𝐆𝐑𝐔𝐏𝐔 “𝐁𝐒𝐎’𝐎𝐓” 𝐑𝐀𝐄𝐎𝐀 𝐀𝐍𝐈𝐌𝐀 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐃𝐀-𝐇𝐀𝐀𝐓, 𝐋𝐎𝐑𝐎𝐍 𝐈𝐊𝐔𝐒

DILI, 29 Juñu 2025
Grupu “Bso’ot” ka tebe-tebes tradisionál no “Bijo Meto” hosi Rejiaun Administrativa Espesiál Oecusse Ambeno (RAEOA), reprezenta hosi suku Usi-taco, aprezenta hodi halo animasaun bá partisipante sira iha Konferénsia Komunidade Luzo-Aziátika (APCC) bá dala-haat iha CCD, loron da-toluk ka loron ikus, domingu (29/06/2025).
Tebe-tebe Bso’ot hala’o hosi mane no feto. Bso’ot ne’e indika bá mane sira no Lelet ne’e indika bá feto sira.
Lia-fuan Bso’ot no Lelet mai-hosi lian Baikenu ho sentidu Tebe-Tebe. Kultura Bso’ot no Lelet hatudu identidade orijinál Atoni-oan hafurak ho ninia vestuáriu tradisionál sira mak hanesan:
𝟏. 𝐋𝐮𝐧-𝐋𝐞𝐤𝐨 𝐤𝐚𝐭𝐚𝐤 𝐦𝐨𝐫𝐭𝐞𝐧 𝐧𝐞’𝐞𝐛𝐞́ 𝐟𝐞𝐭𝐨 𝐧𝐨 𝐦𝐚𝐧𝐞 𝐛𝐞𝐥𝐞 𝐭𝐚𝐫𝐚 𝐢𝐡𝐚 𝐤𝐚𝐤𝐨𝐫𝐨𝐤 𝐧𝐨 𝐛𝐚𝐢𝐛𝐚𝐢𝐧 𝐮𝐭𝐢𝐥𝐢𝐳𝐚 𝐦𝐨́𝐬 𝐡𝐨𝐝𝐢 𝐡𝐚𝐟𝐨𝐥𝐢𝐧 𝐟𝐞𝐭𝐨.
𝟐. 𝐒𝐨𝐞𝐛-𝐍𝐨𝐧𝐞 𝐤𝐚 𝐌𝐢𝐭𝐫𝐚-𝐛𝐞𝐬𝐢 𝐧𝐮’𝐮𝐝𝐚́𝐫 𝐬𝐢́𝐦𝐛𝐨𝐥𝐮 𝐟𝐨𝐫𝐬𝐚 𝐤𝐚 𝐩𝐨𝐝𝐞𝐫
𝟑. 𝐊𝐚𝐬𝐮’𝐢 𝐤𝐚 𝐒𝐚𝐛𝐚𝐨𝐥 𝐍𝐨𝐧𝐢 𝐤𝐚𝐭𝐚𝐤, 𝐅𝐚𝐫𝐮 𝐛𝐞𝐬𝐢 𝐧𝐮’𝐮𝐝𝐚́𝐫 𝐬𝐢𝐦𝐛𝐨𝐥𝐮 𝐫𝐢𝐤𝐮-𝐬𝐨𝐢𝐧 𝐧𝐨 𝐦𝐨𝐫𝐢𝐬 𝐝𝐢’𝐚𝐤.
𝟒. 𝐌𝐮𝐢𝐭-𝐊𝐚𝐬𝐞 𝐤𝐚 𝐒𝐢𝐧𝐭𝐮 𝐦𝐮𝐭𝐢𝐧 𝐧𝐮’𝐮𝐝𝐚́𝐫 𝐬𝐢́𝐦𝐛𝐨𝐥𝐮 𝐮𝐧𝐢𝐝𝐚𝐝𝐞.
𝟓. 𝐁𝐞𝐭𝐞 𝐤𝐚𝐭𝐚𝐤, 𝐓𝐚𝐢𝐬 𝐛𝐚́ 𝐦𝐚𝐧𝐞 𝐧𝐨 𝐥𝐢𝐚-𝐟𝐮𝐚𝐧 𝐁𝐞𝐭𝐞 𝐦𝐨́𝐬 𝐬𝐢𝐠𝐧𝐢𝐟𝐢𝐤𝐚 “𝐞𝐬𝐤𝐨𝐥𝐥𝐚 𝐤𝐚 𝐡𝐢𝐥𝐢”
𝟔. 𝐓𝐚𝐢𝐬 𝐬𝐢𝐠𝐧𝐢𝐟𝐢𝐤𝐚, 𝐭𝐚𝐢𝐬 𝐛𝐚́ 𝐟𝐞𝐭𝐨 𝐧𝐨 𝐥𝐢𝐚-𝐟𝐮𝐚𝐧 𝐓𝐚𝐢𝐬 𝐦𝐨́𝐬 𝐬𝐢𝐠𝐧𝐢𝐟𝐢𝐤𝐚 “𝐓𝐞𝐭𝐮”.
