𝐄𝐒𝐓𝐑𝐄𝐋𝐀 𝐑𝐄𝐒𝐎𝐔𝐑𝐂𝐄𝐒 𝐃𝐄𝐒𝐊𝐎𝐁𝐑𝐄 𝐌𝐀𝐍𝐆𝐀𝐍𝐄̂𝐒 𝐈𝐇𝐀 𝐀́𝐑𝐄𝐀 𝐋𝐀𝐔𝐓𝐄́𝐌 𝐍𝐎 𝐋𝐎𝐒𝐏𝐀𝐋𝐎𝐒 𝐇𝐎 𝐊𝐔𝐀𝐋𝐈𝐃𝐀𝐃𝐄 𝐊𝐋𝐀𝐒𝐄 𝐌𝐔𝐍𝐃𝐈𝐀́𝐋

DILI, 17 Juñu 2025
Empreza Estrela Resources R.P. konsege halo deskobrimentu bá manganês iha área Lautém no Lospalos ho kualidade klase mundiál.
Diretór Jerál Estrela Resources, Christopher J. Daws reprezenta Australian Resources ne’ebé halo esplorasaun rekursu manganés iha Timor-Leste (TL) hamutuk ho grupu investidór Australianu sira, atualiza rezultadu ne’e bá Primeiru-Ministru (PM), Kay Rala Xanana Gusmão iha Palásiu Governu, tersa (17/06/2025).
“𝐀𝐦𝐢 𝐢𝐡𝐚-𝐧𝐞’𝐞 𝐟𝐮𝐥𝐚𝐧 𝟏𝟒 𝐨𝐧𝐚 𝐝𝐞𝐳𝐝𝐞 𝐚𝐦𝐢 𝐡𝐞𝐭𝐚𝐧 𝐚𝐣𝐮𝐝𝐢𝐤𝐚𝐬𝐚𝐮𝐧 𝐛𝐚́ 𝐥𝐢𝐬𝐞𝐧𝐬𝐚 𝐚𝐭𝐮 𝐡𝐚𝐥𝐨 𝐞𝐬𝐩𝐥𝐨𝐫𝐚𝐬𝐚𝐮𝐧. 𝐇𝐚’𝐮 𝐦𝐚𝐢 𝐢𝐧𝐟𝐨𝐫𝐦𝐚 𝐛𝐚́ 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐤𝐨𝐧𝐚-𝐛𝐚́ 𝐩𝐫𝐨𝐠𝐫𝐞𝐬𝐬𝐮 𝐬𝐢𝐠𝐧𝐢𝐟𝐢𝐤𝐚𝐭𝐢𝐯𝐮 𝐧𝐞’𝐞𝐛𝐞́ 𝐀𝐮𝐬𝐭𝐫𝐚́𝐥𝐢𝐚 𝐚𝐭𝐢𝐧𝐣𝐞 𝐢𝐡𝐚 𝐚́𝐫𝐞𝐚 𝐢𝐝𝐚-𝐧𝐞’𝐞 𝐧𝐢𝐚𝐧. 𝐀𝐦𝐢 𝐝𝐞𝐬𝐤𝐨𝐛𝐫𝐞 𝐦𝐚𝐧𝐠𝐚𝐧𝐞̂𝐬 𝐚𝐥𝐭𝐢́𝐬𝐬𝐢𝐦𝐚 𝐤𝐮𝐚𝐥𝐢𝐝𝐚𝐝𝐞 𝐡𝐨 𝐧𝐢𝐚 𝐭𝐞𝐨𝐫 𝐚𝐚𝐬, 𝐢𝐡𝐚 𝐚́𝐫𝐞𝐚 𝐬𝐢𝐫𝐚 𝐩𝐚𝐫𝐭𝐞 𝐋𝐨𝐬𝐩𝐚𝐥𝐨𝐬 𝐧𝐨 𝐋𝐚𝐮𝐭𝐞́𝐦,” Christopher J. Daws hateten.
Durante hasoru-malu ne’e Christopher J. Daws informa fila-fali kona-bá konversa ho Primeiru-Ministru iha fulan 12 bá kotuk, bainhira Xefe Governu husu dehan, “𝐩𝐨𝐫 𝐟𝐚𝐯𝐨́𝐫, 𝐩𝐨𝐫 𝐟𝐚𝐯𝐨́𝐫, 𝐝𝐞𝐬𝐤𝐨𝐛𝐫𝐞 𝐥𝐚’𝐨́𝐬 𝐫𝐚𝐢 𝐡𝐞𝐧𝐞𝐤 𝐧𝐨 𝐟𝐚𝐭𝐮𝐤-𝐫𝐚𝐡𝐮𝐧 𝐝𝐞’𝐢𝐭 𝐦𝐚𝐢𝐛𝐞́ 𝐛𝐞𝐥𝐞 𝐥𝐢𝐮-𝐭𝐚́𝐧 𝐢𝐝𝐚-𝐧𝐞’𝐞,”
Tanba ne’e, dala ida-ne’e Christopher J. Daws hakarak hateten katak, agora daudaun nia fila-fali mai Timor ho oportunidade ida-ne’e atu informa bá Primeiru-Ministru katak, de faktu sira la’ós deskobre de’it rai-henek no fatuk-rahun maibé liu ida-ne’e.
