𝐃𝐄𝐕𝐎𝐒𝐀𝐔𝐍 𝐁𝐀́ 𝐉𝐄𝐒𝐔𝐒 𝐅𝐔𝐓𝐀𝐑 𝐅𝐔𝐀𝐍 𝐒𝐀𝐍𝐓𝐔 𝐓𝐄𝐍𝐊𝐄 𝐏𝐑𝐀𝐓𝐈𝐊𝐀 𝐈𝐇𝐀 𝐀𝐒𝐀𝐔𝐍 𝐊𝐎𝐍𝐊𝐑𝐄𝐓𝐀

BOBONARO, 26 Juñu 2025
Primeiru-Ministru (PM), Kay Rala Xanana Gusmão husu bá fiar na’in sira ne’ebé halo devosaun bá Jesus Futar Fuan Santu (Sagrado Coração de Jesus) tenke tau iha asaun konkreta.
Primeiru-Ministru husu ne’e liu-hosi diskursu iha okaziaun semináriu “XV aniversáriu Dioseze Maliana ho Jubileu tinan 350 Coração de Jesus” ne’ebé realiza iha Salaun Padre Manuel Luís, Igreja Paroquial Maliana, Dioseze Maliana, kinta (26/06/2025).
“𝐃𝐨𝐯𝐨𝐬𝐚𝐮𝐧 𝐛𝐚́ 𝐉𝐞𝐬𝐮𝐬 𝐅𝐮𝐭𝐚𝐫 𝐅𝐮𝐚𝐧 𝐒𝐚𝐧𝐭𝐮 𝐭𝐞𝐧𝐤𝐞 𝐩𝐫𝐚𝐭𝐢𝐤𝐚 𝐢𝐡𝐚 𝐚𝐬𝐚𝐮𝐧 𝐤𝐨𝐧𝐤𝐫𝐞𝐭𝐚 𝐭𝐚𝐧𝐛𝐚 𝐉𝐞𝐬𝐮𝐬 𝐅𝐮𝐭𝐚𝐫 𝐅𝐮𝐚𝐧 𝐒𝐚𝐧𝐭𝐮 𝐬𝐚𝐢 𝐧𝐮’𝐮𝐝𝐚́𝐫 𝐨𝐩𝐨𝐫𝐭𝐮𝐧𝐢𝐝𝐚𝐝𝐞 𝐢𝐝𝐚 𝐚𝐭𝐮 𝐢𝐭𝐚 𝐡𝐚𝐭𝐞𝐧𝐞 𝐡𝐚𝐥𝐨 𝐬𝐚𝐤𝐫𝐢𝐟𝐢́𝐬𝐢𝐮, 𝐫𝐞𝐤𝐨𝐧𝐬𝐢𝐥𝐢𝐚𝐬𝐚𝐮𝐧, 𝐮𝐧𝐢𝐝𝐚𝐝𝐞, 𝐤𝐨𝐫𝐚𝐳𝐞𝐧, 𝐣𝐞𝐧𝐞𝐫𝐨𝐳𝐢𝐝𝐚𝐝𝐞, 𝐛𝐨𝐧𝐝𝐚𝐝𝐞, 𝐫𝐞𝐬𝐩𝐨𝐧𝐬𝐚𝐛𝐢𝐥𝐢𝐝𝐚𝐝𝐞, 𝐚𝐠𝐫𝐚𝐝𝐞𝐬𝐞 𝐧𝐨 𝐞𝐬𝐩𝐞𝐫𝐚𝐧𝐬𝐚, 𝐧𝐮𝐧𝐞𝐞 𝐢𝐭𝐚 𝐛𝐞𝐥𝐞 𝐤𝐨𝐧𝐭𝐫𝐢𝐛𝐮𝐢 𝐛𝐚́ 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐧𝐚𝐬𝐢𝐨𝐧𝐚́𝐥 𝐡𝐨 𝐞𝐟𝐞𝐭𝐢𝐯𝐮. 𝐀𝐭𝐮 𝐛𝐮𝐚𝐭 𝐡𝐢𝐫𝐚𝐤 𝐧𝐞’𝐞 𝐚𝐤𝐨𝐧𝐭𝐞𝐬𝐞 𝐩𝐫𝐞𝐬𝐢𝐳𝐚-𝐥𝐢𝐮 𝐦𝐚𝐤𝐚 𝐭𝐞𝐧𝐤𝐞 𝐡𝐚𝐛𝐨’𝐨𝐭 𝐢𝐭𝐚-𝐧𝐢𝐚 𝐟𝐢𝐚𝐫 𝐧𝐨 𝐤𝐨𝐦𝐩𝐚𝐢𝐬𝐚𝐮𝐧,” Primeiru-Ministru hateten.
