𝐄𝐌𝐁𝐀𝐈𝐗𝐀𝐃𝐎́𝐑 𝐁𝐑𝐔𝐍𝐄𝐈 𝐖𝐀𝐍 𝐋𝐔𝐓𝐅𝐀𝐍 𝐃𝐄𝐒𝐏𝐄𝐃𝐄 𝐏𝐌 𝐗𝐀𝐍𝐀𝐍𝐀

DILI, 30 Maiu 2025
Embaixadór Brunei Darussalam iha Timor-Leste (TL), Wan Hadfi Lutfan hala’o despedida ho Primeiru-Ministru (PM), Kay Rala Xanana Gusmão iha Palásiu Governu, sesta (30/05/2025).
Iha despedida ne’e Embaixadór Wan Hadfi Lutfan rekoñese katak, durante mandatu liu-liu iha tinan tolu ikus konsege dezenvolve kooperasaun iha seitór saúde, edukasaun, indústria petróleu no gás no konetividade aérea.
Kooperasaun sira ne’ebé metin tebes no oras-ne’e la’o hela konta mós ho vizita nível aas hosi vizita Estadu Sua Majestade Sultan Brunei Darussalam, Hassanal Bolkiah Muiz’zaddin Wad’daulah mai Timor-Leste iha tinan 2024.
Iha okaziaun ne’e mós Embaixadór ne’e kongratula Timor-Leste ne’ebé sei sai hanesan membru plenu bá ASEAN iha tinan ne’e nia rohan.
“𝐇𝐚’𝐮 𝐡𝐚𝐤𝐚𝐫𝐚𝐤 𝐚𝐭𝐮 𝐤𝐨𝐧𝐠𝐫𝐚𝐭𝐮𝐥𝐚 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐞’𝐞𝐛𝐞́ 𝐬𝐞𝐢 𝐡𝐨𝐥𝐚 𝐩𝐚𝐫𝐭𝐞 𝐡𝐚𝐧𝐞𝐬𝐚𝐧 𝐟𝐚𝐦𝐢́𝐥𝐢𝐚 𝐀𝐒𝐄𝐀𝐍 𝐧𝐢𝐚𝐧 𝐢𝐡𝐚 𝐟𝐮𝐥𝐚𝐧 𝐎𝐮𝐭𝐮𝐛𝐫𝐮 𝐭𝐢𝐧𝐚𝐧 𝐧𝐞’𝐞 𝐛𝐚𝐳𝐞𝐢𝐚 𝐛𝐚́ 𝐝𝐞𝐬𝐢𝐳𝐚𝐮𝐧 𝐥𝐢́𝐝𝐞𝐫 𝐬𝐢𝐫𝐚 𝐢𝐡𝐚 𝐒𝐢𝐦𝐞𝐢𝐫𝐚 𝐀𝐒𝐄𝐀𝐍 𝐛𝐚́ 𝐝𝐚𝐥𝐚-𝟒𝟔 𝐢𝐡𝐚 𝐊𝐮𝐚𝐥𝐚 𝐋𝐮𝐦𝐩𝐮𝐫. 𝐒𝐮𝐬𝐞𝐬𝐮 𝐛𝐚́ 𝐓𝐢𝐦𝐨𝐫-𝐋𝐞𝐬𝐭𝐞,” nia kongratula.
Primeiru-Ministru agradese bá dedikasaun hosi Embaixadór Lutfan hodi hametin relasaun Timor-Leste ho Brunei Darussalam no dezeja susesu iha futuru.
Embaixadór Lutfan hahú hala’o knaar iha Timor-Leste iha fulan Juñu tinan 2022 no fila-hikas bá Brunei Darussalam atu hala’o fali misaun seluk.
LINK (Média GPM)