𝟕. 𝐁𝐚𝐧𝐮 𝐬𝐢𝐠𝐧𝐢𝐟𝐢𝐤𝐚, 𝐓𝐫𝐞𝐧𝐮 𝐧𝐞’𝐞𝐛𝐞́ 𝐤𝐞𝐬𝐢 𝐢𝐡𝐚 𝐚𝐢𝐧.
𝟖. 𝐒𝐮𝐧𝐢 𝐬𝐢𝐠𝐧𝐢𝐟𝐢𝐤𝐚 𝐬𝐮𝐫𝐢𝐤.
𝟗. 𝐒𝐞𝐧𝐞 𝐬𝐢𝐠𝐧𝐟𝐢𝐤𝐚, 𝐆𝐨𝐧𝐠 𝐦𝐚𝐤 𝐟𝐞𝐭𝐨 𝐬𝐢𝐫𝐚 𝐛𝐚𝐤𝐮 𝐮𝐳𝐚 𝐚𝐢. 𝐒𝐞𝐧𝐞 𝐡𝐚𝐦𝐮𝐭𝐮𝐤 𝐥𝐢𝐦𝐚 𝐡𝐚𝐟𝐚𝐡𝐞 𝐛𝐚́ 𝐩𝐚𝐫𝐭𝐞 𝐭𝐨𝐥𝐮 𝐦𝐚𝐤 𝐡𝐚𝐧𝐞𝐬𝐚𝐧: 𝐏𝐫𝐢𝐦𝐞𝐢𝐫𝐮, 𝐓𝐨𝐥𝐮𝐤 𝐦𝐚𝐤 𝐢𝐝𝐚 𝐝𝐞’𝐢𝐭 𝐢𝐡𝐚 𝐩𝐚𝐫𝐭𝐞 𝐤𝐚𝐫𝐮𝐤. 𝐈𝐡𝐚 𝐤𝐨𝐦𝐩𝐨𝐳𝐢𝐬𝐚𝐮𝐧 𝐦𝐮́𝐳𝐢𝐤𝐚 𝐤𝐚𝐫𝐢𝐤 𝐧𝐢𝐚 𝐧𝐮’𝐮𝐝𝐚́𝐫 𝐚𝐤𝐨𝐦𝐩𝐚𝐧̃𝐚𝐧𝐭𝐞 𝐡𝐨 𝐟𝐮𝐧𝐬𝐚𝐮𝐧 𝐚𝐭𝐮 𝐚𝐤𝐨𝐦𝐩𝐚𝐧̃𝐚 𝐧𝐨 𝐡𝐚𝐡𝐮́. 𝐒𝐞𝐠𝐮𝐧𝐝𝐮, 𝐊𝐛𝐨𝐥𝐚 𝐢𝐡𝐚 𝐫𝐮𝐚 𝐢𝐡𝐚 𝐤𝐥𝐚𝐫𝐚𝐧, 𝐢𝐡𝐚 𝐤𝐨𝐦𝐩𝐨𝐳𝐢𝐬𝐚𝐮𝐧 𝐦𝐮́𝐳𝐢𝐤𝐚 𝐤𝐚𝐫𝐢𝐤 𝐡𝐚𝐧𝐚𝐫𝐚𝐧 𝐦𝐞𝐥𝐨𝐝𝐢𝐚. 𝐓𝐞𝐫𝐬𝐞𝐢𝐫𝐮, 𝐎𝐭𝐞 𝐢𝐡𝐚 𝐫𝐮𝐚 𝐢𝐡𝐚 𝐩𝐚𝐫𝐭𝐞 𝐥𝐢𝐦𝐚𝐧 𝐥𝐨𝐨𝐬 𝐧𝐢𝐚𝐧, 𝐧𝐞’𝐞𝐛𝐞́ 𝐢𝐡𝐚 𝐤𝐨𝐦𝐩𝐨𝐳𝐢𝐬𝐚𝐮𝐧 𝐦𝐮́𝐳𝐢𝐤𝐚 𝐤𝐚𝐫𝐢𝐤 𝐡𝐚𝐧𝐚𝐫𝐚𝐧 𝐁𝐚𝐢𝐱𝐮.
