𝐏𝐀𝐑𝐀𝐃𝐄 𝐎𝐒𝐄𝐀𝐍𝐔 𝟐𝟎𝟐𝟓-𝐅𝐄𝐈𝐑𝐀 𝐆𝐀𝐒𝐓𝐑𝐎𝐍𝐎𝐌𝐈𝐀, 𝐌𝐎𝐌𝐄𝐍𝐓𝐔 𝐈𝐌𝐏𝐎𝐑𝐓𝐀𝐍𝐓𝐄 𝐀𝐓𝐔 𝐄𝐃𝐔𝐊𝐀 𝐏𝐎𝐕𝐔 𝐇𝐀𝐃𝐎𝐌𝐈 𝐀𝐌𝐁𝐈𝐄𝐍𝐓𝐄

DILI, 07 Juñu 2025
Prezidente Repúblika (PR), José Ramos-Horta apresia ho inisiativa Governu ne’ebé realiza eventu Parade Oseanu 2025 no mós feira Gastronomia nu’udár momentu importante atu halo edukasaun sívika bá populasaun, hodi bele iha sentimentu domin bá ambiente liu-liu tasi.
PR Ramos-Horta hato’o apresiasaun ne’e iha abertura Parade Oseanu 2025 ne’ebé hahú iha Ministériu Negósiu Estranjeiru no Kooperasaun (MNEK), Praia dos Coqueiros bá to’o iha Portu Díli, sábadu (07/06/2025).
“𝐎𝐡𝐢𝐧 𝐧𝐞’𝐞 𝐥𝐨𝐫𝐨𝐧 𝐛𝐨𝐨𝐭 𝐧𝐨 𝐢𝐦𝐩𝐨𝐫𝐭𝐚𝐧𝐭𝐞 𝐭𝐞𝐛𝐭𝐞𝐛𝐞𝐬 𝐭𝐚𝐧𝐛𝐚 𝐣𝐨𝐯𝐞𝐧 𝐬𝐢𝐫𝐚 𝐦𝐚𝐢-𝐡𝐨𝐬𝐢 𝐤𝐨𝐦𝐮𝐧𝐢𝐝𝐝𝐞, 𝐦𝐚𝐢-𝐡𝐨𝐬𝐢 𝐦𝐮𝐧𝐬𝐢́𝐩𝐢𝐮 𝐡𝐨𝐝𝐢 𝐤𝐫𝐢𝐚 𝐧𝐨 𝐡𝐚𝐭𝐮𝐝𝐮 𝐚𝐭𝐢𝐯𝐢𝐝𝐚𝐝𝐞 𝐨𝐢𝐨𝐢𝐧, 𝐡𝐚𝐭𝐮𝐝𝐮 𝐤𝐫𝐞𝐚𝐭𝐢𝐯𝐢𝐝𝐚𝐝𝐞 𝐧𝐨 𝐯𝐢𝐳𝐚𝐮𝐧 𝐝𝐢’𝐚𝐤, 𝐡𝐚𝐭𝐮𝐝𝐮 𝐝𝐨𝐦𝐢𝐧 𝐛𝐚́ 𝐢𝐭𝐚-𝐧𝐢𝐚 𝐭𝐚𝐬𝐢 𝐧𝐨 𝐧𝐚𝐭𝐮𝐫𝐞𝐳𝐚. 𝐀𝐩𝐫𝐞𝐬𝐢𝐚 𝐡𝐨 𝐢𝐧𝐢𝐬𝐢𝐚𝐭𝐢𝐯𝐚 𝐆𝐨𝐯𝐞𝐫𝐧𝐮 𝐧𝐢𝐚𝐧 𝐭𝐚𝐧𝐛𝐚 𝐞𝐯𝐞𝐧𝐭𝐮 𝐢𝐝𝐚-𝐧𝐞’𝐞, 𝐤𝐚𝐝𝐚 𝐭𝐢𝐧𝐚𝐧 𝐢𝐭𝐚 𝐡𝐚𝐥𝐨 𝐡𝐨𝐝𝐢 𝐞𝐝𝐮𝐤𝐚 𝐩𝐨𝐯𝐮, 𝐣𝐨𝐯𝐞𝐧 𝐧𝐨 𝐥𝐚𝐛𝐚𝐫𝐢𝐤 𝐬𝐢𝐫𝐚 𝐚𝐭𝐮 𝐡𝐚𝐝𝐨𝐦𝐢 𝐧𝐚𝐭𝐮𝐫𝐞𝐳𝐚 𝐭𝐨𝐦𝐚𝐤, 𝐡𝐚𝐝𝐨𝐦𝐢 𝐭𝐚𝐬𝐢,” Ramos-Horta apresia.
Prezidente Repúblika husu katak, bainhira hadomi tasi signifika labele so’e lixu arbiru iha mota laran no estrada sira tanba mota tuun lori hotu lixu sira bá tasi hodi estraga no oho tiha ikan sira inklui ai-horis iha tasi laran.
