚𝐭 𝐛𝐚𝐫𝐚𝐤 𝐦𝐨𝐥𝐨𝐤 𝐢𝐦𝐩𝐥𝐞𝐦𝐞𝐧𝐭𝐚. 𝐓𝐞𝐧𝐤𝐞 𝐡𝐚𝐫𝐞𝐞 𝐝𝐢𝐝𝐢’𝐚𝐤 𝐧𝐢𝐧𝐢𝐚 𝐤𝐮𝐚𝐥𝐢𝐝𝐚𝐝𝐞, 𝐤𝐚𝐥𝐤𝐮𝐥𝐚𝐬𝐚𝐮𝐧 𝐛𝐚́ 𝐝𝐢𝐬𝐭𝐚́𝐧𝐬𝐢𝐚 𝐧𝐨 𝐚𝐥𝐨𝐤𝐚𝐬𝐚𝐮𝐧 𝐨𝐫𝐬𝐚𝐦𝐞𝐧𝐭𝐮, 𝐭𝐚𝐧𝐛𝐚 𝐨𝐬𝐚𝐧 𝐧𝐞’𝐞 𝐩𝐨𝐯𝐮 𝐧𝐢𝐚𝐧. 𝐌𝐚𝐢𝐛𝐞́ 𝐚𝐭𝐮 𝐝𝐞𝐡𝐚𝐧 𝐛𝐚́ 𝐢𝐦𝐢 𝐤𝐚𝐭𝐚𝐤, 𝐞𝐬𝐭𝐫𝐚𝐝𝐚 𝐡𝐨𝐬𝐢 𝐆𝐥𝐞𝐧𝐨 𝐬𝐞𝐢 𝐦𝐚𝐢 𝐝𝐮𝐧𝐢 𝐭𝐨’𝐨 𝐋𝐞𝐭𝐞𝐟𝐨𝐡𝐨,” PM Xanana hateten.
Iha oportunidade ne’e Primeiru-Ministru husu bá populasaun atu kolabora ho Governu bainhira implementa projetu konstrusaun estrada ne’e iha tempu balun mai.
Iha fatin hanesan Xefe Planeamentu MOP, Tito Edgar hateten, MOP halo normalizasaun bá estrada hosi Gleno bá to’o Letefoho tanba ezijénsia hosi populasaun, liu-liu atu fasilita movimentu transporte públiku.
Ho ezijénsia populasaun ne’e maka Ministru Obras Públikas, Samuel Marçal husu rasik bá Primeiru-Ministru, atu halo normalizasaun no Xefe Governu mós konkorda katak tenke halo duni, nune’e provizoriamente bele fasilita movimentu transporte públiku hodi he’in prosesu tenderizasaun bá konstrusaun.
“𝐈𝐭𝐚 𝐡𝐚𝐫𝐞𝐞 𝐤𝐨𝐧𝐝𝐢𝐬𝐚𝐮𝐧 𝐠𝐫𝐚𝐯𝐞 𝐭𝐞𝐛𝐞𝐬. 𝐄𝐳𝐞𝐦𝐩𝐥𝐮 𝐚𝐠𝐨𝐫𝐚 𝐝𝐚𝐮𝐝𝐚𝐮𝐧 𝐭𝐞𝐦𝐩𝐮 𝐤𝐮́ 𝐤𝐚𝐟𝐞́, 𝐬𝐢𝐫𝐚 𝐚𝐭𝐮 𝐭𝐮𝐥𝐚 𝐝𝐞’𝐢𝐭 𝐤𝐚𝐟𝐞́ 𝐦𝐚𝐢 𝐃𝐢𝐥𝐢 𝐡𝐨 𝐤𝐮𝐚𝐧𝐭𝐢𝐝𝐚𝐝𝐞 𝐭𝐨𝐧𝐞𝐥𝐚𝐝𝐚 𝐥𝐢𝐦𝐚 𝐭𝐨’𝐨 𝐧𝐞𝐞𝐧 𝐥𝐚𝐛𝐞𝐥𝐞. 𝐇𝐨 𝐫𝐚𝐳𝐚𝐮𝐧 𝐢𝐝𝐚-𝐧𝐞’𝐞 𝐦𝐚𝐤𝐚 𝐢𝐭𝐚 𝐡𝐚𝐥𝐨 𝐧𝐨𝐫𝐦𝐚𝐥𝐢𝐳𝐚𝐬𝐚𝐮𝐧 𝐡𝐨𝐝𝐢 𝐡𝐞𝐢𝐧 𝐩𝐫𝐨𝐬𝐞𝐬𝐮 𝐭𝐞𝐧𝐝𝐞𝐫𝐢𝐳𝐚𝐬𝐚𝐮𝐧 𝐛𝐚́ 𝐤𝐨𝐧𝐬𝐭𝐫𝐮𝐬𝐚𝐮𝐧 𝐢𝐡𝐚 𝐂𝐨𝐦𝐢𝐬𝐬𝐚̃𝐨 𝐍𝐚𝐜𝐢𝐨𝐧𝐚𝐥 𝐀𝐩𝐫𝐨𝐯𝐢𝐬𝐢𝐨𝐧𝐚𝐦𝐞𝐧𝐭𝐨 (𝐂𝐍𝐀) 𝐝𝐮𝐫𝐚𝐧𝐭𝐞 𝐟𝐮𝐥𝐚𝐧 𝐮𝐚𝐥𝐮 𝐬𝐞𝐢𝐝𝐚𝐮𝐤 𝐤𝐨𝐧𝐤𝐥𝐮𝐢,” Tito Edgar hateten.
