𝐆𝐑𝐔𝐏𝐔 𝐒𝐈𝐊𝐊𝐀 𝐀𝐏𝐑𝐄𝐙𝐄𝐍𝐓𝐀 𝐃𝐀𝐍𝐒𝐀 𝐓𝐎𝐉𝐀-𝐓𝐎𝐁𝐔 𝐈𝐇𝐀 𝐋𝐎𝐑𝐎𝐍 𝐈𝐊𝐔𝐒 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐁𝐀́ 𝐃𝐀-𝐇𝐀𝐀𝐓

DILI, 29 Juñu 2025
Grupu hosi Sikka, Flores Indonézia aprezenta dansa “TOJA BOBU” ne’ebé hanaran festa dansa máskaras iha Konferénsia Komunidade Luzo-Aziátika (APCC) bá dala-haat iha Díli, loron da-toluk ka loron ikus, domingu (29/06/2025).
Toja Bobu nu’udár dansa ida hosi dansa erdada sira nasaun portugueza ne’ebé kontinua dezenvolvidu iha Vila Sikka, Distritu Lela, Rezênsia Sikka, Nusa Tenggara Timur (NTT) Indonézia.
Partisipa iha sesaun loron da-toluk ne’e mak hanesan Primeiru-Ministru (PM), Kay Rala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, membru Governu sira, reprezentante Komunidade Portugueza hosi Malaca (Malázia), Burghers Portugu ezes hosi Batticaloa (Sri Lanka), Bayingyis hosi Vale Mu (Mianmar), Paróquia sira hosi Conceição, Sta. Cruz no Nossa Senhora do Rosário (Tailândia), Macau (China), Goa (Índia), Tugu Mardijkers hosi Jakarta no Larantuqueiros ka Topasses hosi illa Flores nian (Indonézia).
Konferênsia ne’e mós halibur akadémiku sira, investigadór sira, líder kulturál sira, artista no dignitáriu mai-hosi mundu luzófonu hodi partilla rezultadu hosi sira-nia estudu no diversas esperiénsias inklui estudante hosi Universidade sira iha Dili no konvidadu sira.
(Média-GPM)