𝐋𝐀𝐍𝐒𝐀𝐌𝐄𝐍𝐓𝐔 𝐄𝐊𝐎𝐍𝐎𝐌𝐈𝐀 𝐀𝐙𝐔́𝐋 𝐈𝐇𝐀 𝐒𝐄𝐋𝐎𝐈, 𝐏𝐌 𝐗𝐀𝐍𝐀𝐍𝐀 𝐀𝐏𝐄𝐋𝐀 𝐁𝐀́ 𝐏𝐎𝐏𝐔𝐋𝐀𝐒𝐀𝐔𝐍 𝐀𝐈𝐋𝐄𝐔 𝐋𝐀𝐁𝐄𝐋𝐄 𝐒𝐎’𝐄 𝐋𝐈𝐗𝐔 𝐀𝐑𝐁𝐈𝐑𝐔

AILEU, 02 Juñu 2025
Primeiru-Ministru (PM), Kay Rala Xanana Gusmão apela bá joven sira, estudante no populasaun tomak iha munisípiu Aileu atu labele so’e lixu arbiru, liu-liu plástiku ho lata mamuk tanba bele estraga ambiente, estraga tasi, ikus-mai lori fila-fali dezastre bá ema.
Primeiru-Ministru fó-sai apelu ne’e iha serimónia lansamentu simbólika Programa Ekonomia Azúl bá kompromissu Governu nian iha protesaun ambientál no dezenvolvimentu sustentável, iha ámbitu Semana Oseanu 2025 ne’ebé hala’o iha Ailulilaun, aldeia Kasamou, Suku Seloi Kraik, Postu Administrativu Aileu, munisípiu Aileu, segunda (02/06/2025).
Apelu ne’e Primeiru-Ministru hakarak fó-hanoin bá ema hotu-hotu katak “𝐇𝐚’𝐮-𝐧𝐢𝐚 𝐓𝐚𝐬𝐢! 𝐇𝐚’𝐮-𝐧𝐢𝐚 𝐓𝐢𝐦𝐨𝐫! 𝐡𝐚𝐡𝐮́ 𝐢𝐡𝐚 𝐟𝐨𝐡𝐨 𝐬𝐢𝐫𝐚 𝐧𝐨 𝐭𝐮𝐧 𝐛𝐚́ 𝐭𝐚𝐬𝐢 𝐧𝐨 𝐡𝐨𝐬𝐢 𝐭𝐚𝐬𝐢 𝐛𝐚́ 𝐟𝐨𝐡𝐨 𝐬𝐢𝐫𝐚”.
“𝐒𝐞𝐦𝐚𝐧𝐚 𝐭𝐨𝐦𝐚𝐤 𝐬𝐞𝐥𝐞𝐛𝐫𝐚 𝐥𝐨𝐫𝐨𝐧 𝐦𝐮𝐧𝐝𝐢𝐚́𝐥 𝐎𝐬𝐞𝐚𝐧𝐮, 𝐦𝐚𝐢 𝐟𝐚𝐥𝐢 𝐢𝐡𝐚 𝐒𝐞𝐥𝐨𝐢 𝐭𝐚𝐧𝐛𝐚 𝐭𝐚𝐬𝐢 𝐡𝐚𝐡𝐮́ 𝐡𝐨𝐬𝐢 𝐒𝐞𝐥𝐨𝐢. 𝐓𝐚𝐧𝐛𝐚 𝐢𝐦𝐢 𝐦𝐚𝐤 𝐡𝐚𝐫𝐮𝐤𝐚 𝐛𝐞𝐞 𝐛𝐚́ 𝐭𝐚𝐬𝐢. 