𝐓𝐈𝐌𝐎𝐑-𝐋𝐄𝐒𝐓𝐄 𝐇𝐎 𝐎𝐑𝐆𝐔𝐋𝐋𝐔 𝐒𝐈𝐌𝐔 𝐌𝐀𝐔𝐍-𝐀𝐋𝐈𝐍 𝐒𝐈𝐑𝐀 𝐇𝐎𝐒𝐈 𝐏𝐀𝐋𝐎𝐏-𝐔𝐄

DILI, 06 Juñu 2025
Primeiru-Ministru (PM), Kay Rala Xanana Gusmão ho orgullu simu bainaka importante sira hosi nasaun Afrikanu ne’ebé ko’alia Lian Offisiál Portugés (PALOP) hamutuk ho Uniaun Europeia (UE) mai iha Timor-Leste (TL).
Sentimentu orgullu ne’e Primeiru-Ministru espressa iha diskursu abertura XV reuniaun Ministeriál PALOP-TL UE iha Ministériu Negósiu Estranjeiru no Kooperasaun, Díli, sesta (06/06/2025).
“𝐇𝐨 𝐨𝐫𝐠𝐮𝐥𝐥𝐮 𝐚𝐦𝐢 𝐡𝐚𝐤𝐚𝐫𝐚𝐤 𝐬𝐢𝐦𝐮 𝐢𝐫𝐦𝐚𝐮𝐧 𝐬𝐢𝐫𝐚 𝐡𝐨𝐬𝐢 𝐍𝐚𝐬𝐚𝐮𝐧 𝐀𝐟𝐫𝐢𝐤𝐚𝐧𝐮 𝐬𝐢𝐫𝐚 𝐧𝐞’𝐞𝐛𝐞́ 𝐊𝐨’𝐚𝐥𝐢𝐚 𝐋𝐢𝐚𝐧 𝐎𝐟𝐟𝐢𝐬𝐢𝐚́𝐥 𝐏𝐨𝐫𝐭𝐮𝐠𝐞́𝐬 𝐧𝐞’𝐞𝐛𝐞́ 𝐦𝐚𝐢 𝐢𝐡𝐚 𝐚𝐦𝐢-𝐧𝐢𝐚 𝐧𝐚𝐬𝐚𝐮𝐧 𝐡𝐚𝐦𝐮𝐭𝐮𝐤 𝐡𝐨 𝐔𝐧𝐢𝐚𝐮𝐧 𝐄𝐮𝐫𝐨𝐩𝐞𝐢𝐚. 𝐈𝐝𝐚-𝐧𝐞’𝐞 𝐡𝐚𝐧𝐞𝐬𝐚𝐧 𝐩𝐞𝐫𝐬𝐞𝐢𝐫𝐮 𝐛𝐚́ 𝐤𝐨𝐨𝐩𝐞𝐫𝐚𝐬𝐚𝐮𝐧 𝐧𝐞’𝐞𝐛𝐞́ 𝐢𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐭𝐞𝐛𝐞𝐬. 𝐈𝐭𝐚 𝐬𝐞𝐥𝐞𝐛𝐫𝐚 𝐡𝐚𝐦𝐮𝐭𝐮𝐤 𝐩𝐚𝐫𝐬𝐞𝐫𝐢𝐚 𝐛𝐚́ 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮,” PM Xanana espresa.
Uniaun Europeia sai ona perseiru importante ida hodi fó apoiu bá dezenvolvimentu Timor-Leste no iha kooperasaun súl-súl durante tinan 30-resin.
Timor-Leste integra hamutuk ho Grupu PALOP iha 2007, tinan lima hafoin restaurasaun independénsia. Tinan ne’e, loron 20 fulan maiu TL selebra aniversáriu bá dala-23.
Tinan 2025, sai hanesan tinan espesiál bá Moçambique, Cabo Verde, São Tomé e Príncipe no Angola ne’ebé komemora tinan 50 bá independénsia. Nune’e mós Timor-Leste selebra ninia Aniversáriu proklamasaun independénsia bá dala-50, maski tenke luta ho sakrifísiu durante dékada rua-resin atu independénsia ida-ne’e bele sai realidade.
