𝐏𝐌 𝐗𝐀𝐍𝐀𝐍𝐀 𝐀𝐏𝐑𝐄𝐒𝐈𝐀 𝐇𝐎 𝐅𝐄𝐒𝐓𝐈𝐕𝐀́𝐋 𝐓𝐀𝐒𝐈𝐅𝐄𝐒𝐓 𝐍𝐄’𝐄𝐁𝐄́ 𝐏𝐑𝐎𝐌𝐎𝐕𝐄 𝐓𝐔𝐑𝐈𝐙𝐌𝐔 𝐍𝐎 𝐊𝐎𝐍𝐒𝐄𝐑𝐕𝐀 𝐓𝐀𝐒𝐈

DILI, 04 Juñu 2025
Primeiru-Ministru (PM), Kay Rala Xanana Gusmão apresia ho empreza Even2u ne’ebé organiza festivál TasiFest hodi promove Turizmu no konserva Tasi Timor.
Apresisasaun ne’e Primeiru-Ministru espresa bainhira hasoru-malu ho empreza Even2u hamutuk ho artista internasionál sira ne’ebé sei anima festivál TasiFest 2025 iha Tasi-tolu, Dili.
Festival TasiFest organiza hosi empreza Even2u konvida artista internasionál sira hanesan Anji ho Nadia vega hosi Indonézia no mós Rui Orlando hosi Ángola. Artista sira ne’e sei anima Timoroan sira iha Tasi-tolu, kinta (05/06/2025).
Diretór Ezekutivu Even2u, Luis Simões haktuir, festivál TasiFest foku bá sustentabilidade hodi lori artista internasionál ho intensaun atu konsiensializa sidadaun sira atu hamenus lixu, konservasaun tasi ho riku-soin sira seluk tán.
Inisiativa ne’e refleta mós ho esforsu Governu nian liu-hosi Gabinete Primeiru-Ministru no Gabinete Fronteira Maritima no Terrestre hala’o ona servisu maka’as oinsá prezerva tasi no TasiFest nu’udár seitór privadu ida hakarak ajuda Governu hodi proteje, no promove turizmu Timor bá mundu.
“𝐀𝐫𝐭𝐢𝐬𝐭𝐚 𝐬𝐢𝐫𝐚 𝐧𝐞’𝐞𝐛𝐞́ 𝐦𝐚𝐢 𝐬𝐞𝐢 𝐡𝐚𝐥𝐨 𝐩𝐫𝐨𝐦𝐨𝐬𝐚𝐮𝐧 𝐓𝐮𝐫𝐢𝐳𝐦𝐮 𝐥𝐢𝐮-𝐡𝐨𝐬𝐢 𝐬𝐢𝐫𝐚-𝐧𝐢𝐚 𝐦𝐞́𝐝𝐢𝐚 𝐬𝐨𝐬𝐢𝐚́𝐥. 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐚𝐠𝐫𝐚𝐝𝐞𝐬𝐞 𝐭𝐞𝐛𝐞𝐬 𝐛𝐞𝐥𝐞 𝐨𝐫𝐠𝐚𝐧𝐢𝐳𝐚 𝐞𝐯𝐞𝐧𝐭𝐮 𝐧𝐞’𝐞 𝐭𝐚𝐧𝐛𝐚 𝐧𝐢𝐚 𝐦𝐨́𝐬 𝐬𝐞𝐧𝐭𝐞 𝐤𝐚𝐭𝐚𝐤 𝐬𝐞𝐢𝐭𝐨́𝐫 𝐩𝐫𝐢𝐯𝐚𝐝𝐮 𝐡𝐚𝐥𝐨 𝐩𝐚𝐫𝐭𝐞. 𝐆𝐨𝐯𝐞𝐫𝐧𝐮 𝐧𝐚𝐟𝐚𝐭𝐢𝐧 𝐚𝐩𝐨𝐢𝐚 𝐬𝐞𝐢𝐭𝐨́𝐫 𝐩𝐫𝐢𝐯𝐚𝐝𝐮 𝐚𝐭𝐮 𝐩𝐫𝐨𝐦𝐨𝐭𝐞 𝐭𝐮𝐫𝐢𝐳𝐦𝐮 𝐓𝐢𝐦𝐨𝐫-𝐋𝐞𝐬𝐭𝐞 𝐛𝐚́ 𝐦𝐮𝐧𝐝𝐮. 𝐀𝐦𝐢 𝐦𝐨́𝐬 𝐤𝐨’𝐚𝐥𝐢𝐚 𝐨𝐢𝐭𝐨𝐚𝐧 𝐤𝐨𝐧𝐚-𝐛𝐚́ 𝐤𝐨𝐧𝐬𝐞𝐫𝐯𝐚𝐬𝐚𝐮𝐧 𝐭𝐚𝐬𝐢,” Luis Simões hateten iha Palásiu Governu, kuarta (04/06/2025).
Artista internasionál sira ne’e kontente tebes tanba bele hasoru-malu ho líder nasionál Kay Rala Xanana Gusmão ne’ebé gosta anima ema seluk.
Festivál TasiFest kada tinan realiza hosi empreza Even2u ne’ebé konvida artista internasionál sira hodi anima Timoroan sira no halo promosaun kona-bá Timor-Leste bá mundu.

link facebook (Média-GPM)