𝐊𝐚𝐦𝐛𝐨́𝐝𝐢𝐚 𝐏𝐚𝐫𝐚𝐛𝐞𝐧𝐢𝐳𝐚 𝐓𝐢𝐦𝐨𝐫-𝐋𝐞𝐬𝐭𝐞 𝐍𝐢𝐚 𝐒𝐮𝐬𝐞𝐬𝐮 𝐒𝐚𝐢 𝐌𝐞𝐦𝐛𝐫𝐮 𝐀𝐒𝐄𝐀𝐍

𝐃𝐈𝐋𝐈,𝟏𝟎/𝟎𝟔/𝟐𝟎𝟐𝟓
Embaixadór Kambódia iha Timor-Leste, Chun Sovannarith, parabeniza Governu Timor-Leste ne’ebe servisu makas hodi kumpri kriteria sira hodi sai ona membru Asosiasaun Nasaun sira Sudeste Aziátiku nian (ASEAN) estabelese ona.
Kambodia apresia Timor-Leste nia servisu maka’as hodi kumpri roadmap hotu-hotu ne’ebé ASEAN estabelese, agradese mos ba Parlamentu Kingdom Kambódia ho Prezidente ne’ebé konsistente tebes apoiu adezaun Timor-Leste ba ASEAN, maibe ninia finalidade iha duni susesu.
Haree ba atinjimentu ne’ebe iha mak konsidera Timor-Leste no Kambódia hetan susesu, ohin bele sai ona familia ida nu’udar memnbru ASEAN.
Embaixador ne’e informa, Timor-Leste dadaun ne’e hatudu progresu dezenvolvimentu hahu husi dezenvolvimentu rekursu humanu, dezenvolvimentu infraestrutura sira ne’ebé hatudu ninia fiziku ho progresu di’ak.
Reprejentante Estadu Rei de Kambodia ne’e apresia mos Timor-oan hotu-hotu ne’ebe laran di’ak tebes ho kontente hodi simu ema seluk.
Enkuantu, Vise-Primeiru Ministru, Eng. Mariano ASSANAMI Sabino, agardese ba Estadu Kambódia ne’ebe apoiu ona Timor-Leste nia adezaun ba ASEAN. Tanba ne’e ba oin Timor-Leste hakarak hametin liutan kooperasaun servisu ho Kambodia iha futuru.

Link Facebook (Media GVPM)