𝐒𝐎𝐋𝐈𝐃𝐀𝐑𝐈𝐄𝐃𝐀𝐃𝐄 𝐍𝐎 𝐀𝐌𝐈𝐙𝐀𝐃𝐄 𝐂𝐔𝐁𝐀-𝐓𝐋 𝐌𝐄𝐓𝐈𝐍 𝐓𝐎’𝐎 𝐀𝐆𝐎𝐑𝐀

DILI, 14 Juñu 2025
Primeiru-Ministru (PM), Kay Rala Xanana Gusmão haktuir, nasaun Cuba iha sentidu solidariedade no amizade bá Timor-Leste (TL) metin tebes desde uluk to’o ohin loron.
Primeiru-Ministru ko’alia asuntu ne’e bainhira sai oradór bá semináriu Saudasaun Aniversáriu loron moris líder istóriku, Ernesto Che Guevara iha Embaixada Cuba, Motael, Dili, sábadu (14/06/2025).
“𝐂𝐮𝐛𝐚 𝐢𝐡𝐚 𝐬𝐞𝐧𝐭𝐢𝐝𝐮 𝐬𝐨𝐥𝐢𝐝𝐚𝐫𝐢𝐞𝐝𝐚𝐝𝐞 𝐧𝐞’𝐞𝐛𝐞́ 𝐟𝐨𝐫𝐭𝐞 𝐭𝐞𝐛𝐞𝐬 𝐛𝐚́ 𝐓𝐢𝐦𝐨𝐫 𝐋𝐞𝐬𝐭𝐞 𝐝𝐞𝐬𝐝𝐞 𝐮𝐥𝐮𝐤 𝐭𝐨’𝐨 𝐨𝐡𝐢𝐧 𝐥𝐨𝐫𝐨𝐧. 𝐓𝐢𝐦𝐨𝐫 𝐧𝐢𝐧𝐢𝐚 𝐚𝐦𝐢𝐠𝐮 𝐧𝐞’𝐞𝐛𝐞́ 𝐢𝐡𝐚 𝐫𝐞𝐥𝐚𝐬𝐚𝐮𝐧 𝐚𝐦𝐢𝐳𝐚𝐝𝐞 𝐦𝐞𝐭𝐢𝐧 𝐭𝐞𝐛𝐞𝐬,” PM Xanana hateten.
Durante oras ida-resin, lider nasionál Kay Rala Xanana Gusmão haktuir istória luta Timor-Leste nian ne’ebé hetan mós inspirasaun hosi luta libertasaun Cuba lidera hosi Ernesto “𝐂𝐡𝐞”𝐆𝐮𝐞𝐯𝐚𝐫𝐚.
Iha tempu ukun-an, Cuba kontinua fó apoiu bá Timor-Leste liu-hosi oferese bolsu estudu bá Timoroan sira iha área medisina ne’ebé ohin loron hala’o assisténsia saúde iha Timor laran tomak.
