𝐏𝐌 𝐗𝐀𝐍𝐀𝐍𝐀 𝐄𝐍𝐊𝐎𝐑𝐀𝐙𝐀 𝐌𝐄𝐌𝐁𝐑𝐔 𝐆𝐎𝐕𝐄𝐑𝐍𝐔 𝐒𝐈𝐑𝐀 𝐀𝐒𝐄𝐆𝐔𝐑𝐀 𝐀𝐃𝐄𝐙𝐀𝐔𝐍 𝐈𝐒𝐓𝐎́𝐑𝐈𝐊𝐀 𝐓𝐋 𝐁𝐀́ 𝐀𝐒𝐄𝐀𝐍

DILI, 16 Juñu 2025
Primeiru-Ministru (PM), Kay Rala Xanana Gusmão enkoraza membru Governu sira atu asegura adezaun istórika Timor-Leste (TL) nian bá Association of Southeast Asian Nations (ASEAN) iha outubru 2025.
Primeiru-Ministru enkoraza ne’e liu-hosi diskursu abertura iha okaziaun reuniaun interministeriál koordenasaun, haktuir deklarasaun hosi Prezidente ASEAN
iha Simeira ASEAN bá dala-46 iha Malázia foin lalais ne’e.
“𝐇𝐚’𝐮 𝐤𝐨𝐧𝐭𝐚 𝐡𝐨 𝐢𝐦𝐢 𝐡𝐨𝐭𝐮-𝐡𝐨𝐭𝐮 𝐚𝐭𝐮 𝐢𝐭𝐚 𝐛𝐞𝐥𝐞 𝐠𝐚𝐫𝐚𝐧𝐭𝐞 𝐬𝐮𝐬𝐞𝐬𝐬𝐮 𝐢𝐡𝐚 𝐩𝐫𝐢𝐦𝐞𝐢𝐫𝐚 𝐑𝐞𝐮𝐧𝐢𝐚𝐮𝐧 𝐈𝐧𝐭𝐞𝐫𝐦𝐢𝐧𝐢𝐬𝐭𝐞𝐫𝐢𝐚́𝐥 𝐛𝐚́ 𝐊𝐨𝐨𝐫𝐝𝐞𝐧𝐚𝐬𝐚𝐮𝐧 𝐧𝐞‘𝐞. 𝐌𝐚𝐢 𝐢𝐭𝐚 𝐤𝐨𝐧𝐤𝐨𝐫𝐝𝐚-𝐦𝐚𝐥𝐮 𝐢𝐡𝐚 𝐩𝐫𝐨́𝐬𝐢𝐦𝐮 𝐩𝐚𝐬𝐬𝐮 𝐤𝐨𝐧𝐤𝐫𝐞𝐭𝐮 𝐬𝐢𝐫𝐚 𝐡𝐨𝐝𝐢 𝐚𝐬𝐬𝐞𝐠𝐮𝐫𝐚 𝐢𝐭𝐚-𝐧𝐢𝐚 𝐚𝐝𝐞𝐳𝐚𝐮𝐧 𝐢𝐬𝐭𝐨́𝐫𝐢𝐤𝐚 𝐛𝐚́ 𝐀𝐒𝐄𝐀𝐍,” PM Xanana hateten iha Salaun Nobre, MNEK Díli, segunda (16/06/2025).
Xefe Governu ho laran haksolok bo’ot hato’o boas-vindas bá membru Governu hotu-hotu iha primeira Reuniaun Interministeriál bá Koordenasaun ida-ne’e tanba reuniaun ne’e akontese iha momentu ida ne’ebé importante tebes iha istória nasionál TL nian.
Iha 26 maiu liu-bá, iha Simeira ASEAN bá dala-46 iha Kuala Lumpur, deside tiha ona katak sei simu Timor-Leste hanesan Estadu-Membru ASEAN bá dala-11 iha Simeira ASEAN bá dala-47, ne’ebé sei hala’o iha outubru 2025.
Xanana Gusmão konsidera desizaun istórika ne’e hanesan rezultadu hosi dedikasaun, kompromissu no traballu durante tinan barak hosi parte Governu, hosi instituisaun sira no liu-liu hosi povu Timor-Leste. Ne’e hanesan konkista bo’ot ida iha nasaun TL nia moris.
Reflete mós konfiansa ho apoiu hosi nasaun viziñu sira hosi ASEAN ho sira-nia líder sira.