𝐌𝐚𝐢𝐛𝐞́, 𝐛𝐨𝐥𝐮 𝐚𝐭𝐞𝐧𝐬𝐚𝐮𝐧 𝐛𝐚́ 𝐦𝐨́𝐬 𝐢𝐡𝐚 𝐯𝐢𝐥𝐚, 𝐬𝐮𝐤𝐮 𝐧𝐨 𝐚𝐥𝐝𝐞𝐢𝐚 𝐬𝐢𝐫𝐚 𝐤𝐚𝐭𝐚𝐤, 𝐛𝐚𝐢𝐧𝐡𝐢𝐫𝐚 𝐢𝐦𝐢 𝐡𝐚𝐥𝐨 𝐟𝐨𝐞𝐫 𝐦𝐚𝐤𝐚 𝐚𝐦𝐢 𝐢𝐡𝐚 𝐃𝐢𝐥𝐢 𝐧𝐨 𝐌𝐚𝐧𝐚𝐭𝐮𝐭𝐨 𝐦𝐚𝐤 𝐬𝐢𝐦𝐮 𝐟𝐨𝐞𝐫. 𝐈𝐦𝐢 𝐡𝐚𝐥𝐨 𝐟𝐨𝐞𝐫 𝐦𝐚𝐤𝐚 𝐋𝐨𝐞𝐬 𝐡𝐨 𝐂𝐨𝐦𝐨𝐫𝐨 𝐦𝐚𝐤 𝐬𝐢𝐦𝐮 𝐟𝐨𝐞𝐫. 𝐍𝐞’𝐞, 𝐬𝐞𝐢 𝐞𝐬𝐭𝐫𝐚𝐠𝐚 𝐢𝐭𝐚-𝐧𝐢𝐚 𝐭𝐚𝐬𝐢. 𝐓𝐚𝐧𝐛𝐚 𝐧𝐞’𝐞 𝐢𝐭𝐚 𝐭𝐞𝐧𝐤𝐞 𝐡𝐚𝐥𝐨 𝐤𝐚𝐦𝐩𝐚𝐧̃𝐚 𝐛𝐚́ 𝐢𝐡𝐚 𝐯𝐢𝐥𝐚 𝐭𝐨’𝐨 𝐚𝐥𝐝𝐞𝐢𝐚 𝐤𝐚𝐭𝐚𝐤, 𝐥𝐢𝐱𝐮 𝐭𝐚𝐮 𝐡𝐚𝐦𝐮𝐭𝐮𝐤 𝐢𝐡𝐚 𝐟𝐚𝐭𝐢𝐧 𝐢𝐝𝐚 𝐚𝐭𝐮 𝐢𝐭𝐚 𝐛𝐞𝐥𝐞 𝐡𝐚𝐬𝐚𝐢 𝐛𝐚́ 𝐭𝐚𝐮 𝐢𝐡𝐚 𝐧𝐢𝐚 𝐟𝐚𝐭𝐢𝐧 𝐩𝐫𝐨́𝐩𝐫𝐢𝐮,” PM Xanana apela.
Iha fatin ne’e mós Xefe Governu apresia no louva populasaun Seloi tanba hadomi tebtebes ambiente ho animál sira, nune’e ohin loron Seloi fresku no ambiente matak.
“𝐒𝐞𝐦𝐚𝐧𝐚 𝐎𝐬𝐞𝐚𝐧𝐮, 𝐆𝐨𝐯𝐞𝐫𝐧𝐮 𝐥𝐨𝐫𝐢 𝐦𝐚𝐢 𝐢𝐡𝐚 𝐒𝐞𝐥𝐨𝐢 𝐭𝐚𝐧𝐛𝐚 𝐢𝐡𝐚 𝐬𝐢𝐠𝐧𝐢𝐟𝐢𝐤𝐚𝐝𝐮 𝐞𝐬𝐩𝐞𝐬𝐢𝐚́𝐥 𝐭𝐞𝐛𝐭𝐞𝐛𝐞𝐬. 𝐓𝐚𝐧𝐛𝐚 𝐩𝐨𝐯𝐮 𝐒𝐞𝐥𝐨𝐢 𝐧𝐢𝐧𝐢𝐚 𝐭𝐫𝐚𝐭𝐚𝐦𝐞𝐧𝐭𝐮 𝐛𝐚́ 𝐧𝐚𝐭𝐮𝐫𝐞𝐳𝐚, 𝐛𝐚́ 𝐚𝐧𝐢𝐦𝐚́𝐥, 𝐤𝐚𝐩𝐚𝐬 𝐭𝐞𝐛𝐭𝐞𝐛𝐞𝐬. 𝐈𝐦𝐢 𝐡𝐚𝐝𝐨𝐦𝐢 𝐭𝐞𝐛𝐭𝐞𝐛𝐞𝐬 𝐧𝐚𝐭𝐮𝐫𝐞𝐳𝐚. 𝐏𝐚𝐫𝐚𝐛𝐞́𝐧𝐬,” Xefe Governu parabeniza.
Iha fatin hanesan, Prezidente Autoridade Munisípiu (PAM) Aileu, João Bosco dos Santos hateten, ko’alia kona-bá ekonomia azúl, hare-liu bá pilár tolu mak hanesan ekonomia, sosiál no ambiente ne’ebé Primieiru-Ministru hahú ona iha inísiu programa ida-ne’e maka, husik ikan iha Lagoa, kolleta modo, kolleta hare no kuda ai-oan.