Ho laran haksolok bo’ot tebes mak Xefe Governu mai hamutuk ho sarani tomak iha selebrasoens Dioseze Maliana nian ne’e, família bo’ot sarani nian ida-ne’e, hodi partisipa iha orasoens no reflesoens bá tinan jubilar ne’e nian.
Primeiru-Ministru husu permisaun atu hahú felisita uluk Dioseze Maliana, Dioseze foun liu iha Timor-Leste, tanba halo ona tinan 15. Parabéns bá Kleru no bá Madre Dioseze sira, no mós bá ema hotu-hotu ne’ebé kontribui bá prezensa Igreja-de-proximidade ida-ne’e.
Xanana Gusmão aproveita mós biban ida-ne’e atu hato’o ninia rekoñesimentu ho admirasaun bá Reverendísimu Bispu Dom Norberto do Amaral, la’ós de’it bá nia lideransa espirituál no diosezana, maibé mós bá lideransa komunitária ho ninia dedikasaun tomak bá populasaun sira, liuliu Likisá, Bobonaru ho Suai.
Selebra Jubileu ida-ne’e, signifika rekoñese katak sarani hotu-hotu saran tomak ona idaidak-nia-an bá Sagrado Coração de Jesus. No devosaun ida-ne’e tenke pratika, la’ós de’it iha orasoens ho selebrasoens litúrgikas, maibé mós iha asoens, hodi nune’e, ema ida-idak konkretiza apelu Kristu nian kona-bá domin bá ema seluk.
Disponível atu realiza bein komún, ne’e mak halo sarani sai katólikus ne’ebé di’ak liu, no liuliu, halo sarani sai ema ne’ebé di’ak liu. Maibé Xanana dehan, tenke rekoñese katak nein sempre fásil!
Timoroan sira hatene saída mak sakrifísiu. La’ós de’it tanba iha tinan 24 laran hasoru susar no terus oioin hosi okupasaun ilegál no violenta, maibé mós, hetan tiha independêsia nasionál, sira kontinua hasoru difikuldades loroloron nian bainhira buka atu hadi’a sira-nia kondisoens moris.
Prosesu dezenvolvimentu nasionál ho konstrusaun Estadu ida ne’ebé sólidu no demokrátiku kontinua ezije sakrifísius bá populasaun timoroan tomak.
“𝐇𝐚𝐧𝐞𝐬𝐚𝐧 𝐢𝐭𝐚-𝐛𝐨𝐨𝐭 𝐬𝐢𝐫𝐚 𝐡𝐚𝐭𝐞𝐧𝐞, 𝐬𝐞𝐦𝐩𝐫𝐞 𝐟𝐚́𝐬𝐢𝐥 𝐥𝐢𝐮 𝐡𝐚𝐥𝐚𝐤𝐨𝐧 𝐧𝐨 𝐡𝐚𝐫𝐚𝐡𝐮𝐧 𝐞𝐦𝐚 𝐬𝐞𝐥𝐮𝐤 𝐧𝐢𝐚 𝐦𝐨𝐫𝐢𝐬 𝐧𝐨 𝐡𝐚𝐥𝐨 𝐢𝐭𝐚 𝐞𝐦𝐚 𝐧𝐞𝐨𝐧 𝐧𝐚𝐤𝐮𝐤𝐮𝐧 𝐢𝐡𝐚 𝐭𝐞𝐦𝐩𝐨 𝐟𝐮𝐧𝐮, 𝐝𝐮𝐤𝐞́ 𝐡𝐚𝐫𝐢𝐢 𝐟𝐮𝐭𝐮𝐫𝐮 𝐢𝐝𝐚 𝐧𝐞’𝐞𝐛𝐞́ 𝐬𝐮𝐬𝐭𝐞𝐧𝐭𝐚́𝐯𝐞𝐥 𝐢𝐡𝐚 𝐭𝐞𝐦𝐩𝐮 𝐩𝐚́𝐬. 𝐓𝐚𝐧𝐛𝐚 𝐧𝐞’𝐞 𝐦𝐚𝐤 𝐢𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐞𝐭𝐞𝐛𝐞𝐬 𝐫𝐞𝐤𝐨𝐧𝐬𝐢𝐥𝐢𝐚𝐬𝐚𝐮𝐧 𝐡𝐨 𝐮𝐧𝐢𝐝𝐚𝐝𝐞 𝐧𝐚𝐬𝐢𝐨𝐧𝐚́𝐥 𝐛𝐚́ 𝐦𝐢𝐬𝐚𝐮𝐧 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐢𝐝𝐚-𝐧𝐞’𝐞,” Xefe Governu hateten.
