𝐆𝐑𝐔𝐏𝐔 “𝐊𝐄𝐑𝐎𝐍𝐂𝐎𝐍𝐆 𝐓𝐔𝐆𝐔 𝐂𝐀𝐅𝐑𝐈𝐍𝐇𝐎” 𝐀𝐍𝐈𝐌𝐀 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐁𝐀́ 𝐃𝐀-𝐇𝐀𝐀𝐓 𝐋𝐎𝐑𝐎𝐍 𝐃𝐀-𝐓𝐎𝐋𝐔𝐊

DILI, 29 Juñu 2025
Grupu Muzikál “Keroncong Tugu Cafrinho” hosi Bairru Tugu Jakarta Indonézia, anima Konferénsia Komunidade Luzo-Aziátika (APCC) bá dala-haat iha Díli, loron da-toluk, domingu (29/06/2025).
“Keroncong Tugu Cafrinho” nu’udár estúdiu arte ida lokalizadu iha Bairru Tugu, Jakarta parte Norte ne’ebé toka múzika keroncong tugu.
Múzika keroncong tugu nu’udár frutu hosi kriasaun desendentes portugueses iha Bairru Tugu dezde tinan 1661, prekursora hosi jênerus muzikái keroncong oioin iha Indonézia.
Partisipa iha sesaun loron da-toluk ne’e mak hanesan Primeiru-Ministru (PM), Kay Rala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, membru Governu sira, reprezentante Komunidade Portugueza hosi Malaca (Malázia), Burghers Portuguezes hosi Batticaloa (Sri Lanka), Bayingyis hosi Vale Mu (Mianmar), Paróquia sira hosi Conceição, Sta. Cruz no Nossa Senhora do Rosário (Tailândia), Macau (China), Goa (Índia), Tugu Mardijkers hosi Jakarta no Larantuqueiros ka Topasses hosi illa Flores nian (Indonézia).
Konferênsia ne’e mós halibur akadémiku sira, investigadór sira, líder kulturál sira, artista no dignitáriu mai-hosi mundu luzófonu hodi partilla rezultadu hosi sira-nia estudu no diversas esperiénsias inklui estudante hosi Universidade sira iha Dili no konvidadu sira.

Link Facebook (Média-GPM)