“𝐁𝐮𝐚𝐭 𝐬𝐢𝐫𝐚 𝐨𝐡𝐢𝐧 𝐧𝐞’𝐞, 𝐚𝐦𝐢 𝐡𝐚𝐥𝐨 𝐬𝐢𝐦𝐛𝐨́𝐥𝐢𝐤𝐚 𝐝𝐞’𝐢𝐭 𝐡𝐨𝐝𝐢 𝐡𝐚𝐭𝐮𝐝𝐮 𝐤𝐚𝐭𝐚𝐤, 𝐚𝐦𝐢 𝐬𝐞𝐢 𝐡𝐚𝐥𝐨 𝐧𝐨 𝐤𝐨𝐧𝐭𝐢𝐧𝐮𝐚 𝐤𝐨𝐧𝐬𝐞𝐫𝐯𝐚 𝐛𝐞𝐞-𝐦𝐚𝐭𝐚𝐧 𝐬𝐢𝐫𝐚 𝐡𝐚𝐥𝐞’𝐮 𝐋𝐚𝐠𝐨𝐚 𝐒𝐞𝐥𝐨𝐢 𝐧𝐞’𝐞 𝐡𝐚𝐦𝐮𝐭𝐮𝐤 𝟏𝟖 𝐧𝐨 𝐛𝐞𝐞-𝐦𝐚𝐭𝐚𝐧 𝐛𝐨’𝐨𝐭 𝐭𝐨𝐥𝐮 𝐢𝐡𝐚 𝐤𝐥𝐚𝐫𝐚𝐧. 𝐈𝐡𝐚 𝐭𝐞𝐦𝐩𝐮 𝐮𝐝𝐚𝐧, 𝐛𝐞𝐞 𝐬𝐢𝐫𝐚 𝐧𝐞’𝐞 𝐬𝐮𝐥𝐢 𝐦𝐚𝐢 𝐧𝐨 𝐩𝐨𝐩𝐮𝐥𝐚𝐬𝐚𝐮𝐧 𝐛𝐞𝐥𝐞 𝐡𝐚𝐥𝐨 𝐧𝐚𝐭𝐚𝐫. 𝐈𝐡𝐚 𝐭𝐞𝐦𝐩𝐮 𝐛𝐚𝐢𝐥𝐨𝐫𝐨𝐧 𝐛𝐞𝐞 𝐨𝐤𝐨𝐬 𝐭𝐚𝐦𝐚 𝐡𝐚𝐦𝐮𝐭𝐮𝐤 𝐛𝐚́ 𝐛𝐞𝐞 𝐝𝐞𝐛𝐮. 𝐃𝐞𝐛𝐮 𝐧𝐞’𝐞 𝐧𝐢𝐚 𝐢𝐢𝐬 𝐦𝐨𝐬𝐮 𝐢𝐡𝐚 𝐋𝐨𝐞𝐬, 𝐆𝐥𝐞𝐧𝐨 𝐧𝐨 𝐓𝐚𝐬𝐢-𝐭𝐨𝐥𝐮,” João Bosco dos Santos hateten.
Hosi fatin ne’e, PAM hakarak husu bá Governu liu-liu bá Ministériu Ekonómiku, Turizmu no Ambiente, Ministériu Agrikultura Pekuária Peska no Floresta (MAPPF) atu estabelese kooperasaun ida di’ak hodi dezenvolve liu-tán área potensiál sira-ne’e.
PAM mós agredese bá Ministériu Agrikultura Pekuária Peska no Floresta ne’ebé oferese ona fasilidade modernu balun inklui fornese ona formasaun tékniku balun bá populasaun agrikultór 4.000-resin iha Seloi no ohin konsege realiza serimónia kolleta hare iha natar hektares 163.
Iha ámbitu lansamentu Programa Ekonomia Azúl ne’e, Primeiru-Ministru mós partisipa iha programa husik ikan nila iha Lagoa ne’ebé organiza hosi Ministériu Agrikultura Pekuária Peska no Floresta, serimónia kolleta modo metan hosi komunidade, serimónia kolleta hare hektares 163 no kuda ai-oan ne’ebé sai mós hanesan programa ida hosi Programa Ekonomia verde no ikus-liu lansa plaka ekonomia azúl.
Partisipa iha serimónia lansamentu ne’e membru Governu sira, Diretora Ezekutiva Gabinete Fronteiras Terrestres no Marítimas atuál Xefe Gabinete Primeiru-Ministru, Elizabeth Exposto, autoridade lokál, estudante no populasaun Aileu.
Primeiru-Ministru, Kay Rala Xanana Gusmão lansa Semana Oseanu 2025 iha loron 01 fulan-Juñu iha Tasi Tolu, Díli, liu-hosi oragniza limpeza tasi-ibun no tasi-okos no mós kompetisaun kastelu rai-henek ne’ebé involve eskola sira hosi kapitál.
Programa atividade semana ida ne’ebé Governu hala’o hosi loron 01 to’o loron 08 fulan Juñu iha kapitál Díli no munisípiu lima – Aileu, Ainaro, Lautem, Manufahi no RAEOA ho vizita espesiál loron ida hosi Primeiru-Ministru no membru Governu bá Illa Ataúro.
Tema hodi selebra Loron Mundiál Oseanu 2025 maka ‘Furak Tebes! Tane aas buat ne’ebé tane ita’ tema globál ne’ebé fó-hanoin katak, nasaun hotu-hotu halo parte iha buat ida ne’ebé boot liu no apelu ida bá Governu hotu-hotu atu labele haluha Maravilla tasi nian.
LINK FACEBOOK (Média-GPM)