𝐌𝐀𝐍𝐃𝐀𝐓𝐔 𝐀𝐓𝐔𝐀́𝐋 𝐀𝐔𝐓𝐎𝐑𝐈𝐃𝐀𝐃𝐄 𝐑𝐀𝐄𝐎𝐀 𝐓𝐎’𝐎 𝐃𝐄’𝐈𝐓 𝟑𝟎 𝐒𝐄𝐓𝐄𝐌𝐁𝐑𝐔 𝟐𝟎𝟐𝟓

DILI, 12 Juñu 2025
Mandatu atuál Autoridade Rejiaun Administrativa Espesiál Oecusse Ambeno (RAEOA) ne’ebé lidera hosi Prezidente Rogério Tiago Lobato to’o de’it loron 30 fulan Setembru 2025 no Governu liu-hosi Reuniaun Konsellu Ministru (KM) sei nomeia hikas estrutura foun ne’ebé lidera hosi Atoni-oan.
Primeiru-Ministru (PM), Kay Rala Xanana atualiza ona assuntu ne’e bá Prezidente Repúblika (PR), José Ramos-Horta liu-hosi enkontru semanál iha Palásiu Prezidente Nicolau Lobato Bairru-Pité, kinta (12/06/2025).
Xefe Governu relata ida-ne’e bazeia bá buat ne’ebé Governu deside iha Reuniaun Konsellu Ministru (KM) kuarta (11/06/2025) atu hahú desentralizasaun no implementasaun podér lokál iha munisípiu hotu-hotu.
PM Xanana sita katak, iha munisípiu hotu-hotu Prezidente Autoridade Munisipál mesak munisípiu ninia ema feto no mane. Tanba ne’e Governu foku bá rekursu umanu hodi prepara-an bá Governu lokál ne’e iha administrasaun, finansas, planeamentu no iha área sira seluk tán.
“𝐇𝐨 𝐢𝐝𝐚-𝐧𝐞’𝐞 𝐦𝐚𝐤𝐚 𝐀𝐭𝐨𝐧𝐢 𝐨𝐚𝐧 𝐬𝐢𝐫𝐚 𝐬𝐞𝐦𝐩𝐫𝐞 𝐥𝐚𝐦𝐞𝐧𝐭𝐚 𝐛𝐚𝐢𝐧𝐡𝐢𝐫𝐚 𝐡𝐚’𝐮 𝐛𝐚́ 𝐯𝐢𝐳𝐢𝐭𝐚 𝐢𝐡𝐚 𝐧𝐞’𝐞𝐛𝐚́ 𝐝𝐚𝐥𝐚-𝐫𝐮𝐚, 𝐤𝐚𝐭𝐚𝐤 𝐭𝐚𝐧𝐛𝐚 𝐬𝐚𝐢𝐝𝐚 𝐦𝐚𝐤 𝐢𝐡𝐚 𝐓𝐢𝐦𝐨𝐫-𝐭𝐨𝐦𝐚𝐤 𝐦𝐮𝐧𝐢𝐬𝐢́𝐩𝐢𝐮 𝐧𝐢𝐚 𝐨𝐚𝐧 𝐬𝐢𝐫𝐚 𝐦𝐚𝐤 𝐤𝐚𝐞𝐫 𝐦𝐞𝐬𝐚𝐤 𝐧𝐨 𝐚𝐦𝐢-𝐧𝐢𝐚𝐧 𝐬𝐞𝐢𝐝𝐚𝐮𝐤, 𝐚𝐦𝐢 𝐥𝐚𝐢𝐡𝐚 𝐟𝐚𝐥𝐢 𝐝𝐢𝐫𝐞𝐢𝐭𝐮 𝐛𝐚́ 𝐢𝐝𝐚-𝐧𝐞’𝐞. 𝐓𝐚𝐧𝐛𝐚 𝐧𝐞’𝐞 𝐦𝐚𝐤 𝐢𝐡𝐚 𝐊𝐨𝐧𝐬𝐞𝐥𝐥𝐮 𝐌𝐢𝐧𝐢𝐬𝐭𝐫𝐮 𝐝𝐞𝐬𝐢𝐝𝐞 𝐤𝐚𝐭𝐚𝐤, 𝐦𝐚𝐧𝐝𝐚𝐭𝐮 𝐞𝐬𝐭𝐫𝐮𝐭𝐮𝐫𝐚 𝐀𝐮𝐭𝐨𝐫𝐢𝐝𝐚𝐝𝐞 𝐚𝐭𝐮𝐚́𝐥 𝐭𝐨’𝐨 𝐝𝐞’𝐢𝐭 𝟑𝟎 𝐬𝐞𝐭𝐞𝐦𝐛𝐫𝐮,” Xefe Governu atualiza.