“𝐊𝐨𝐨𝐩𝐞𝐫𝐚𝐬𝐚𝐮𝐧 𝐢𝐝𝐚-𝐧𝐞’𝐞 𝐤𝐨𝐦𝐞𝐬𝐚 𝐡𝐨 𝐞𝐧𝐤𝐨𝐧𝐭𝐫𝐮 𝐢𝐝𝐚 𝐞𝐧𝐭𝐫𝐞 𝐡𝐚’𝐮 𝐡𝐨 𝐞𝐢𝐬-𝐩𝐫𝐞𝐳𝐢𝐝𝐞𝐧𝐭𝐞 𝐑𝐞𝐩𝐮́𝐛𝐥𝐢𝐜𝐚 𝐂𝐮𝐛𝐚 𝐧𝐢𝐚𝐧, 𝐅𝐢𝐝𝐞𝐥 𝐂𝐚𝐬𝐭𝐫𝐨 𝐚𝐤𝐨𝐦𝐩𝐚𝐧̃𝐚 𝐡𝐨𝐬𝐢 𝐉𝐨𝐬𝐞́ 𝐑𝐚𝐦𝐨𝐬-𝐇𝐨𝐫𝐭𝐚 𝐦𝐨𝐦𝐞𝐧𝐭𝐮 𝐧𝐞’𝐞𝐛𝐚́ 𝐡𝐚𝐧𝐞𝐬𝐚𝐧 𝐌𝐢𝐧𝐢𝐬𝐭𝐫𝐮 𝐍𝐞𝐠𝐨́𝐬𝐢𝐮 𝐄𝐬𝐭𝐫𝐚𝐧𝐣𝐞𝐢𝐫𝐮 𝐧𝐨 𝐊𝐨𝐨𝐩𝐞𝐫𝐚𝐬𝐚𝐮𝐧, 𝐫𝐞𝐚𝐥𝐢𝐳𝐚 𝐢𝐡𝐚 𝐊𝐮𝐚𝐥𝐚 𝐋𝐮𝐦𝐩𝐮𝐫, 𝐌𝐚𝐥𝐚́𝐳𝐢𝐚 𝐢𝐡𝐚 𝟐𝟎𝟎𝟑,” Xanana Gusmão haktuir.
Durante eventu, iha mós pergunta no resposta hosi Brigada Médika Kubana, Estudante Medisina Jerál ho Departamentu Edukasaun Fízika no Desportu Universidade Nasionál Timor Lorosa’e (UNTL).
Iha sesaun ne’e, médiku no estudante sira destaka pergunta prinsipál kona-bá legadu ne’ebé Ernesto “𝐂𝐡𝐞”𝐆𝐮𝐞𝐯𝐚𝐫𝐚 husik hela nu’udár líder revolusionáriu no médiku ho nia aplikasaun iha Timor-Leste.
Primeiru-Ministru konsidera legadu importante ne’ebé Ernesto “𝐂𝐡𝐞”𝐆𝐮𝐞𝐯𝐚𝐫𝐚 husik hela maka sentidu umanizmu.
“𝐒𝐚𝐢 𝐦𝐞́𝐝𝐢𝐤𝐮 𝐧𝐞’𝐞 𝐥𝐚’𝐨́𝐬 𝐚𝐭𝐮 𝐛𝐮𝐤𝐚 𝐨𝐬𝐚𝐧 𝐦𝐚𝐢𝐛𝐞́ 𝐧𝐞’𝐞 𝐦𝐢𝐬𝐚𝐮𝐧. 𝐌𝐢𝐬𝐚𝐮𝐧 𝐤𝐚𝐭𝐚𝐤, 𝐡𝐚𝐥𝐚’𝐨 𝐚𝐭𝐞𝐧𝐝𝐢𝐦𝐞𝐧𝐭𝐮 𝐡𝐨 𝐟𝐮𝐚𝐧,” Xanana Gusmão subliña.
Embaixadora Cuba iha Timor-Leste, Grisel Alina Aldama Innis agradese bá Prezensa hosi Primeiru-Ministru nian iha eventu ne’e no konsidera hanesan ondra ida hodi komemora hamutuk loron moris Ernesto “𝐂𝐡𝐞”𝐆𝐮𝐞𝐯𝐚𝐫𝐚.
Diplomata ne’e agradese mós bá esperiénsia sira ne’ebé partilla hamutuk ona no bele sai hanesan referénsia atu hametin liu-tán kooperasaun bilaterál entre nasaun rua iha futuru.
Ernesto “𝐂𝐡𝐞”𝐆𝐮𝐞𝐯𝐚𝐫𝐚 moris iha 14 juñu 1928 no husik-iis iha outubru 1967, hanesan revolusionáriu marxista argentinu, médiku, eskritór, líder guerrilleiru, diplomata no teóriku militár.

Link Facebook (Média-GPM)