Xefe Planeamentu MOP ne’e dehan, prosessu normalizasaun la’o lais tebes tanba durante iha terrenu, ekipa traballu hetan akompañamentu direta no korazen hosi Ministru Obras Públikas.
Nune’e mós Pároku, Parókia Nossa Senhora do Carmo Letefoho, Padre Élio Pereira Fernandes observa katak, komunidade kontente tebes bá normalizasaun estrada ne’e. Loos duni, populasaun kontente tanba durante ne’e estrada grave tebes, bee nalihun, rai ku’ak barak, difikulta duni movimentu populasaun.
Pároku ne’e louva no agradese bá Governu liu-hosi Ministru Obras Públikas, Samuel Marçal ne’ebé tun direta hodi akompaña ekipa durante tempu tomak, no normalizasaun ne’e la’o lais tebes.
“𝐈𝐝𝐚-𝐧𝐞’𝐞 𝐡𝐚𝐭𝐮𝐝𝐮 𝐤𝐚𝐭𝐚𝐤, 𝐆𝐨𝐯𝐞𝐫𝐧𝐚𝐧𝐭𝐞 𝐧𝐞’𝐞 𝐢𝐡𝐚 𝐝𝐮𝐧𝐢 𝐯𝐨𝐧𝐭𝐚𝐝𝐞 𝐛𝐚́ 𝐤𝐨𝐦𝐩𝐫𝐨𝐦𝐢𝐬𝐬𝐮 𝐚𝐭𝐮 𝐫𝐞𝐬𝐩𝐨𝐧𝐝𝐞 𝐩𝐫𝐞𝐨𝐤𝐮𝐩𝐚𝐬𝐚𝐮𝐧 𝐩𝐨𝐩𝐮𝐥𝐚𝐬𝐚𝐮𝐧 𝐢𝐡𝐚 𝐚́𝐫𝐞𝐚 𝐫𝐮𝐫𝐚́𝐥. 𝐏𝐨𝐩𝐮𝐥𝐚𝐬𝐚𝐮𝐧 𝐦𝐨́𝐬 𝐤𝐨𝐧𝐭𝐞𝐧𝐭𝐞 𝐡𝐨 𝐞𝐬𝐩𝐞𝐫𝐚𝐧𝐬𝐚 𝐛𝐨𝐨𝐭 𝐛𝐚́ 𝐆𝐨𝐯𝐞𝐫𝐧𝐮 𝐤𝐚𝐭𝐚𝐤, 𝐬𝐞𝐢 𝐢𝐦𝐩𝐥𝐞𝐦𝐞𝐧𝐭𝐚 𝐝𝐮𝐧𝐢 𝐩𝐫𝐨𝐣𝐞𝐭𝐮 𝐤𝐨𝐧𝐬𝐭𝐫𝐮𝐬𝐚𝐮𝐧 𝐞𝐬𝐭𝐫𝐚𝐝𝐚 𝐭𝐚𝐦𝐚 𝐭𝐨’𝐨 𝐋𝐞𝐭𝐞𝐟𝐨𝐡𝐨,” Padre Elio hateten.
Normalizasaun ne’e hahú kedan hosi Gleno bá Humboe, Eraulu tama to’o Letefoho ho totál kilómetru 38 ne’ebé tuir planu sei konklui iha loron rua tán.
Prosesu normalizasaun ne’e, ekipa traballu Ministériu Obras Públikas utiliza ekipamentu hosi Instituto de Gestão de Equipamentos e Apoio ao Desenvolvimento Infrastruturas, Instituto Publico (IGEADI, IP).

Link facebook (Média-GPM)