Xefe Estadu fó-hanoin katak, tasi Timor iha ninia riku-soin ne’ebé boot, iha ikan ho kualidade lubuk ida inklui iha korál oioin. Bainhira la tau-matan maka loron ruma sei mate hotu.
Apela mós bá populasaun atu labele tesi ai arbiru, labele oho animál fuik sira. Husu atu so‘e tiha fiska, so‘e tiha kilat anin no labele tiru manu fuik sira iha ai-laran. Labele kaer meda ho loriku hodi bá fa‘an. Hatoman-an kuda ai iha uma oin, uma sorin no uma kotuk.
“𝐀𝐩𝐞𝐥𝐚 𝐛𝐚́ 𝐞𝐬𝐤𝐨𝐥𝐚 𝐬𝐢𝐫𝐚 𝐚𝐭𝐮 𝐡𝐚𝐧𝐨𝐫𝐢𝐧 𝐞𝐬𝐭𝐮𝐝𝐚𝐧𝐭𝐞 𝐬𝐢𝐫𝐚 𝐤𝐮𝐝𝐚 𝐚𝐢-𝐨𝐚𝐧 𝐢𝐡𝐚 𝐚𝐫𝐫𝐞𝐝𝐨́𝐫 𝐞𝐬𝐤𝐨𝐥𝐚 𝐧𝐢𝐚𝐧, 𝐤𝐮𝐝𝐚 𝐦𝐨𝐝𝐨 𝐨𝐢𝐨𝐢𝐧 𝐧𝐞‘𝐞𝐛𝐞́ 𝐛𝐞𝐥𝐞 𝐟𝐨́ 𝐧𝐮𝐭𝐫𝐢𝐬𝐚𝐮𝐧 𝐝𝐢‘𝐚𝐤 𝐛𝐚́ 𝐞𝐬𝐭𝐮𝐝𝐚𝐧𝐭𝐞 𝐬𝐢𝐫𝐚. 𝐊𝐮𝐝𝐚 𝐚𝐢-𝐟𝐮𝐚𝐧, 𝐚𝐢-𝐟𝐮𝐧𝐚𝐧 𝐧𝐨 𝐚𝐢-𝐡𝐨𝐫𝐢𝐬 𝐨𝐢𝐨𝐢𝐧 𝐚𝐭𝐮 𝐛𝐞𝐥𝐞 𝐩𝐫𝐨𝐭𝐞𝐣𝐞 𝐚𝐦𝐛𝐢𝐞𝐧𝐭𝐞 𝐡𝐨𝐬𝐢 𝐫𝐚𝐢-𝐡𝐚𝐥𝐚𝐢. 𝐈𝐝𝐚-𝐧𝐞‘𝐞 𝐦𝐚𝐤 𝐦𝐞𝐧𝐬𝐚𝐳𝐞𝐧 𝐛𝐚́ 𝐦𝐞𝐢𝐮 𝐚𝐦𝐛𝐢𝐞𝐧𝐭𝐞 𝐛𝐚́ 𝐧𝐚𝐭𝐮𝐫𝐞𝐳𝐚,” Xefe Estadu apela bá eskola sira.
Hanesan Prezidente Repúblika, hakarak hato‘o parabéns bá Governu ne‘ebé mai ho inisiativa di‘ak ida-ne’e no husu atu kontinua konsiensializa populasaun atu hadomi natureza liu-liu tasi.
Iha oportunidade abertura feira Gastronomia ne’ebé hala’o iha Portu Dili, Primeiru-Ministru (PM), Kay Rala Xanana Gusmão kontente tanba parade hosi tasi-ibun mai to‘o iha Portu Dili iha partisipasaun másimu no kapás hosi joven sira, estudante universitáriu hosi Universidade balun iha Dili, hatudu katak joven sira komesa preokupa ho sira-nia futuru rasik.