“𝐈𝐭𝐚 𝐢𝐡𝐚 𝐫𝐚𝐳𝐚𝐮𝐧 𝐭𝐨𝐦𝐚𝐤 𝐚𝐭𝐮 𝐬𝐞𝐥𝐞𝐛𝐫𝐚 𝐤𝐨𝐧𝐤𝐢𝐬𝐭𝐚 𝐢𝐝𝐚-𝐧𝐞’𝐞, 𝐦𝐚𝐢𝐛𝐞́ 𝐢𝐭𝐚 𝐦𝐨́𝐬 𝐭𝐞𝐧𝐤𝐞 𝐫𝐞𝐤𝐨𝐧̃𝐞𝐬𝐞 𝐤𝐚𝐭𝐚𝐤 𝐤𝐨𝐧𝐤𝐢𝐬𝐭𝐚 𝐧𝐞’𝐞 𝐦𝐚𝐫𝐤𝐚 𝐢𝐧𝐢́𝐬𝐢𝐮 𝐡𝐨𝐬𝐢 𝐩𝐞𝐫𝐢́𝐮𝐝𝐮 𝐢𝐝𝐚 𝐧𝐞’𝐞𝐛𝐞́ 𝐞𝐣𝐢𝐳𝐞𝐧𝐭𝐞 𝐥𝐢𝐮-𝐭𝐚́𝐧. 𝐇𝐨𝐬𝐢 𝐚𝐠𝐨𝐫𝐚 𝐭𝐨’𝐨 𝐨𝐮𝐭𝐮𝐛𝐫𝐮, 𝐢𝐭𝐚 𝐭𝐞𝐧𝐤𝐞 𝐦𝐞𝐧𝐭𝐞𝐢𝐧 𝐟𝐨𝐤𝐮 𝐡𝐨 𝐤𝐨𝐨𝐫𝐝𝐞𝐧𝐚𝐬𝐚𝐮𝐧 𝐡𝐨𝐝𝐢 𝐠𝐚𝐫𝐚𝐧𝐭𝐞 𝐤𝐚𝐭𝐚𝐤 𝐢𝐭𝐚 𝐡𝐨𝐭𝐮 𝐩𝐫𝐨𝐧𝐭𝐮 𝐨𝐧𝐚 𝐚𝐭𝐮 𝐬𝐚𝐢 𝐦𝐞𝐦𝐛𝐫𝐮 𝐀𝐒𝐄𝐀𝐍 𝐛𝐚́ 𝐝𝐚𝐥𝐚-𝟏𝟏,” PM Xanana hateten.
Iha Simeira ASEAN bá dala-46 iha Kuala Lumpur, ezije bá Timor-Leste atu kumpri passu sira prosessuál nesessáriu bá adezaun no atu aselera negosiasaun sira kona-bá akordu ekonómiku essensiál sira. Ne’e sei ezije esforsu sériu. Sei ezije uniaun, foku ho forte sentidu urjénsia.
“𝐇𝐚’𝐮 𝐚𝐩𝐞𝐥𝐚 𝐛𝐚́ 𝐢𝐦𝐢 𝐡𝐨𝐭𝐮, 𝐌𝐢𝐧𝐢𝐬𝐭𝐫𝐮 𝐬𝐢𝐫𝐚, 𝐕𝐢𝐬𝐞-𝐌𝐢𝐧𝐢𝐬𝐭𝐫𝐮, 𝐒𝐞𝐤𝐫𝐞𝐭𝐚́𝐫𝐢𝐮 𝐄𝐬𝐭𝐚𝐝𝐮 𝐧𝐨 𝐞𝐤𝐢𝐩𝐚 𝐭𝐞́𝐤𝐧𝐢𝐤𝐚 𝐬𝐢𝐫𝐚 𝐚𝐭𝐮 𝐡𝐚𝐥𝐚’𝐨 𝐦𝐢𝐬𝐬𝐚𝐮𝐧 𝐧𝐞’𝐞 𝐡𝐨 𝐝𝐢𝐬𝐢𝐩𝐥𝐢𝐧𝐚 𝐧𝐨 𝐝𝐞𝐭𝐞𝐫𝐦𝐢𝐧𝐚𝐬𝐚𝐮𝐧. 𝐈𝐭𝐚 𝐬𝐞𝐢 𝐥𝐚 𝐭𝐨𝐥𝐞𝐫𝐚 𝐚𝐭𝐫𝐚𝐳𝐮 𝐤𝐚 𝐤𝐨𝐦𝐩𝐥𝐚𝐬𝐞̂𝐧𝐬𝐢𝐚,” Xefe Governu apela.
Governu tenke garante katak, Grupu Traballu Interministeriál ASEAN nian ne‘e ho rede pontu fokál sira iha kada ministériu, hotu-hotu kapasitadu, iha meiu no bele servisu hamutuk.
ASEAN depozita ona konfiansa iha Timor-Leste no iha membru Governu hotu-hotu ne‘ebé marka prezensa iha-ne‘e. Fundamentál tebes atu fó onra konfiansa ne‘e no hatudu katak Timor-Leste prontu atu kontribui bá rejiaun ne’e.
Adezaun bá ASEAN la hanesan de’it objetivu ida hosi polítika esterna, maibé prioridade nasionál bá dezenvolvimentu Timor-Leste nian. Involve seitór hotu-hotu komérsiu no investimentu, saúde ho edukasaun, oportunidade ekonómika, seguransa, dezenvolvimentu sosiál no kultura.