Prosesu rekoñesimentu kona-bá konflitus ho ofensas, atu tuir fali rekonsilia, ne’e mak justisa iha asaun ne’ebé permite sarani sira avansa nu’udár nasaun. No, presiza korajen ho jenerozidade (ka, laran luan no di’ak) hosi povu ida-ne’e atu hala’o prosesu rekonsiliasaun nasionál.
Susesu Timor-Leste nian la depende bá vontade ema seluk nian, maibé bá vontade timoroan tomak nian atu rezolve nia problemas ho konflitus hosi pasadu. Aten-barani ho diálogu mak lori Timoroan sira bá rekonsiliasaun ho viziña indonézia, no mós entre feton no maun-alin timoroan sira ne’ebé haree malu la di’ak, liutiha tinan hira moris iha konflitu laran. Ema balun hanesan vítimas tanba funu, seluk tanba ideolojias.
Ida-ne’e mak ezemplu ida ne’ebé Timor-Leste bele partilla ho orgullu boot ho mundu tomak. Timoroan sira nia asaun ida ne’e hanesan ezemplu di’ak ida kona-bá rekonsiliasaun interna, aleinde rekonsiliasaun ho Indonézia.
Ezemplu ida-ne’e nunka iha relevânsia ida bo’ot hanesan ne’e iha tempu ohin-loron. Mundu agora hasoru dezafius jeopolítikus, sosioekonómikus no ambientais todan lahalimar, dezafiu sira ne’ebé só bele hetan resposta bainhira iha sentimentu umanu, ho baze iha valor sira ne’ebé aas liu hanesan solidariedade, tolerânsia no kooperasaun.