“𝐆𝐨𝐯𝐞𝐫𝐧𝐮 𝐨𝐫𝐠𝐚𝐧𝐢𝐳𝐚 𝐬𝐞𝐫𝐢𝐦𝐨́𝐧𝐢𝐚 𝐢𝐝𝐚-𝐧𝐞’𝐞 𝐥𝐚’𝐨́𝐬 𝐚𝐭𝐮 𝐝𝐞𝐡𝐚𝐧 𝐤𝐚𝐭𝐚𝐤 𝐆𝐨𝐯𝐞𝐫𝐧𝐮 𝐦𝐚𝐭𝐞𝐧𝐞𝐤 𝐦𝐚𝐢𝐛𝐞́ 𝐚𝐭𝐮 𝐟𝐨́- 𝐡𝐚𝐧𝐨𝐢𝐧 𝐛𝐚́ 𝐣𝐨𝐯𝐞𝐧 𝐬𝐢𝐫𝐚, 𝐥𝐢𝐮-𝐥𝐢𝐮 𝐛𝐚́ 𝐥𝐚𝐛𝐚𝐫𝐢𝐤 𝐬𝐢𝐫𝐚 𝐤𝐚𝐭𝐚𝐤, 𝐛𝐚𝐢𝐧𝐡𝐢𝐫𝐚 𝐢𝐭𝐚 𝐥𝐚 𝐤𝐮𝐢𝐝𝐚𝐝𝐮 𝐢𝐭𝐚-𝐧𝐢𝐚 𝐭𝐚𝐬𝐢 𝐡𝐚𝐡𝐮́ 𝐚𝐠𝐨𝐫𝐚 𝐦𝐚𝐤𝐚 𝐢𝐦𝐢-𝐧𝐢𝐚 𝐟𝐮𝐭𝐮𝐫𝐮 𝐬𝐞𝐢 𝐬𝐮𝐬𝐚𝐫 𝐭𝐞𝐛𝐭𝐞𝐛𝐞𝐬. 𝐒𝐚𝐢𝐝𝐚 𝐦𝐚𝐤 𝐢𝐭𝐚 𝐡𝐚𝐥𝐨 𝐚𝐠𝐨𝐫𝐚 𝐥𝐚’𝐨́𝐬 𝐛𝐚́ 𝐤𝐚𝐭𝐮𝐚𝐬 𝐬𝐢𝐫𝐚, 𝐦𝐚𝐢𝐛𝐞́ 𝐛𝐚 𝐢𝐦𝐢-𝐧𝐢𝐚 𝐟𝐮𝐭𝐮𝐫𝐮,” PM Xanana hateten.
Ohin loron mundu tomak no ema hotu-hotu preokupa no sente hela mudansa klimátika, ne‘e tanba ema nia hahalok ne‘ebé la hadomi ambiente.
Tanba ne’e, saida mak Governu halo iha-ne‘e durante semana ida, la halo mesak maibé halo hamutuk ho mundu tomak, tanba mundu tomak mós preokupa ho mudansa klimátika.
“𝐇𝐮𝐬𝐮 𝐧𝐚𝐟𝐚𝐭𝐢𝐧 𝐛𝐚́ 𝐣𝐨𝐯𝐞𝐧 𝐧𝐨 𝐥𝐚𝐛𝐚𝐫𝐢𝐤 𝐬𝐢𝐫𝐚 𝐤𝐚𝐭𝐚𝐤, 𝐛𝐚𝐢𝐧𝐡𝐢𝐫𝐚 𝐢𝐭𝐚 𝐤𝐨‘𝐚𝐥𝐢𝐚 𝐤𝐨𝐧𝐚-𝐛𝐚́ 𝐡𝐚’𝐮-𝐧𝐢𝐚 𝐭𝐚𝐬𝐢 𝐡𝐚’𝐮-𝐧𝐢𝐚 -𝐓𝐢𝐦𝐨𝐫, 𝐢𝐭𝐚 𝐥𝐚 𝐤𝐮𝐢𝐝𝐚𝐮 𝐢𝐭𝐚-𝐧𝐢𝐚 𝐭𝐚𝐬𝐢 𝐦𝐚𝐤𝐚 𝐓𝐢𝐦𝐨𝐫 𝐬𝐞𝐢 𝐥𝐚𝐤𝐨𝐧,” Xanana Gusmão fó-hanoin.
Serimonia durante semana ida nia laran atu haburas konsiénsia povu nian atu hadomi ambiente, hodi promove uzu sustentável rekursu tasi.
Karavana Oseanu 2025 realiza tanba servisu hamutuk entre Ministériu Turizmu no Ambiente Diresaun Nasionál Emprendimentus Atividades no Produtus Turistikus ho Gabinete Fronteira Maritima no Terrestre.
Partisipa iha Karavana ne’e Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, Ministru Komérsiu no Indústria, Filipus Nino Pereira, Vise-Ministru Komérsiu, Augusto Júnior Trindade no membru Governu sira, grupu kulinária mai-hosi munisípiu sira ne’ebé halo mós espozisaun bá hahán tasi nian iha Portu Dili.
Grupu kulinária Timoroan sira propoin bá Governu atu trasa polítika ida hodi promove hahán lokál ne’ebé iha kualidade aas iha merkadu no restaurante sira.
Atividade sira ne’e hotu nakloke bá públiku no dezeña atu involve eskola sira, foin-sa’e, autoridade lokál, sosiedade sivíl, parseiru dezenvolvimentu, seitór privadu no públiku en-jerál.
Governu Timor-Leste konvida sidadaun no rezidente hotu-hotu atu partisipa ativamente iha Semana Mundiál Oseanu 2025, hodi hasa’e konxiénsia, halo asaun kolektiva no selebra ekosistema no biodiversidade tasi ne’ebé úniku iha nasaun ne’e.

LINK facebook (Média-GPM)