𝐉𝐀𝐍𝐓𝐀𝐑 𝐁𝐎𝐀𝐒 𝐕𝐈𝐍𝐃𝐀𝐒 𝐁𝐀́ 𝐏𝐀𝐑𝐓𝐈𝐒𝐈𝐏𝐀𝐍𝐓𝐄 𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐁𝐀́ 𝐃𝐀𝐋𝐀-𝐇𝐀𝐀𝐓

DILI, 27 Juñu 2025
Primeiru-Ministru (PM), Kay Rala Xanana Gusmão partisipa iha jantar boas vindas ne’ebé oferese hosi Governu Timor-Leste bá partisipante sira Konferénsia Komunidade Luzo-Aziátika (APCC) bá dala-haat iha JL World, sesta (27/06/2025).
Partisipa iha serimonia ne’e mós Prezidente Republika (PR), José Romos-Horta, Prezidente Parlamentu Nasionál (PN), Maria Fernanda Lay, Prezidente Tribunál Rekursu (PTR), Afonso Carmona, Membru Governu no korpu diplomátiku.
Partisipante sira Konferénsia APCC mak hanesan reprezentante Komunidade Portugueza Malaca (Malázia), Burghers Portuguezes hosi Batticaloa (Sri Lanka), Bayingyis hosi Vale Mu (Mianmar), Paróquia sira hosi Conceição, Sta. Cruz no Nossa Senhora do Rosário (Tailândia), Macau (China), Goa (Índia), Tugu Mardijkers hosi Jakarta no Larantuqueiros ka Topasses hosi illa Flores nian (Indonézia).
Alendé ne’e iha mós akadémiku sira, investigadór sira, líder kulturál sira, artista no dignitáriu mai-hosi mundu luzófonu.
Iha okaziaun ne’e mós bainaka sira oferese sira-nia prezente hosi kada nasaun bá Primeiru-Ministru, nu’udár lembransa kulturál família boot Komunidade Luzo-Aziátika.

Link Facebook (Media-GPM)