𝐏𝐌 𝐗𝐀𝐍𝐀𝐍𝐀 𝐇𝐎 𝐃𝐎𝐌 𝐍𝐎𝐑𝐁𝐄𝐑𝐓𝐎 𝐎𝐁𝐒𝐄𝐑𝐕𝐀 𝐅𝐀𝐓𝐈𝐍 𝐊𝐎𝐍𝐒𝐓𝐑𝐔𝐒𝐀𝐔𝐍 𝐈𝐆𝐑𝐄𝐉𝐀 𝐊𝐀𝐓𝐄𝐃𝐑𝐀́𝐋 𝐌𝐀𝐋𝐈𝐀𝐍𝐀

BOBONARO, 26 Juñu 2025
Primeiru-Ministru (PM), Kay Rala Xanana Gusmão akompaña hosi Bispu Dioseze Sagrado Coração de Jesus Maliana, Dom Norberto do Amaral hala’o observasaun bá fatin konstrusaun Igreja Katderál Maliana nian iha área Ex-Kodim, Raifun-Ritabou.
Observasaun ne’e hala’o hafoin halo abertura bá semináriu “XV aniversáriu Dioseze Maliana ho Jubileu tinan 350 Coração de Jesus” ne’ebé realiza iha Salaun Padre Manuel Luís, Igreja Paroquial Maliana, kinta (26/06/2025).
Dom Norberto do Amaral hamutuk ho sarani Maliana tau esperansa boot bá Primeiru-Ministru, Kay Rala Xanana Gusmão katak, durante mandatu iha Governasaun ida-ne’e sei iha dalan bá inísiu konstrusaun Igreja Katedrál ne’e.
Durante halo observasaun, akompaña mós hosi Deputada Parlamentu Nasional, Maria Goromali Barreto, Koordenadór Gabinete Apoiu Sosiedade Sivíl, Joaquim da Costa Freitas ho padre sira Dioseze Maliana nian.

Link Facebook (media GPM)