Integrasaun TL iha ASEAN hanesan dalan ida bá ekonomia ida ne’ebé forte-liu no moris di’ak-liu bá povu ne’e.
“𝐈𝐭𝐚 𝐬𝐞𝐢 𝐥𝐚 𝐬𝐞𝐫𝐯𝐢𝐬𝐮 𝐝𝐞’𝐢𝐭 𝐛𝐚́ 𝐚𝐝𝐞𝐳𝐚𝐮𝐧, 𝐦𝐚𝐢𝐛𝐞́ 𝐦𝐨́𝐬 𝐛𝐚́ 𝐩𝐚𝐫𝐭𝐢𝐬𝐢𝐩𝐚𝐬𝐚𝐮𝐧 𝐝𝐮𝐫𝐚𝐝𝐨𝐮𝐫𝐚. 𝐅𝐢𝐚𝐫 𝐤𝐚𝐭𝐚𝐤 𝐢𝐭𝐚 𝐛𝐞𝐥𝐞 𝐬𝐚𝐢 𝐦𝐞𝐦𝐛𝐫𝐮 𝐢𝐝𝐚 𝐧𝐞’𝐞𝐛𝐞́ 𝐚𝐤𝐫𝐞𝐬𝐞𝐧𝐭𝐚 𝐯𝐚𝐥𝐨́𝐫 𝐧𝐨 𝐚𝐣𝐮𝐝𝐚 𝐡𝐚𝐝𝐢’𝐚 𝐢𝐭𝐚-𝐧𝐢𝐚 𝐫𝐞𝐣𝐢𝐚𝐮𝐧 𝐧𝐢𝐚 𝐟𝐮𝐭𝐮𝐫𝐮. 𝐇𝐚𝐦𝐮𝐭𝐮𝐤, 𝐢𝐭𝐚 𝐛𝐞𝐥𝐞 𝐡𝐚𝐭𝐮𝐝𝐮 𝐤𝐚𝐭𝐚𝐤 𝐓𝐢𝐦𝐨𝐫-𝐋𝐞𝐬𝐭𝐞 𝐥𝐚 𝐩𝐫𝐨𝐧𝐭𝐮 𝐝𝐞’𝐢𝐭 𝐚𝐭𝐮 𝐚𝐝𝐞𝐫𝐞, 𝐦𝐚𝐢𝐛𝐞́ 𝐦𝐨́𝐬 𝐝𝐞𝐭𝐞𝐫𝐦𝐢𝐧𝐚𝐝𝐮 𝐚𝐭𝐮 𝐤𝐨𝐧𝐭𝐫𝐢𝐛𝐮𝐢 𝐛𝐚́ 𝐩𝐚́𝐳, 𝐞𝐬𝐭𝐚𝐛𝐢𝐥𝐢𝐝𝐚𝐝𝐞, 𝐢𝐧𝐭𝐞𝐠𝐫𝐚𝐬𝐚𝐮𝐧 𝐡𝐨 𝐩𝐫𝐨𝐬𝐩𝐞𝐫𝐢𝐝𝐚𝐝𝐞 𝐩𝐚𝐫𝐭𝐢𝐥𝐥𝐚𝐝𝐚 𝐢𝐡𝐚 𝐫𝐞𝐣𝐢𝐚𝐮𝐧,” Xanana Gusmão espera.
Iha fatin hanesan, Vise-Ministra bá Asuntu ASEAN, Milena Rangel hateten, reuniaun interministeriál ne’e organiza hosi Ministériu Negósiu Estranjeiru no Kooperasaun (MNEK) bazeia bá rezolusaun Governu ne’ebé aprovadu iha Konsellu Ministru (KM) hodi forma grupu traballu ne’ebé involve liña ministériu sira atu responde bá rekomendasaun hosi Malázia nu’udár Prezidente ASEAN 2025.
Tuir rezolusaun ne’e, enkontru koordenasaun interministeriál ne’e sei hala’o semana rua kada fulan ne’ebé hahú ona hosi fulan-juñu to’o setembru molok hakat bá Simeira ASEAN bá dala-47.
Paragráfu primeiru hosi rekomendasaun ne’e, husu Timor-Leste ho Estadu-membru ASEAN sira atu aselera prosesu negosiasaun bá akordu prinsipál ekonómika sira-ne’ebé seidauk finaliza molok tama bá simeira ASEAN bá dala-47.
Akordu ekonómiku ne’ebé Timor-Leste ho nasaun membru atu diskute no finaliza maka kona-bá atividade komérsiu bá sasán nian, oferta servisu inklui Timor-Leste nia lista rezerva bá investimentu no seluk tán.
Partisipa iha reuniaun ne’e membru Governu sira, ekipa téknika hosi Ministériu no Instituisaun Governamentál sira.

Link Facebook (Média-GPM)