“𝐁𝐚𝐢𝐧𝐡𝐢𝐫𝐚 𝐢𝐭𝐚 𝐚𝐤𝐨𝐦𝐩𝐚𝐧̃𝐚 𝐚𝐭𝐮𝐚𝐥𝐢𝐝𝐚𝐝𝐞 𝐢𝐧𝐭𝐞𝐫𝐧𝐚𝐬𝐢𝐨𝐧𝐚́𝐥, 𝐢𝐭𝐚 𝐚𝐬𝐢𝐬𝐭𝐞 𝐤𝐫𝐮𝐞𝐥𝐝𝐚𝐝𝐞 𝐡𝐨𝐬𝐢 𝐟𝐮𝐧𝐮, 𝐡𝐨𝐬𝐢 𝐤𝐨𝐧𝐟𝐥𝐢𝐭𝐮 𝐧𝐨 𝐡𝐨𝐬𝐢 𝐩𝐨𝐛𝐫𝐞𝐳𝐚. 𝐈𝐭𝐚 𝐛𝐞𝐥𝐞 𝐡𝐚𝐫𝐞𝐞 𝐦𝐢𝐳𝐞́𝐫𝐢𝐚 𝐮𝐦𝐚𝐧𝐚 𝐧𝐞’𝐞𝐛𝐞́ 𝐦𝐚𝐫𝐤𝐚 𝐢𝐡𝐚 𝐞𝐦𝐚 𝐭𝐨𝐤𝐨𝐧-𝐧𝐚𝐧𝐮𝐧 𝐬𝐢𝐫𝐚-𝐧𝐢𝐚 𝐨𝐢𝐧. 𝐈𝐭𝐚 𝐚𝐬𝐢𝐬𝐭𝐞, 𝐦𝐚𝐬𝐤𝐢 𝐥𝐚 𝐟𝐢𝐚𝐫, 𝐤𝐨𝐧𝐟𝐥𝐢𝐭𝐮 𝐨𝐢𝐨𝐢𝐧 𝐧𝐞’𝐞𝐛𝐞́ 𝐬𝐨𝐛𝐮-𝐫𝐚𝐡𝐮𝐧 𝐟𝐚𝐭𝐢𝐧 𝐛𝐚𝐫𝐚𝐤 𝐢𝐡𝐚 𝐦𝐮𝐧𝐝𝐮, 𝐧𝐨 𝐢𝐡𝐚 𝐟𝐚𝐭𝐢𝐧 𝐬𝐢𝐫𝐚 𝐧𝐞’𝐞𝐛𝐞́ 𝐢𝐭𝐚 𝐡𝐚𝐥𝐮𝐡𝐚 𝐥𝐚𝐤𝐨𝐧 𝐨𝐧𝐚 𝐧𝐞’𝐞, 𝐡𝐮𝐬𝐢𝐤 𝐡𝐞𝐥𝐚 𝐫𝐚𝐬𝐭𝐮 (𝐤𝐚 𝐚𝐢𝐧-𝐟𝐚𝐭𝐢𝐧, 𝐬𝐢𝐧𝐚𝐢𝐬) 𝐝𝐞𝐬𝐭𝐫𝐮𝐢𝐬𝐚𝐮𝐧 𝐧𝐞’𝐞𝐛𝐞́ 𝐡𝐚𝐧𝐞𝐬𝐚𝐧. 𝐄𝐦𝐚 𝐧𝐢𝐚 𝐦𝐨𝐫𝐢𝐬, 𝐞𝐦𝐚 𝐧𝐢𝐚 𝐦𝐞𝐡𝐢 𝐧𝐨 𝐤𝐨𝐦𝐮𝐧𝐢𝐝𝐚𝐝𝐞 𝐭𝐨𝐦𝐚𝐤 𝐦𝐚𝐤 𝐥𝐚𝐤𝐨𝐧 𝐥𝐞𝐞𝐭 𝐝𝐞’𝐢𝐭,” PM Xanana sita.
La iha ema seluk mak sente buat hirak-ne’e liu timoroan sira-ne’e. Maibé felizmente, ba Timoroan sira, tantu iha tempu funu komu iha pás, bele konta ho apoiu morál no espirituál hosi Igreja Katólika.
“𝐇𝐚’𝐮 𝐚𝐩𝐫𝐨𝐯𝐞𝐢𝐭𝐚 𝐡𝐨𝐝𝐢 𝐚𝐠𝐫𝐚𝐝𝐞𝐬𝐞 𝐛𝐚́ 𝐌𝐚𝐝𝐫𝐞 𝐡𝐨 𝐏𝐚𝐝𝐫𝐞 𝐬𝐢𝐫𝐚 𝐡𝐨𝐭𝐮 𝐛𝐚́ 𝐛𝐞𝐧𝐞𝐯𝐨𝐥𝐞̂𝐧𝐬𝐢𝐚, 𝐬𝐨𝐥𝐢𝐝𝐚𝐫𝐢𝐞𝐝𝐚𝐝𝐞 𝐡𝐨 𝐚𝐩𝐨𝐢𝐮 𝐦𝐨𝐫𝐚́𝐥 𝐧𝐨 𝐞𝐬𝐩𝐢𝐫𝐢𝐭𝐮𝐚́𝐥 𝐧𝐞’𝐞𝐛𝐞́ 𝐢𝐭𝐚-𝐛𝐨𝐨𝐭 𝐬𝐢𝐫𝐚 𝐝𝐞𝐝𝐢𝐤𝐚 𝐭𝐨𝐦𝐚𝐤 𝐛𝐚́ 𝐩𝐨𝐯𝐮 𝐓𝐢𝐦𝐨𝐫 𝐝𝐮𝐫𝐚𝐧𝐭𝐞 𝟓 𝐝𝐞́𝐤𝐚𝐝𝐚𝐬 𝐧𝐞’𝐞𝐛𝐞́ 𝐭𝐨𝐝𝐚𝐧 𝐭𝐞𝐛𝐞𝐭𝐞𝐛𝐞𝐬. 𝐈𝐭𝐚 𝐦𝐨́𝐬 𝐤𝐨𝐧𝐭𝐚 𝐡𝐨 𝐚𝐩𝐨𝐢𝐮 𝐯𝐚𝐥𝐢𝐨𝐳𝐮 𝐡𝐨𝐬𝐢 𝐩𝐚𝐢́𝐳𝐞𝐬 𝐚𝐦𝐢𝐠𝐮𝐬 𝐧𝐨 𝐩𝐚𝐫𝐬𝐞𝐢𝐫𝐮𝐬 𝐝𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐧𝐞’𝐞𝐛𝐞́ 𝐟𝐢𝐚𝐫 𝐢𝐡𝐚 𝐢𝐭𝐚-𝐧𝐢𝐚 𝐩𝐫𝐨𝐣𝐞𝐭𝐮 𝐤𝐨𝐧𝐚-𝐛𝐚́ 𝐩𝐚́𝐬 𝐡𝐨 𝐞𝐬𝐭𝐚𝐛𝐢𝐥𝐢𝐝𝐚𝐝𝐞 𝐧𝐚𝐬𝐢𝐨𝐧𝐚́𝐥,” PM Xanana agradese.
Xanana Gusmão konsidera Jubileu tinan 350 devosaun bá Sagrado Coração de Jesus ne’e, hanesan oportunidade di’ak ida atu agradese no atu reflete kona-bá kbiit bo’ot hosi domin bá ema seluk no kona-bá benefísius hosi kompaixaun, mizerikórdia no solidariedade.
