𝐊𝐎𝐍𝐅𝐄𝐑𝐄́𝐍𝐒𝐈𝐀 𝐀𝐏𝐂𝐂 𝐃𝐀-𝐇𝐀𝐀𝐓, 𝐋𝐎𝐑𝐎𝐍 𝐈𝐊𝐔𝐒

DILI, 29 Juñu 2025
Konferénsia Komunidade Luzo-Aziátika (APCC) bá dala-haat iha Díli, loron da-toluk ka loron ikus, domingu (29/06/2025) ho oradór sira mak hanesan Professór Doutór Daya Wijaya hosi Universidade Estatal de Malang – investigadór da expansão portuguesa no arquipélago indonézio ne’ebé ko’alia kona-bá “Kampung Tugu na Encruzilhada Cultural Global”.
Oradór sira iha Meza Redonda mak hanesan, Guido Quiko, reprezentante Komunidade Tugu no líder grupu “Keroncong Tugu Cafrinho”. Professór Doutór Daya Wijaya hanesan autór teze doutoramentu kona-bá Komunidade Tugu. Doutór Joaquim Magalhães de Castro hanesan Historiadór no investigadór kona-bá komunidade Tugu Jakarta parte Norte. Moderadora bá meza redonda ne’e maka Ana Gomes, Embaixadora Portugál iha Indonézia períudu tinan 2000 no 2003.
Iha mós sesaun ikus ka sesaun da-limak ho oaradór Professora Doutora Maria Alice Viola nu’udár antropóloga no investigadora kona-bá populasaun hosi Sudeste Aziátiku, ne’ebé ko’alia kona-bá “Prezensa Portuguesas Iha Illa Solor-Flores-Timor”.
Kontinuasaun meza redonda ho oradór sira mak hanesan Honorius Quintus Ebang, reprezentante Komunidade Sica, Flores Indonézia, António da Costa, reprezentante komunidade Oecusse, Timor-Leste, Professora Doutora Maria Alice Viola, no moderadora Ana Gomes Embaixadora Portugál bá Indonézia períudu tinan 2000 no 2003.
Partisipa iha sesaun loron da-toluk ne’e mak hanesan Primeiru-Ministru (PM), Kay Rala Xanana Gusmão, Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, membru Governu sira, reprezentante Komunidade Portugueza hosi Malaca (Malázia), Burghers Portugu ezes hosi Batticaloa (Sri Lanka), Bayingyis hosi Vale Mu (Mianmar), Paróquia sira hosi Conceição, Sta. Cruz no Nossa Senhora do Rosário (Tailândia), Macau (China), Goa (Índia), Tugu Mardijkers hosi Jakarta no Larantuqueiros ka Topasses hosi illa Flores nian (Indonézia).
Konferênsia ne’e mós halibur akadémiku sira, investigadór sira, líder kulturál sira, artista no dignitáriu mai-hosi mundu luzófonu hodi partilla rezultadu hosi sira-nia estudu no diversas esperiénsias inklui estudante hosi Universidade sira iha Dili no konvidadu sira.

Link Facebook (Média-GPM)