Dezde ne’e, finalmente konstrui Estadu no nasaun ho orgullu tanba livre no komprometidu bá dezenvolvimentu nasionál.
“𝐈𝐭𝐚 𝐨𝐫𝐠𝐮𝐥𝐥𝐮 𝐡𝐨 𝐛𝐮𝐚𝐭 𝐧𝐞’𝐞𝐛𝐞́ 𝐢𝐭𝐚 𝐤𝐨𝐧𝐬𝐞𝐠𝐞 𝐚𝐥𝐤𝐚𝐧𝐬𝐚 𝐨𝐧𝐚. 𝐈𝐭𝐚 𝐦𝐨𝐫𝐢𝐬 𝐢𝐡𝐚 𝐬𝐨𝐬𝐢𝐞𝐝𝐚𝐝𝐞 𝐢𝐝𝐚 𝐧𝐞’𝐞𝐛𝐞́ 𝐫𝐞𝐠𝐮𝐥𝐚𝐝𝐚 𝐡𝐨𝐬𝐢 𝐯𝐚𝐥𝐨́𝐫 𝐬𝐢𝐫𝐚 𝐩𝐚́𝐳 𝐧𝐨 𝐝𝐞𝐦𝐨𝐤𝐫𝐚𝐬𝐢𝐚, 𝐦𝐚𝐢𝐛𝐞́ 𝐤𝐨𝐧𝐬𝐢𝐞𝐧𝐭𝐞 𝐧𝐚𝐟𝐚𝐭𝐢𝐧 𝐤𝐨𝐧𝐚-𝐛𝐚́ 𝐟𝐫𝐚𝐳𝐢𝐥𝐢𝐝𝐚𝐝𝐞 𝐡𝐨 𝐝𝐞𝐳𝐚𝐟𝐢𝐮 𝐬𝐢𝐫𝐚 𝐧𝐞’𝐞𝐛𝐞́ 𝐤𝐨𝐧𝐭𝐢𝐧𝐮𝐚 𝐞𝐧𝐟𝐫𝐞𝐧𝐭𝐚 𝐡𝐞𝐥𝐚,” PM Xanana salienta.
Felizmente, atu manán luta foun bá dezenvolvimentu, TL hetan apoiu, amizade no kooperasaun mai-hosi parseiru oioin hosi mundu, ho rekoñesimentu ida partikulamente bá país amigu sira ne’ebé sente no ko’alia Língua komún ida.
Fortalesimentu parseria ne’e essensiál tebes bá dezenvolvimentu kolektivu sustentável iha nasaun sira.
Fahe hamutuk istória ida no patrimóniu úniku sira ne’ebé esprime la’ós liu de’it hosi Lían Portugés, kultura no gastronomia, maibé mós iha prinsípiu no valór fundamentál sira ne’ebé guia Estadu sira.
Lasu sira ne’ebé halo Estadu sira hamutuk, permite atu kompriende ho klareza bo’ot kona-bá realidade sira iha kada país, no servisu hamutuk bá kooperasaun ne’e bele iha ninia impaktu real ba instituisaun sira no ba povu sira.
Ho apoiu sira hosi Uniaun Europeia, prosimidade no kumplisidade ne’ebé partilla hamutuk, konstitui oportunidade únika ida atu troka koñesimentu no esperiénsia iha área interesse komún nian, no mós atu lori kada nasaun lidera mesak ninia dezenvolvimentu.
Adezaun bá Organizasaun Mundiál Komérsiu (OMK), iha tinan kotuk no intergarasaun TL bá ASEAN, nu’udár Estadu-Membru bá dala-11, iha próxima Simeira ne’ebé ajenda ona bá outubru tinan ne’e, konstitui oportunidade foun bá fortalesimentu relasaun diplomátika, komersiál no ekonómika entre país sira no nasaun membru sira iha organizasaun ida-ne’e.