Fosa ida-ne’e, esperansa ida-ne’e, esénsia tebes atu, hamutuk bele hakat-liu dezafiu sira ne’ebé ida-idak hasoru, no liu-liu, dezafius ne’ebé Timoroan hasoru iha dezenvolvimentu país ne’e.
Tinan uluk Timor-Leste selebra 25 anus Konsulta Populár ne’ebé lori Timoroan hotu hetan nia independênsia nasionál. Tinan ida-ne’e, iha fulan maiu, selebra 23 anus Restaurasaun Independênsia. Maibé, Timoroan sira labele, no seidauk bele, haluha esforsus ho sakrifísius hosi povu bá soberania nasionál.
Timoroan barak, barak demais mak oferese sira-nia sakrifísiu tomak atu ohin-loron, Timoroan sira-ne’e bele moris iha liberdade no atu oan ho bei-oan sira bele sente saída mak progresu ho dignidade.
Parte barak hosi mehi bá independênsia ne’e foka liu iha ideais atu moris hakmatek no atu hetan oportunidade hodi kombate pobreza, atu eduka oan sira, atu haree sira moris saudáveis, segurus no realizadus. Konkretiza mehi ne’e hanesan selu tusan boot ida hodi agradese bá sira ne’ebé mate mohu ona.
Governu Timor-Leste sira tuituir-malu, dezde 2002 halo esforsus boot bá implementassaun polítikas públikas ne’ebé bele trasnforma, sai di’ak liu, sidadaun timoroan sira-nia moris.
“𝐈𝐭𝐚 𝐬𝐞𝐧𝐭𝐞 𝐨𝐫𝐠𝐮𝐥𝐥𝐮 𝐛𝐨’𝐨𝐭 𝐛𝐚́ 𝐛𝐮𝐚𝐭 𝐬𝐢𝐫𝐚 𝐧𝐞’𝐞𝐛𝐞́ 𝐢𝐭𝐚 𝐡𝐞𝐭𝐚𝐧 𝐨𝐧𝐚, 𝐦𝐚𝐢𝐛𝐞́ 𝐢𝐭𝐚 𝐦𝐨́𝐬 𝐡𝐚𝐭𝐞𝐧𝐞 𝐝𝐢’𝐚𝐤 𝐡𝐞𝐥𝐚 𝐢𝐭𝐚-𝐧𝐢𝐚 𝐟𝐫𝐚𝐣𝐢𝐥𝐢𝐝𝐚𝐝𝐞𝐬 𝐡𝐨 𝐝𝐞𝐳𝐚𝐟𝐢𝐮𝐬 𝐧𝐞’𝐞𝐛𝐞́ 𝐢𝐭𝐚 𝐤𝐨𝐧𝐭𝐢𝐧𝐮𝐚 𝐡𝐚𝐬𝐨𝐫𝐮,” Xanana hatutan.