“𝐀𝐦𝐢 𝐝𝐞𝐬𝐤𝐨𝐛𝐫𝐞 𝐦𝐚𝐧𝐠𝐚𝐧𝐞̂𝐬 𝐡𝐨 𝐤𝐥𝐚𝐬𝐬𝐞 𝐦𝐮𝐧𝐝𝐢𝐚́𝐥. 𝐀𝐦𝐢 𝐬𝐞𝐢 𝐡𝐚𝐥𝐨 𝐚𝐧𝐚́𝐥𝐢𝐳𝐚 𝐛𝐚́ 𝐢𝐝𝐚-𝐧𝐞’𝐞 𝐧𝐨 𝐚𝐦𝐢 𝐬𝐞𝐢 𝐡𝐚𝐫𝐮𝐤𝐚 𝐛𝐚́ 𝐢𝐡𝐚 𝐦𝐞𝐫𝐤𝐚𝐝𝐮 𝐦𝐮𝐧𝐝𝐢𝐚́𝐥,” nia hateten.
Ida-ne’e hanesan oportunidade bo’ot ida bá empreza, MRT, parseiru joint venture, Kompañia Nasionál Minerasaun ho Grupu Servisu, órgaun estatutáriu sira, parseiru nasionál timorense bá joint venture sira atu análiza valór totál, estensaun totál bá rekursu ida-ne’e hodi halo bá Timor ho nia povu.
Grupu investidór sira ne’ebé ohina mai hasoru-malu ho Primeiru-Ministru hamutuk 12 mai-hosi Austrália Osidentál no sira ne’e hotu hanesan jestór prinsipál bá empreza sira. Sira mós reprezenta asionista bo’ot balun hosi Austrália inklui reprezentante asionista númeru um ho dois atu bele haree servisu esplorasaun iha Timor-Leste durante oras 48 bá oin.
Primeiru-Ministru satisfeitu tebes tanba empreza konsege avansa bá esplorasaun ho maneira ne’ebé sira rasik halo.
Estrella Murak Rai Lda (EMR) asina Akordu Joint Venture iha fulan Jullu 2024 hodi esplora rekursu manganés iha área konsesaun sira ne’ebé uluk atribui bá Estrella Resources, R.P. iha Novembru 2023.
Empreza Joint Venture EMR ne’e forma ho partisipasaun 70% hosi Estrella Resources, R.P. no 30% hosi parte Murak Rai Timor, E.P.
Aranjamentu Joint Venturen ne’e fó Murak Rai Timor, E.P. direitu atu livre hosi dezepzas sira iha faze prospesaun no peskiza ka faze avaliasaun bá rekursu manganês.
Estrella Resources, R.P. maka empreza ida ne’ebé rejistadu iha Timor-Leste ne’ebé hanesan empreza subsidiaria ida hosi Estrella Resources Limited, empreza esplorasaun minerál ne’ebé iha baze iha Austrália. Murak Rai Timor, E.P. maka empreza mineira estatál ida ne’ebé harii tuir Dekretu Lei Governu nian No. 64/2023, 6 Setembru.
EMR no Estrella Resources, R.P. implementa ona programa barak iha faze prospesaun no iha área konsesaun hotu-hotu ho totál área 648.41 km2.
Programa inisiál kobre liu-liu servisu jeolójiku no jeofiziku inklui mapeamentu, amostrajen, análize laboratóriu no serbisu levantamentu kona-bá rezistividade ka Induz Polaridade.
Bazeia bá servisu jeolójiku no jeofiziku inisiál sira-ne’e, EMR deskobre mineralizasaun manganés iha fatin balun iha Lautém no Baucau nia laran no mós rekursu kalkáriu neʼebé iha potensiál signifikativu.
Haree bá susesu sira iha faze inisiál ne’e, iha grupu investidór lubuk ida hosi Austrália inklui investidór públiku no mós privadu ne’ebé iha interese bá rekursu sira ne’ebé EMR deskobre ona no sira deside harak vizita hodi hare rasik ho matan kona-bá rekursu sira-ne’e.
Durante hasoru-malu ho Xefe Governu, investidór sira akompaña hosi Ministru Petróleu no Rekursus Minerais (MPRM), Francisco da Costa Monteiro, Prezidente Autoridade Nasionál Minerais (ANM.I.P), Rafael Danilson Magno de Araújo, Prezidente Murak Rai Timor Empreza Públika (MRT, E.P.), José Manuel Gonçalves.

LINK FACEBOOK (Média-GPM)