𝐏𝐌 𝐗𝐀𝐍𝐀𝐍𝐀 𝐄𝐍𝐓𝐑𝐄𝐆𝐀 𝐒𝐄𝐑𝐓𝐈𝐅𝐈𝐊𝐀𝐃𝐔 𝐁𝐀́ 𝐉𝐎𝐕𝐄𝐍 𝐍𝐀’𝐈𝐍-𝟏𝟒 𝐒𝐀𝐈 𝐊𝐀𝐌𝐏𝐄𝐀𝐔𝐍 𝐄𝐊𝐎𝐍𝐎𝐌𝐈𝐀 𝐀𝐙𝐔́𝐋

DILI, 12 Juñu 2025
Primeiru-Ministru (PM), Kay Rala Xanana Gusmão entrega sertifikadu bá joven na’in-14 ne’ebé sai kampeaun bá ekonomia azúl, iha salaun enkontru Gabinete Fronteiras Terrestres no Marrítimas, Palásiu Governu, kinta (12/06/2025).
Joven na’in-14 ne’e, Gabinete Fronteiras Terrestres no Marrítimas konsidera hanesan kampeaun ekonomia azúl tanba partilla informasaun bá populasaun kona-bá protesaun ambientál liu-liu proteje tasi hosi plástiku durante semana mundiál Oseanu 2025.
Primeiru-Ministru, Xanana Gusmão husu joven hirak ne’e atu kontinua hato’o informasaun bá populasaun liu-liu joven sira nune’e proteje biodiversidade tomak.
“𝐊𝐨𝐧𝐭𝐢𝐧𝐮𝐚 𝐧𝐚𝐟𝐚𝐭𝐢𝐧 𝐚𝐭𝐢𝐯𝐢𝐝𝐚𝐝𝐞 𝐧𝐞’𝐞, 𝐥𝐚’𝐨́𝐬 𝐝𝐞’𝐢𝐭 𝐛𝐚́ 𝐤𝐨𝐦𝐮𝐧𝐢𝐝𝐚𝐝𝐞 𝐦𝐚𝐢𝐛𝐞́ 𝐦𝐨́𝐬 𝐛𝐚́ 𝐣𝐨𝐯𝐞𝐧 𝐬𝐢𝐫𝐚 𝐭𝐚𝐧𝐛𝐚 𝐭𝐚𝐬𝐢 𝐢𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐭𝐞𝐛𝐞𝐬 𝐢𝐡𝐚 𝐢𝐭𝐚-𝐧𝐢𝐚 𝐯𝐢𝐝𝐚 𝐭𝐨𝐦𝐚𝐤. 𝐓𝐚𝐬𝐢 𝐦𝐚𝐤 𝐟𝐨́ 𝐨𝐱𝐢𝐣𝐞́𝐧𝐢𝐮 𝐛𝐚́ 𝐢𝐭𝐚 𝐞𝐦𝐚, 𝐥𝐚𝐛𝐞𝐥𝐞 𝐞𝐬𝐭𝐫𝐚𝐠𝐚,” PM Xanana bolu atensaun.
Iha fatin hanesan diretora ezekutiva Gabinete Fronteiras Terrestres no Marrítimas, atuál Xefe Gabinete Primeiru-Ministru, Elizabeth Exposto agradese bá esforsu hosi joven na’in-14 ne’ebé durante Semana Mundiál Oseanu 2025 hosi loron 01 to’o 08 Juñu 2025 konsiensializa populasaun atu labele so’e plástiku arbiru.
Elizabeth Exposto informa, tinan kotuk iha joven na’in-38 tuir formasaun kona-bá ekonomia azúl ne’ebé Governu mak organiza, joven sira ne’e sai mós portavóz bá joven sira atu prezerva no konserva tasi Timor.
“𝐃𝐮𝐫𝐚𝐧𝐭𝐞 𝐒𝐞𝐦𝐚𝐧𝐚 𝐌𝐮𝐧𝐝𝐢𝐚́𝐥 𝐎𝐬𝐞𝐚𝐧𝐮, 𝐬𝐢𝐫𝐚 𝐧𝐚’𝐢𝐧-𝟏𝟒 𝐛𝐚́ 𝐦𝐮𝐧𝐢𝐬𝐢́𝐩𝐢𝐮 𝐌𝐚𝐧𝐚𝐭𝐮𝐭𝐨, 𝐀𝐭𝐚𝐮́𝐫𝐨, 𝐑𝐀𝐄𝐎𝐀, 𝐀𝐢𝐧𝐚𝐫𝐨 𝐧𝐨 𝐋𝐚𝐮𝐭𝐞́𝐦 𝐡𝐨𝐝𝐢 𝐫𝐞𝐚𝐥𝐢𝐳𝐚 𝐬𝐞𝐦𝐢𝐧𝐚́𝐫𝐢𝐮 𝐤𝐨𝐧𝐚-𝐛𝐚́ 𝐥𝐚𝐛𝐞𝐥𝐞 𝐬𝐨’𝐞 𝐩𝐥𝐚́𝐬𝐭𝐢𝐤𝐮 𝐛𝐚́ 𝐢𝐭𝐚-𝐧𝐢𝐚 𝐭𝐚𝐬𝐢. 𝐒𝐢𝐫𝐚 𝐯𝐨𝐥𝐮𝐧𝐭𝐚́𝐫𝐢𝐮 𝐡𝐨𝐝𝐢 𝐚𝐮𝐦𝐞𝐧𝐭𝐚 𝐤𝐨𝐧̃𝐞𝐬𝐢𝐦𝐞𝐧𝐭𝐮 𝐩𝐨𝐩𝐮𝐥𝐚𝐬𝐚𝐮𝐧 𝐥𝐨𝐤𝐚́𝐥. 𝐈𝐭𝐚 𝐟𝐨́ 𝐚𝐩𝐫𝐞𝐬𝐢𝐚𝐬𝐚𝐮𝐧 𝐧𝐨 𝐫𝐞𝐤𝐨𝐧̃𝐞𝐬𝐞 𝐦𝐨́𝐬 𝐬𝐢𝐫𝐚-𝐧𝐢𝐚 𝐬𝐞𝐫𝐯𝐢𝐬𝐮,” Elizabeth Exposto hateten.
Joven na’in-14 ne’e kompromete atu kontinua fahe informasaun bá públiku liu-hosi arte hodi asegura lixu iha rai-maran no kuidadu ambiente tasi ho atividde konsensializasaun sidadaun atu so’e lixu iha lixeira.
(Média-GPM)