𝐏𝐌 𝐗𝐀𝐍𝐀𝐍𝐀 𝐀𝐏𝐎𝐈𝐀 𝐄𝐌𝐏𝐑𝐄𝐙𝐀 𝐉𝐀𝐏𝐎𝐍𝐄𝐙𝐀 𝐍𝐄’𝐄𝐁𝐄́ 𝐈𝐍𝐕𝐄𝐒𝐓𝐄 𝐁𝐀́ 𝐈𝐍𝐃𝐔́𝐒𝐓𝐑𝐈𝐀 𝐊𝐎𝐍𝐒𝐓𝐑𝐔𝐒𝐀𝐔𝐍 𝐑𝐎́ 𝐈𝐇𝐀 𝐋𝐀𝐋𝐄𝐈𝐀

DILI, 10 Juñu 2025
Primeiru-Ministru (PM), Kay Rala Xanana Gusmão fó apoiu bá inisiativa Empreza Tsuneishi Timor Shipbuilding Unipessoal Lda hosi Japaun, ne’ebé instala ona projetu investimentu bá indústria estaleiru ka indústria konstrusaun ró iha Postu Administrativu Laleia, Munisípiu Manatuto.
Embaixadór Japaun iha Timor-Leste, Tetsuya Kimura hato’o asuntu ne’e hafoin hamutuk ho Ministru Transporte no Komunikasaun (MTK), Miguel Marques Gonçalves Manetelu akompaña reprezentante empreza, atualiza progressu preparasaun liu-liu implementasaun projetu ne’e bá Primeiru-Ministru, iha Palásiu Governu, tersa (10/06/2025).
“𝐀𝐭𝐮𝐚𝐥𝐢𝐳𝐚 𝐛𝐚́ 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐤𝐨𝐧𝐚-𝐛𝐚́ 𝐩𝐫𝐨𝐠𝐫𝐞𝐬𝐮 𝐢𝐦𝐩𝐥𝐞𝐦𝐞𝐧𝐭𝐚𝐬𝐚𝐮𝐧 𝐩𝐫𝐨𝐣𝐞𝐭𝐮 𝐤𝐨𝐧𝐭𝐫𝐮𝐬𝐚𝐮𝐧 𝐫𝐨́ 𝐧𝐢𝐚𝐧 𝐢𝐡𝐚 𝐓𝐢𝐦𝐨𝐫-𝐋𝐞𝐬𝐭𝐞. 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐚𝐩𝐨𝐢𝐚 𝐭𝐞𝐛𝐭𝐞𝐛𝐞𝐬 𝐩𝐫𝐨𝐣𝐞𝐭𝐮 𝐢𝐝𝐚-𝐧𝐞’𝐞 𝐧𝐨 𝐞𝐦𝐩𝐫𝐞𝐳𝐚 𝐦𝐨́𝐬 𝐚𝐩𝐫𝐞𝐬𝐢𝐚 𝐡𝐨 𝐚𝐩𝐨𝐢𝐮 𝐧𝐞’𝐞. 𝐏𝐫𝐢𝐦𝐞𝐢𝐫𝐮, 𝐬𝐞𝐢 𝐡𝐚𝐥𝐨 𝐮𝐥𝐮𝐤 𝐞𝐬𝐭𝐮𝐝𝐮 𝐯𝐢𝐚𝐛𝐢𝐥𝐢𝐝𝐚𝐝𝐞 𝐡𝐨𝐝𝐢 𝐝𝐞𝐭𝐞𝐫𝐦𝐢𝐧𝐚 𝐟𝐚𝐭𝐢𝐧 𝐛𝐚́ 𝐞𝐬𝐭𝐚𝐥𝐞𝐢𝐫𝐮. 𝐒𝐞𝐠𝐮𝐧𝐝𝐮 𝐤𝐨𝐦𝐩𝐚𝐧̃𝐢𝐚 𝐬𝐞𝐢 𝐡𝐚𝐥𝐨 𝐧𝐞𝐠𝐨𝐬𝐢𝐚𝐬𝐚𝐮𝐧 𝐝𝐞𝐭𝐚𝐥𝐥𝐚𝐝𝐚 𝐡𝐨 𝐆𝐨𝐯𝐞𝐫𝐧𝐮 𝐧𝐨 𝐭𝐞𝐫𝐬𝐞𝐢𝐫𝐮 𝐡𝐚𝐥𝐨 𝐤𝐨𝐧𝐬𝐭𝐫𝐮𝐬𝐚𝐮𝐧 𝐛𝐚́ 𝐫𝐨́,” Tetsuya Kimura hateten.
Oras-ne’e daudaun empreza loke ona ninia edifísiu iha Timor-Leste (TL) no rekruta ona Timor-oan na’in 42 inklui dezeñadór ró hamutuk na’in 37.
Hosi totál númeru traballadór timoroan ne’e, balun servisu ona ho empreza desde tinan 2024 hodi dezeña ró. Iha mós formandu na’in-10 hala’o hela estájiu iha Kuartél Jerál empreza nian iha Japaun no iha fulan jullu tinan ne’e sei haruka tán estajiadu na’in-11.
Iha fatin hanesan Ministru Manetelu hateten, Primeiru-Ministru fó ona apresiasaun bá projetu konstrusaun ró iha Timor-Leste.
“𝐇𝐚𝐧𝐞𝐬𝐚𝐧 𝐌𝐢𝐧𝐢𝐬𝐭𝐞́𝐫𝐢𝐮 𝐭𝐮𝐭𝐞𝐥𝐚𝐝𝐚, 𝐩𝐫𝐨𝐧𝐭𝐮 𝐚𝐭𝐮 𝐚𝐤𝐨𝐦𝐩𝐚𝐧̃𝐚 𝐭𝐨’𝐨 𝐤𝐨𝐧𝐭𝐫𝐮𝐬𝐚𝐮𝐧 𝐧𝐞’𝐞 𝐡𝐚𝐡𝐮́ 𝐭𝐚𝐧𝐛𝐚 𝐩𝐫𝐨𝐣𝐞𝐭𝐮 𝐢𝐝𝐚-𝐧𝐞’𝐞 𝐢𝐧𝐯𝐞𝐬𝐭𝐢𝐦𝐞𝐧𝐭𝐮 𝐩𝐫𝐢𝐯𝐚𝐝𝐮 𝐢𝐝𝐚,” Manetelu hateten.
Iha tinan 2024 empreza atualiza ona progresu implementasaun projetu investimentu ne’e bá TradeInvest Timor-Leste no diskute mós kona-bá esbosu Akordu Espesiál Investimentu (AEI) ne’ebé empreza atu aplika tuir Lei Investimentu Privadu númeru 15/2017 no Dekretu Governu númeru 2/2018 kona-bá regulamentu no prosedimentu investimentu privadu nian.
Iha Enkontru ho Primeiru-Ministru ohin, Embaixadór Japaun mós kongratula Governu kona-bá desizaun koletiva hosi líder sira ASEAN nian ne’ebé deside hodi simu Timor-Leste sai hanesan membru plenu iha fulan outubru tinan ne’e.
Alende ne’e hato’o parabéns bá Primeiru-Ministru kona-bá sussesu selebrasaun Semana Mundiál Oseanu 2025 iha Timor-Leste.
Ikus-liu introdús livru ho imajen bá labarik sira kona-bá konsiénsia ambientál nian ne’ebé prodús hosi voluntáriu sira Japan International Cooperation Agency (JICA).

LINK FACEBOOK (Média-GPM)