𝐒𝐄𝐒𝐀𝐔𝐍 𝐃𝐀-𝐓𝐎𝐋𝐔𝐊, 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐁𝐀́ 𝐃𝐀-𝐇𝐀𝐀𝐓

DILI, 28 Juñu 2025
Sesaun da-toluk Konferénsia Komunidade Luzo-Aziátika (APCC) bá dala-haat iha Díli ho palestrante sira maka Aloysio Thurein nu’udár membru komunidade Bayingyi, hosi Myanmar ne’ebé ko’alia kona-bá “Reminiscências de Portugal: Os Bayingyi em Tempos de Turbulência”.
Iha mós aprezentasaun hosi Arkitetu Sarayut Supsook nu’udár Professór Universitáriu no membru komunidade Luzo-desendente hosi Kudichin, Tailândia ho nia matéria “A Prezensa Portuguesa no Sião”.
Alende ne’e, aprezentasaun hosi Professór Doutór Hugo Cardoso hosi Faculdade de Letras da Universidade de Lisboa – Linguista e Investigadór das Línguas Crioulas do Sul da Ásia ho matéria “A Ásia Absorve a Língua Portuguesa”.
Iha oportunidade bá Meza Redonda, oradór sira mak hanesan Miguel de Senna Fernandes, reprezentante komunidade Macaense, Joseph de Santa Maria, reprezentante komunidade Malaca, Professór Doutor Hugo Cardoso nu’udár Professór Universitáriu no linguista, ho moderadór Professór Doutór Benjamim Corte-Real hosi Universidade Nacional de Timor Lorosa’e.
Durante sesaun ne’e partisipante sira animadu tebes ho Momentu Kulturál mai-hosi Grupu Dommarina, hosi Bairru Português iha Malaca, Malázia.
Partisipa iha sesaun ne’e mak hanesan Primeiru-Ministru (PM), Kay Rala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, membru Governu, reprezentante Komunidade Portugueza hosi Malaca (Malázia), Burghers Portuguezes hosi Batticaloa (Sri Lanka), Bayingyis hosi Vale Mu (Mianmar), Paróquia sira hosi Conceição, Sta. Cruz no Nossa Senhora do Rosário (Tailândia), Macau (China), Goa (Índia), Tugu Mardijkers hosi Jakarta no Larantuqueiros ka Topasses hosi illa Flores nian (Indonézia).
Konferênsia ne’e mós halibur akadémiku sira, investigadór sira, líder kulturál sira, artista no dignitáriu mai-hosi mundu luzófonu atu partilla rezultadu hosi sira-nia estudu no diversas esperiénsias inklui estudante hosi Universidade sira iha Dili no konvidadu sira.

link Facebook (Média-GPM)