Dezenvolvimentu hanesan prosesu naruk ida ne’ebé ezije rekursus finanseirus ne’ebé sei menus liu, ezije rekursus umanus kualifikadus no kapasitadus iha áreas setoriais governasaun oioin, ne’ebé seidauk natón iha país, no ezije, liu-liu, esforsu boot ho dedikasaun tomak la’ós de’it hosi instituisoens governamentais no públikas, maibé esforsu koletivu hosi sidadaun hotu-hotu.
Tanba ne’e mak Xanana Gusmão halo apelu atu labele lakon esperansa, atu labele deziste estuda, servisu no buka ferramentas hodi dezenvolve an rasik no, iha esforsu koletivu ne’e, nune’e bele kontribui bá dezenvolvimentu nasionál.
Iha Jubileu ida-ne’e, ho laran tomak, Xanana Gusmão konvida sarani sira atu hanoin hikas katak, bainhira kalan-kalan ferik ho katuas sira bele toba hakmatek, la ho laran ta’uk,la sente insegurus, ne’e hanesan bênsaun ida.
Mai hamutuk hodi hanoin hikas katak, hamnasa midar ne’ebé haree hetan iha labarik-oan sira-nia oin, ne’e hanesan esperansa boot ida. Mai atu hanoin mós katak, bainhira hala’o tratamentu ho dignidade feto ida ka joven ida no sira bele hetan oportunidades, ne’e hanesan vitória!
No ne’e hanesan sarani bele halo tanba iha legadu ida, ne’ebé metin ona durante períodu rezistênsia, mak domin bá ema seluk domin bá Pátria no fiar-metin iha valores no iha espíritu Coração de Jesus.
“𝐓𝐚𝐧𝐛𝐚 𝐧𝐞’𝐞, 𝐡𝐚’𝐮 𝐡𝐮𝐬𝐮, 𝐚𝐭𝐮 𝐝𝐢𝐨𝐬𝐞𝐳𝐚𝐧𝐮 𝐬𝐢𝐫𝐚 𝐡𝐨𝐭𝐮 𝐢𝐡𝐚 𝐌𝐚𝐥𝐢𝐚𝐧𝐚, 𝐢𝐡𝐚 𝐬𝐞𝐥𝐞𝐛𝐫𝐚𝐬𝐨𝐞𝐧𝐬 𝐧𝐞’𝐞 𝐛𝐞𝐥𝐞 𝐬𝐚𝐫𝐚𝐧 𝐢𝐦𝐢-𝐧𝐢𝐚 𝐫𝐞𝐟𝐥𝐞𝐬𝐨𝐞𝐧𝐬 𝐡𝐨 𝐨𝐫𝐚𝐬𝐨𝐞𝐧𝐬 𝐢𝐡𝐚 𝐦𝐢𝐬𝐚𝐮𝐧 𝐛𝐨’𝐨𝐭 𝐢𝐝𝐚 𝐧𝐞’𝐞𝐛𝐞́ 𝐢𝐭𝐚 𝐤𝐨𝐧𝐭𝐢𝐧𝐮𝐚 𝐡𝐚𝐥𝐚’𝐨, 𝐦𝐚𝐤 𝐚𝐭𝐮 𝐬𝐞𝐫𝐯𝐢𝐬𝐮 𝐦𝐚𝐤𝐚’𝐚𝐬 𝐛𝐚 𝐤𝐨𝐧𝐬𝐭𝐫𝐮𝐬𝐚𝐮𝐧 𝐧𝐚𝐬𝐢𝐨𝐧𝐚𝐥. 𝐌𝐚𝐤 𝐡𝐚𝐧𝐞𝐬𝐚𝐧 𝐝𝐨𝐦𝐢𝐧 𝐛𝐚 𝐞𝐦𝐚 𝐬𝐞𝐥𝐮𝐤, 𝐦𝐢𝐳𝐞𝐫𝐢𝐤𝐨́𝐫𝐝𝐢𝐚 𝐤𝐚 𝐥𝐚𝐫𝐚𝐧 𝐥𝐮𝐚𝐤 𝐛𝐚 𝐞𝐦𝐚 𝐬𝐢𝐫𝐚 𝐧𝐞’𝐞𝐛𝐞́ 𝐩𝐫𝐞𝐬𝐢𝐳𝐚 𝐥𝐢𝐮 𝐧𝐨 𝐩𝐞𝐫𝐝𝐚𝐮𝐦 𝐛𝐚 𝐚𝐭𝐮𝐬 𝐧𝐨 𝐨𝐦𝐢𝐬𝐨𝐞𝐧𝐬 𝐧𝐞’𝐞𝐛𝐞́ 𝐨𝐟𝐞𝐧𝐝𝐞 𝐢𝐭𝐚,” nia hateten.