Iha mundu inserta no turbulentu ohin loron nian, solidariedade no kooperasaun ne’e fundamentál tebes atu mantein pilár sira ne’ebé sustenta ezisténsia kolektiva.
“𝐈𝐡𝐚 𝐩𝐚𝐢́𝐬 𝐬𝐢𝐫𝐚, 𝐛𝐚𝐢𝐧𝐡𝐢𝐫𝐚 𝐥𝐚𝐢𝐡𝐚 𝐩𝐚́𝐳 𝐧𝐨 𝐞𝐬𝐭𝐚𝐛𝐢𝐥𝐢𝐝𝐚𝐝𝐞, 𝐢𝐭𝐚 𝐥𝐚𝐛𝐞𝐥𝐞 𝐚𝐬𝐬𝐞𝐠𝐮𝐫𝐚 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐬𝐨𝐬𝐢𝐚́𝐥 𝐧𝐨 𝐞𝐤𝐨𝐧𝐨́𝐦𝐢𝐤𝐮, 𝐢𝐧𝐤𝐥𝐮𝐳𝐢𝐯𝐮 𝐧𝐨 𝐬𝐮𝐬𝐭𝐞𝐧𝐭𝐚́𝐯𝐞𝐥,” PM Xanana hateten.
País Afrikanu sira mak sofre ho dezafiu komplexu sira durante dékada naruk hanesan instabilidade no konflitu, inseguransa alimentár no dezlokamentu forsadu, problema agora ezazeradu hosi degradasaun ambientál no alterasaun klimátika.
“𝐔𝐫𝐣𝐞𝐧𝐭𝐞 𝐚𝐭𝐮 𝐟𝐨́ 𝐫𝐞𝐬𝐩𝐨𝐬𝐭𝐚 𝐢𝐧𝐭𝐞𝐫𝐧𝐚𝐬𝐢𝐨𝐧𝐚́𝐥 𝐤𝐨𝐥𝐞𝐤𝐭𝐢𝐯𝐚 𝐧𝐞’𝐞𝐛𝐞́ 𝐩𝐫𝐨𝐦𝐨𝐯𝐞 𝐩𝐚́𝐳, 𝐞𝐬𝐭𝐚𝐛𝐢𝐥𝐢𝐝𝐚𝐝𝐞, 𝐫𝐞𝐳𝐢𝐥𝐢𝐞́𝐧𝐬𝐢𝐚 𝐧𝐨 𝐚𝐝𝐚𝐩𝐭𝐚𝐬𝐚𝐮𝐧 𝐤𝐥𝐢𝐦𝐚́𝐭𝐢𝐤𝐚 𝐚𝐭𝐮 𝐝𝐞𝐯𝐨𝐥𝐯𝐞 𝐞𝐬𝐩𝐞𝐫𝐚𝐧𝐬𝐚 𝐧𝐨 𝐝𝐢𝐠𝐧𝐢𝐝𝐚𝐝𝐞 𝐛𝐚́ 𝐢𝐭𝐚-𝐧𝐢𝐚 𝐢𝐫𝐦𝐚𝐮𝐧 𝐚𝐟𝐫𝐢𝐤𝐚𝐧𝐮 𝐬𝐢𝐫𝐚!,” Xefe Governu alerta.
Partisipa iha XV reuniaun Ministeriál PALOP-TL UE ne’e mak hanesan, Vise-Primeiru-Ministru, Ministru Finansas no Ministru Ekonomia Dijitál Cabo Verde, Ministru Justisa, Assuntu Konstitusionál no Relijiozu Moçambique, Ministra Negósiu Estranjeiru, Kooperasaun no Komunidade São Tomé e Príncipe, Sekretáriu Estadu bá Orsamentu no Assuntu Fiskál Guiné-Bissau, Sekretáriu Estadu bá Planeamentu Angola, Ministru Negósiu Estranjeiru no Kooperasaun Timor Leste, Embaixadora Uniaun Europeia iha Cabo Verde, Diretora Servisu Europeu bá Asaun Esterna Uniaun Europeia bá kestaun polítika relativa Afrika no Korpu Diplomátiku sira.

LINK Facebook (Média-GPM)