Xanana Gusmão dehan, antes 30 setembru Konsellu Ministru sei prodús lejislasaun ida atu unifika tiha, tanba antes ne’e separa RAEOA ho ZEEDOA maibé servisu ladún efetivu.
“𝐇𝐨 𝐡𝐚𝐧𝐨𝐢𝐧 𝐬𝐢𝐫𝐚 𝐧𝐞’𝐞 𝐦𝐚𝐤𝐚 𝐢𝐡𝐚 𝐟𝐮𝐥𝐚𝐧 𝐨𝐮𝐭𝐮𝐛𝐫𝐮 𝐛𝐚́ 𝐨𝐢𝐧 𝐢𝐡𝐚 𝐨𝐧𝐚 𝐞𝐬𝐭𝐫𝐮𝐭𝐮𝐫𝐚 𝐟𝐨𝐮𝐧 𝐢𝐝𝐚 𝐢𝐡𝐚 𝐑𝐀𝐄𝐎𝐀, 𝐧𝐞’𝐞𝐛𝐞́ 𝐎𝐞𝐜𝐮𝐬𝐬𝐞 𝐧𝐢𝐧𝐢𝐚 𝐨𝐚𝐧 𝐦𝐚𝐤 𝐬𝐞𝐢 𝐥𝐢𝐝𝐞𝐫𝐚 𝐫𝐚𝐬𝐢𝐤 𝐭𝐚𝐧𝐭𝐮 𝐛𝐚́ 𝐚𝐝𝐦𝐢𝐧𝐢𝐬𝐭𝐫𝐚𝐬𝐚𝐮𝐧 𝐡𝐚𝐧𝐞𝐬𝐚𝐧 𝐆𝐨𝐯𝐞𝐫𝐧𝐮 𝐥𝐨𝐤𝐚́𝐥, 𝐧𝐨 𝐦𝐨́𝐬 𝐡𝐚𝐫𝐞𝐞 𝐩𝐥𝐚𝐧𝐮 𝐢𝐝𝐚 𝐚𝐭𝐮 𝐝𝐞𝐳𝐞𝐧𝐯𝐨𝐥𝐯𝐞 𝐎𝐞𝐜𝐮𝐬𝐬𝐞 𝐧𝐮’𝐮𝐝𝐚́𝐫 𝐙𝐨𝐧𝐚 𝐄𝐤𝐨𝐧𝐨𝐦𝐢𝐚 𝐄𝐬𝐩𝐞𝐬𝐢𝐚́𝐥,” PM Xanana hateten.
Iha Reuniaun KM kuarta (11/06/2025) aprova projetu Rezolusaun Governu bá alterasaun da-haat bá Rezolusaun Governu n. 7/2024, loron 24 fulan-janeiru, kona-bá Kriasaun Komisaun Ezekutiva ho objetivu atu estabelese Zona Ekonómika Espesiál Dezenvolvimentu iha Oe-Cusse Ambeno (ZEEDOA).
Ho alterasaun ida-ne’e, mandatu Komisaun Ezekutiva nian hanaruk bá períodu fulan haat. Durante períodu ida-ne’e, bandu kontratasaun hotu-hotu bá funsionáriu públiku, tékniku no asesór foun, tantu bá órgaun administrativu Rejiaun Administrativa Espesiál Oe-Cusse Ambeno (RAEOA) no bá Komité Ezekutivu ZEEDOA nian.
Prezidénsia Konsellu Ministrus nian tenke prepara dokumentu tékniku no jurídiku sira ne’ebé presiza bá kriasaun estrutura funsionál foun ida iha RAEOA, ne’ebé besik hanesan ho rejime munisipál ne’ebé adota iha divizaun administrativa sira seluk país nian, iha ne’ebé Atoni (Oecusse-oan) sira bele assume responsabilidade bá jestaun administrativa no ekonómika Rejiaun nian.
Iha enkontru ho Prezidente Repúblika ohin, Primeiru-Ministru mós aprezenta kona-bá atividade semana tomak liu-liu selebrasaun Semana Mundiál Oseanu 2025 la’o ho suesesu, desizaun sira ne’ebé foti iha Reuniaun Konsellu Ministru iha kuarta (11/06/2025), preparasaun Orsamentu Jerál Estadu (OJE) 2026 iha semana oin no kona-bá Governu TL sai uma-na’in bá Reuniaun PALOP-UE ne’ebé la’o ho susesu maski iha fallansu balun. Ikus-liu ko’alia mós ho jornalista sira kona-bá situasaun atuál rai laran nian.

LINK facebook (Média-GPM)