Maibé mos domin bá meiu ambiente ne’ebé sustenta ema nia moris, ne’ebé sai hanesan ema nia uma rasik, mak, natureza no planeta.
Saudozu Papa Francisco husik hela mensajen importantísima ida bá sarani tomak iha mundu kona-bá nesesidade atu tau-matan no respeita meiu ambiente, aleinde respeita ema hotu-hotu, bá futuru ida ne’ebé prósperu no sustentável liu, hodi inspira ema hotu-hotu atu tau-matan bá ema hotu nia Uma- Boot.
Ne’e signifika trata natureza ho respeitu. Respeita ema ninia eksistemas terrestres no mariñus.
Nein sempre hatene, maibé bainhira explora irrasionalmente katak la uza kakukat, rekursus mariñus no terrestres ou, por ezemplu, bainhira ema soe arbiru fo’er iha rai, liuliu materiais hosi plástiku, ne’e kontribui daudaun ona bá destruisaun meiu ambiente terrestre no mariñu no konsekuentemente, bá insustentabilidade futuras jerasoens.
Tanba buat hirak-ne’e hotu, mak iha Jubileu Sagrado Coração de Jesus ne’e, buat ne’ebé Xanana Gusmão husu bá ninia an rasik maka hakarak husu mós bá sarani hotu-hotu, mak: umildade, bondade ho responsabilidade hodi tau-matan bá maluk sira hotu no bá Ambiente.
Servi bá ema seluk,respeita ema hotu ho natureza, kontribui hodi kria armonia ho kooperasaun iha ema idaidak nia família no iha komunidade, signifika ema hanesan sarani kompromete ona atu sai instrumentu bá pás no amor iha mundu.
Hanesan konkluzaun, hein katak Jubileu Sagrado Coração de Jesus ida-ne’e bele inspira ema hotu-hotu liu-liu Timoroan hotu hodi hakle’an fiar no moris nakonu ho amor no kompaixaun.
Hein mós katak bele loke ema idaidak nia fuan hodi halo kompromisu atu hotu-hotu sai instrumentus bá pás no amor iha mundu.
Xefe Governu hakotu ho votus moris naruk bá Dioseze Maliana, atu nia kontinua leno no fó esperansa bá komunidade hotu-hotu.
Iha fatin hanesan, Bispu Dioseze Maliana, Dom Norberto do Amaral konsidera hanesan onra bo’ot ida ohin Dioseze Maliana simu Primeiru-Ministru maun bo’ot Kay Rala Xanana Gusmão no hato’o bem vindo.
Ohin mós Sarani Dioseze Maliana hakarak espresa ho fuan no laran tomak iha loron espesiál ida ohin bá maun boot nia loron espesiál ka loron moris nian ne’ebé selebra iha 20 juñu tinan ne’e.
Dom Norberto ho sarani sira promete atu harohan nafatin bá Maromak, nune’e maun boot Xanana Gusmão bele hetan nafatin isin di’ak hodi tau-matan nafatin bá rai doben Timor ida-ne’e.
Partisipa iha Semináriu ne’e, Vigário-Jerál Dioseze Maliana, Kleru ho Madres Dioseze Maliana, Komisaun Organizadora bá Selebrasoens no sarani sira.

Link Facebook (Média-GPM)