𝐈𝐑𝐋𝐀𝐍𝐃𝐀 𝐅𝐈𝐀𝐑 𝐓𝐋 𝐒𝐄𝐈 𝐓𝐑𝐀𝐍𝐒𝐌𝐈𝐓𝐄 𝐕𝐀𝐋𝐎́𝐑 𝐃𝐄𝐌𝐎𝐊𝐑𝐀𝐒𝐈𝐀 𝐍𝐎 𝐃𝐈𝐑𝐄𝐈𝐓𝐔𝐒 𝐔𝐌𝐀𝐍𝐔𝐒 𝐈𝐇𝐀 𝐀𝐒𝐄𝐀𝐍

DILI, 17 Juñu 2025
Embaixadór Irlandês iha Timor-Leste (TL) no Indonézia, Padraig Francis iha esperansa katak, TL sei transmite valór sira demokrasia nian no mós direitus umanus bainhira sai membru plenu bá organizasaun rejionál Association of Southeast Asian Nations (ASEAN) iha outubru 2025.
Embaixadór ne’e espresa konfiansa ne’e durante enkontru despedida ho Primeiru-Ministru (PM), Kay Rala Xanana Gusmão iha Palásiu Governu, tersa (17/06/2025).
“𝐇𝐚’𝐮 𝐡𝐚𝐤𝐚𝐫𝐚𝐤 𝐡𝐚𝐭𝐞𝐭𝐞𝐧 𝐤𝐚𝐭𝐚𝐤 𝐈𝐫𝐥𝐚𝐧𝐝𝐢𝐚 𝐫𝐞𝐬𝐩𝐞𝐢𝐭𝐚 𝐩𝐫𝐨𝐟𝐮𝐧𝐝𝐚𝐦𝐞𝐧𝐭𝐞 𝐧𝐨 𝐡𝐚𝐝𝐨𝐦𝐢 𝐭𝐞𝐛𝐞𝐬 𝐓𝐢𝐦𝐨𝐫-𝐋𝐞𝐬𝐭𝐞. 𝐓𝐢𝐦𝐨𝐫-𝐋𝐞𝐬𝐭𝐞 𝐢𝐡𝐚 𝐧𝐢𝐧𝐢𝐚 𝐭𝐫𝐚𝐝𝐢𝐬𝐚𝐮𝐧 𝐟𝐨𝐫𝐭𝐞 𝐢𝐝𝐚 𝐦𝐚𝐤𝐚 𝐝𝐞𝐦𝐨𝐤𝐫𝐚𝐬𝐢𝐚 𝐧𝐨 𝐫𝐞𝐬𝐩𝐞𝐢𝐭𝐮 𝐛𝐚́ 𝐝𝐢𝐫𝐞𝐢𝐭𝐮𝐬 𝐮𝐦𝐚𝐧𝐮𝐬. 𝐇𝐚’𝐮 𝐟𝐢𝐚𝐫 𝐤𝐚𝐭𝐚𝐤 𝐓𝐋 𝐬𝐞𝐢 𝐬𝐚𝐢 𝐥𝐢𝐚𝐧 𝐢𝐝𝐚 𝐧𝐞’𝐞𝐛𝐞́ 𝐢𝐦𝐩𝐨𝐫𝐭𝐚𝐧𝐭𝐞 𝐢𝐡𝐚 𝐀𝐒𝐄𝐀𝐍. 𝐓𝐢𝐦𝐨𝐫-𝐋𝐞𝐬𝐭𝐞 𝐧𝐚𝐬𝐚𝐮𝐧 𝐤𝐢𝐢𝐤 𝐢𝐝𝐚 𝐡𝐚𝐧𝐞𝐬𝐚𝐧 𝐡𝐨 𝐈𝐫𝐥𝐚𝐧𝐝𝐚, 𝐦𝐚𝐢𝐛𝐞́ 𝐈𝐫𝐥𝐚𝐧𝐝𝐚 𝐬𝐞𝐧𝐭𝐞 𝐢𝐡𝐚 𝐫𝐞𝐬𝐩𝐨𝐧𝐬𝐚𝐛𝐢𝐥𝐢𝐝𝐚𝐝𝐞 𝐚𝐭𝐮 𝐝𝐞𝐳𝐞𝐦𝐩𝐞𝐧̃𝐚 𝐩𝐚𝐩𝐞́𝐥 𝐢𝐡𝐚 𝐦𝐮𝐧𝐝𝐮. 𝐇𝐚’𝐮 𝐤𝐨𝐧𝐟𝐢𝐚 𝐓𝐢𝐦𝐨𝐫-𝐋𝐞𝐬𝐭𝐞 𝐬𝐞𝐢 𝐤𝐨𝐧𝐭𝐢𝐧𝐮𝐚 𝐡𝐚𝐥𝐨 𝐢𝐝𝐚-𝐧𝐞’𝐞,” Padraig Francis hateten.
Irlanda iha relasaun istórika ho Timor-Leste hahú kedan hosi períudu revolusaun to’o libertasaun. Povu irlandês sempre apoia tebes kauza Timor-Leste nian, desde antes independénsia totál to’o tempu independénsia. Vizita Embaixadór ne’e hola parte bá ida-ne’e tanba Irlanda hakarak atu mantein kontaktu regulár ho Timor-Leste.
Diplomata ne’e ninia mandatu remata ona no vizita ida-ne’e hanesan vizita despedida. Nia konsidera ida-ne’e hanesan onra no priviléjiu ida atu hasoru-malu ho Primeiru-Ministru, Xanana Gusmão tanba bele diskute relasaun entre país rua nian.
Parte rua diskute kona-bá servisu Governu timorense nian ho esforsu oioin atu halo Timor-Leste prósperu liu-tán. Partikularmente, diskute adezaun Timor-Leste nian bá ASEAN tanba Padraig Francis fiar katak ida-ne’e importante-liu, la’ós bá Timor-Leste de’it maibé mós bá ASEAN.
Tuir nia, buat ne’ebé Irlanda bele halo maka ajuda no enkoraza Timor-Leste ho nia ezemplu no Irlanda mós tenta atu oferese formasaun bá Timor-oan sira liu-hosi Programa Bolsa estudu ida ne’ebé Timor-oan sira bele bá iha Irlanda.
Atu kumpre plenamente responsabilidade sira Timor-Leste nian iha ASEAN, nesessáriu tebes katak Timor-oan sira tenke kapasitadu atu halo servisu di’ak no Irlanda hakarak atu ajuda iha área ida-ne’e.
Embaixadór ne’e fiar katak, tinan ida-ne’e estudante Timor-oan na’in-tolu bele bá iha Irlanda iha âmbitu Programa Bolsas Estudu Irlanda nian, ne’ebé oferese bá país dezenvolvidu sira no estudante oioin mai-hosi mundu bá Irlanda.
Ida-ne’e hola parte iha kompromissu Irlanda nian la’ós de’it ho país dezenvolvidu sira, maibé mós ho Estadu Illa Kiik sira (PEID).
Embaixadór ne’e hahú misaun diplomátika iha Indonézia no Timor-Leste iha 09 Marsu tinan 2021.

Link Facebook (Média-GPM)