𝐏𝐌 𝐗𝐀𝐍𝐀𝐍𝐀 𝐊𝐎𝐍𝐓𝐄𝐍𝐓𝐄 𝐇𝐎 𝐏𝐑𝐎𝐉𝐄𝐓𝐔 𝐏𝐎𝐑𝐓𝐔𝐆𝐄́𝐒 𝐈𝐇𝐀 𝐁𝐀𝐈𝐑𝐑𝐔

DILI, 31 Maiu 2025
Primeiru-Ministru (PM), Kay Rala Xanana Gusmão kontente ho projetu Portugés ne’ebé durante dékada ida implementa iha bairru balun iha Timor-Leste (TL), ho kooperasaun entre Centro de Lingua Portuguesa Universidade Nacional Timor Lorosa’e (UNTL) ho Camões-Instituto da Cooperação e da Língua, I.P.
PM Xanana espresa sentimentu kontente ne’e durante komemorasaun Tinan 10 Projetu Portugés Iha Bairru no mós komemorasaun Loron Mundiál bá Labarik ne’ebé hala’o iha Sentru Kulturál Jorge Sampaio, Embaixada Portugál, Díli, sábadu (31/05/2025).
“𝐇𝐚’𝐮 𝐤𝐨𝐧𝐭𝐞𝐧𝐭𝐞 𝐡𝐚𝐫𝐞𝐞 𝐢𝐦𝐢 𝐡𝐚𝐧𝐨𝐫𝐢𝐧 𝐤𝐢𝐢𝐤-𝐨𝐚𝐧 𝐬𝐢𝐫𝐚 𝐡𝐨 𝐢𝐦𝐢-𝐧𝐢𝐚 𝐦𝐚𝐧𝐞𝐢𝐫𝐚 𝐫𝐚𝐬𝐢𝐤. 𝐈𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐞𝐬 𝐚𝐭𝐮 𝐝𝐞𝐳𝐞𝐧𝐯𝐨𝐥𝐯𝐞 𝐋𝐢𝐚𝐧 𝐏𝐨𝐫𝐭𝐮𝐠𝐞́𝐬. 𝐇𝐮𝐬𝐮 𝐤𝐢𝐢𝐤-𝐨𝐚𝐧 𝐬𝐢𝐫𝐚 𝐚𝐭𝐮 𝐡𝐚𝐭𝐞𝐧𝐞 𝐚𝐩𝐫𝐨𝐯𝐞𝐢𝐭𝐚, 𝐭𝐚𝐧𝐛𝐚 𝐟𝐮𝐭𝐮𝐫𝐮 𝐓𝐢𝐦𝐨𝐫 𝐧𝐢𝐚𝐧 𝐢𝐡𝐚 𝐢𝐦𝐢. 𝐈𝐦𝐢 𝐢𝐡𝐚 𝐝𝐢𝐫𝐞𝐢𝐭𝐮 𝐛𝐚́ 𝐛𝐮𝐚𝐭 𝐡𝐨𝐭𝐮-𝐡𝐨𝐭𝐮 𝐦𝐚𝐢𝐛𝐞́ 𝐢𝐦𝐢 𝐦𝐨́𝐬 𝐢𝐡𝐚 𝐝𝐞𝐯𝐞𝐫 𝐚𝐭𝐮 𝐞𝐬𝐭𝐮𝐝𝐚. 𝐊𝐞𝐭𝐚 𝐡𝐚𝐥𝐮𝐡𝐚 𝐢𝐝𝐚-𝐧𝐞’𝐞,” PM Xanana hateten.
Iha fatin hanesan Diretora Centro de Língua Portuguesa UNTL, Maria da Cunha partilla kona-bá Projetu Portugés iha Bairru, hanesan inisiativa ida bá intervensaun sosiál língua nian, dezenvolvidu dezde tinan 2016.
Projetu ne’e eziste ho nia misaun ida klara atu lori portugés bá komunidade, liu-hosi abordazen edukasaun naun formál ida, bazeia bá diálogu, kreatividade, partisipasaun ativa, respeitu bá ritmu no bá dinámika sira hosi kada bairru.