𝟏𝟎. 𝐊𝐞’𝐞 𝐬𝐢𝐠𝐦𝐭𝐢𝐤𝐚, 𝐁𝐚𝐛𝐚𝐝𝐨𝐤. 𝐁𝐚𝐛𝐚𝐝𝐨𝐤 𝐧𝐞’𝐞 𝐢𝐝𝐚 𝐝𝐞’𝐢𝐭 𝐧𝐨 𝐬𝐢𝐫𝐚 𝐧𝐞’𝐞𝐛𝐞́ 𝐛𝐚𝐤𝐮 𝐧𝐞’𝐞 𝐤𝐨𝐦𝐩𝐨𝐬𝐭𝐮 𝐡𝐨𝐬𝐢 𝐠𝐫𝐮𝐩𝐮 𝐟𝐞𝐭𝐨 𝐡𝐚𝐡𝐮́ 𝐡𝐨𝐬𝐢 𝐧𝐚’𝐢𝐧 𝐫𝐮𝐚 𝐭𝐨’𝐨 𝐧𝐞𝐞𝐧 𝐧𝐨 𝐛𝐞𝐥𝐞 𝐥𝐢𝐮, 𝐡𝐨 𝐛𝐚𝐤𝐮 𝐭𝐮𝐢𝐫 𝐫𝐢𝐭𝐦𝐮 𝐬𝐞𝐧𝐞 𝐧𝐢𝐚𝐧 𝐭𝐫𝐨𝐤𝐚 𝐦𝐚𝐥𝐮.
Atoni-oan sira halo Bso’ot no Lelet ida-ne’e hodi hatudu ksolok ida ne’ebé laiha rohan, bainhira sira hetan vitória ruma, hosi luta ka funu ne’ebé naruk. Atoni-oan sira mós halo kultura Bso’ot no Lelet, bainhira iha atividade importante sira mak hanesan: Iha tempu fase-matan bá bebé ne’ebé foin moris, Iha momentu hafolin feto, iha momentu halouma lulik no iha momentu simu bainaka importante iha eventu ruma.
Ema hamutuk rua nulu resin hitu (27) ka bele liu, kompostu hosi feto no mane mak involve iha toka Bso’ot no Lelet ida-ne’e.
Iha oportunidade ida ne’e sira tebe hodi forma letra hamutuk haat mak hanesan: Letra A sigla, Atoni, Letra O sigla Oecusse no Letra T no L sigla Timor-Leste.
Kona-bá kultura Bijo Meto. Lia-fuan “Bijo Meto” mai hosi lian Baikenu ho lia-fuan badak rua maka hanesan Bijol katak Biola no Meto katak Atoni-oan, nune’e lia-fuan Bijo Meto signifika katak Atoni-oan sira nia Biola.
Hanesan mós tipu múzika tradisionál ida hosi Rejiaun Administrativa Espesiál-Oecusse Ambeno, ne’ebé halo hosi ai maran ne’ebé mamar, hodi bele eskulpidu.
Bijo meto iha de’it tali hamutuk haat. Bai-bain Atoni-oan sira toka Bijo Meto, alende halo animasaun, nune’e mós hodi fó Bem-Vindo ka bolu ema hotu-hotu atu mai hamutuk, hodi hahú serimónia importante ruma.
Ema hamutuk sanulu resin rua (12) ka bele mós liu kompostu hosi feto no mane mak involve iha toka múzika tradisionál Bijo Meto ida-ne’e.
Partisipa iha sesaun loron da-toluk ne’e mak hanesan Primeiru-Ministru (PM), Kay Rala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, membru Governu sira, reprezentante Komunidade Portugueza hosi Malaca (Malázia), Burghers Portugu ezes hosi Batticaloa (Sri Lanka), Bayingyis hosi Vale Mu (Mianmar), Paróquia sira hosi Conceição, Sta. Cruz no Nossa Senhora do Rosário (Tailândia), Macau (China), Goa (Índia), Tugu Mardijkers hosi Jakarta no Larantuqueiros ka Topasses hosi illa Flores nian (Indonézia).
Konferênsia ne’e mós halibur akadémiku sira, investigadór sira, líder kulturál sira, artista no dignitáriu mai-hosi mundu luzófonu hodi partilla rezultadu hosi sira-nia estudu no diversas esperiénsias inklui estudante hosi Universidade sira iha Dili no konvidadu sira.
(Média-GPM)