𝐏𝐌 𝐗𝐀𝐍𝐀𝐍𝐀 𝐎𝐅𝐄𝐑𝐄𝐒𝐄 𝐋𝐄𝐌𝐁𝐑𝐀𝐍𝐒𝐀 𝐁𝐀́ 𝐃𝐄𝐋𝐄𝐆𝐀𝐒𝐀𝐔𝐍 𝐓𝐀𝐈𝐋𝐀́𝐍𝐃𝐈𝐀 𝐍𝐎 𝐒𝐑𝐈𝐋𝐀𝐍𝐊𝐀 𝐍𝐄’𝐄𝐁𝐄́ 𝐏𝐀𝐑𝐓𝐈𝐒𝐈𝐏𝐀 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐁𝐀́ 𝐃𝐀-𝐇𝐀𝐀𝐓

DILI, 28 Juñu 2025
Primeiru-Ministru (PM), Kay Rala Xanana Gusmão oferese lembransa bá delegasaun hosi nasaun Tailándia ho Srilanka ne’ebé partisipa iha Konferénsia Komunidade Luzo-Aziátika (APCC) bá dala-haat iha Díli.
Delegasaun hosi nasaun rua ne’e aban sei fila uluk ona bá sira-nia ra’in hafoin partisipa durante loron rua iha konferénsia ida-ne’e.
Iha oportunidade ne’e mós Xefe Governu oferese prezente bá oradór sira ne’ebé halo aprezentasaun iha konferénsia ohin, sábadu (28/06/2025) mak hanesan Aloysio Thurein hosi Myanmar, Arkitetu Sarayut Supsook hosi Kudichin Tailândia, Professór Doutór Hugo Cardoso hosi Faculdade de Letras da Universidade de Lisboa, Miguel de Senna Fernandes, reprezentante komunidade Macaense, Joseph de Santa Maria, reprezentante komunidade Malaca, Professór Doutór Hugo Cardoso, Professór Universitáriu no linguista.
Konferénsia APCC bá dala-haat iha tinan 2025 ho durasaun loron tolu, hahú hosi 27-29 fulan juñu 2025, organiza hosi IX Governu Konstitusionál Timor-Leste, parseria ho Comunidade dos Países de Língua Portuguesa (CPLP) ho tema “Unidu iha Diversidade: Dezafiu no Oportunidade hosi Legadu Sekulár”.

Link Facebook (Média-GPM)