“𝐀𝐩𝐫𝐞𝐧𝐝𝐞 𝐏𝐨𝐫𝐭𝐮𝐠𝐞́𝐬 𝐬𝐚𝐢 𝐡𝐚𝐧𝐞𝐬𝐚𝐧 𝐞𝐬𝐩𝐞𝐫𝐢𝐞́𝐧𝐬𝐢𝐚 𝐢𝐝𝐚, 𝐢𝐡𝐚 𝐞𝐬𝐩𝐚𝐬𝐮 𝐬𝐢𝐫𝐚 𝐥𝐢𝐮-𝐡𝐨𝐬𝐢 𝐡𝐚𝐥𝐢𝐦𝐚𝐫, 𝐤𝐚𝐧𝐭𝐚, 𝐝𝐞𝐳𝐞𝐧̃𝐚, 𝐫𝐨𝐧𝐚 𝐧𝐨 𝐤𝐨’𝐚𝐥𝐢𝐚 𝐧𝐮’𝐮𝐝𝐚́𝐫 𝐚𝐫𝐭𝐞 𝐢𝐝𝐚 𝐛𝐚́ 𝐭𝐫𝐚𝐧𝐬𝐚𝐟𝐨𝐫𝐦𝐚𝐬𝐚𝐮𝐧,” Maria da Cunha partilla.
Projetu ne’e aposta bá ligasaun entre estudante universitáriu sira ho komunidade, involve professór sira UNTL nian ho sira-nia funsaun hanesan mediadór interkulturál. Nune’e, projetu ne’e kria lasu, multiplika aprendizazen, jere oportunidade bá kresimentu, la’ós de’it kona-bá linguístiku, maibé mós sosiál no kulturál.
Portugés iha Bairru la‘ós de‘it hanesan projetu bá ensinu língua nian maibé hanesan plataforma enkontru ida entre ema ho kultura.
Ida-ne’e hanesan projetu ida ho nia abut moris hosi komunidade ho ponte ne’ebé liga bairru sira no jerasaun. Projetu ida ne’ebé akredita katak edukasaun hanesan aktu umanu ida profundamente no Lian Portugés iha kontestu timorense hanesan mós xeve ida bá sidadania, bá partisipasaun no bá rekoñesimentu pluralidade identitária país nian.
“𝐓𝐢𝐧𝐚𝐧 𝐧𝐞’𝐞 𝐢𝐭𝐚 𝐬𝐞𝐥𝐞𝐛𝐫𝐚 𝐝𝐞́𝐤𝐚𝐝𝐚 𝐢𝐝𝐚 𝐛𝐚́ 𝐝𝐞𝐝𝐢𝐤𝐚𝐬𝐚𝐮𝐧, 𝐡𝐨𝐬𝐢 𝐤𝐨𝐦𝐩𝐫𝐨𝐦𝐢𝐬𝐬𝐮 𝐭𝐫𝐚𝐛𝐚𝐥𝐥𝐮 𝐯𝐨𝐥𝐮𝐧𝐭𝐚́𝐫𝐢𝐮 𝐧𝐨 𝐣𝐞𝐧𝐞𝐫𝐨𝐳𝐮 𝐛𝐚́ 𝐩𝐫𝐨𝐟𝐞𝐬𝐬𝐨́𝐫 𝐡𝐨 𝐞𝐬𝐭𝐮𝐝𝐚𝐧𝐭𝐞 𝐬𝐢𝐫𝐚 𝐔𝐍𝐓𝐋 𝐧𝐢𝐚𝐧,” nia hateten.
Partisipa iha serimónia ne’e, Embaixadora Portugál iha Timor-Leste, Professór sira no labarik sira mai hosi Bairru Bemori.
Iha serimónia ne’e mós professór ho alunu sira hala’o atrasaun kona-bá matéria ne’ebé durante ne’e aprende ho meius sira ne’ebé mak utiliza durante aprendizazen no asiste direta ho kontente hosi Xefe Governu Kay Rala Xanana Gusmão.
Link Facebook (Média-GPM)